This section allows you to view all posts made by this member. Note that you can only see posts made in areas you currently have access to.
Topics - RG
Pages: 1 ... 19 20 21 22 23 [24] 25 26 27 28 29 ... 40
461
« on: April 16, 2011, 05:08:35 AM »
ਮਾਂ ਨੂੰ ਅੱਜ ਕੱਲ ਦੁੱਖ ਬੜੇ ਨੇ
ਜਿਉ ਪਤਝੜ ਵਿਚ ਰੁੱਖ ਖੜੇ ਨੇ
ਪੁੱਤ ਅੱਜ ਕਲ ਗੁੰਮਰਾਹ ਬੜੇ ਨੇ
ਕੈਸੇ ਚੰਦਰੇ ਰਾਹ ਫੜੇ ਨੇ
ਮਾਂ ਦੀ ਅੱਖ ਵਿਚ ਆਸ ਬੜੀ ਹੈ
ਕਦ ਦੀ ਬੂਹੇ ਵਿਚ ਖੜੀ ਹੈ
ਟੁੱਟਦੀ ਨਾ ਸੋਚਾਂ ਦੀ ਲੜੀ ਹੈ
ਨੈਣੀਂ ਹੰਝੂਆਂ ਦੀ ਝੜੀ ਹੈ
ਪੁੱਤ ਨੂੰ ਘਰੇ ਲਿਆਵਣ ਖਾਤਰ
ਰੱਬ ਨਾ ਕਿੰਨੀ ਵਾਰ ਲੜੀ ਹੈ
ਜੋ ਨਾ ਬੀਤਣ ਦਾ ਨਾਂ ਲੈਦੀਂ
ਕਿੰਨੀ ਚੰਦਰੀ ਇਹ ਘੜੀ ਹੈ
462
« on: April 16, 2011, 02:47:59 AM »
ਦਿਲ ਭਾਂਵੇ ਸਾੜ ਲਿਆ ਖਤ ਨਹਿਉ ਸਾੜੇ
ਤੇਰੇ ਲਈ ਤਾਂ ਅਸੀਂ ਭਾਂਵੇ ਅੱਜ ਵੀ ਹਾਂ ਮਾੜੇ
ਤੇਰੇ ਪਿਛੇ ਜੋਗੀ ਹੋ ਗਏ ਦੇਖ ਲੈ ਨੀ ਨਾਰੇ
ਤੂੰ ਤਾਂ ਕਨੇਡਾ ਜਾ ਕੇ ਦੇਖਦੀ ਨਜ਼ਾਰੇ
ਅਸੀਂ ਦਿਨ ਕੱਟੀ ਜਾਨੇ ਤੇਰੇ ਖਤਾਂ ਦੇ ਸਹਾਰੇ
463
« on: April 16, 2011, 01:28:49 AM »
ਇਕ ਤੇਰੇ ਕਰਕੇ ਨੀ ਸਾਡੇ ਹੋ ਗੇ ਚਰਚੇ ਨੀ
ਮਰ ਮੁੱਕ ਚੱਲੇ ਸੀ,ਬਚਾ ਲਿਆ ਹੱਥ ਫੜ ਕੇ ਨੀ
ਗਮਾਂ ਦੇ ਬੱਦਲ ਤਾਂ ਆ ਗੇ ਸੀ ਚੜ ਕੇ ਨੀ
ਤੇਰੇ ਪਿਆਰ ਚੁਬਾਰੇ ਨੇ ਦਿਤੇ ਸਾਨੂੰ ਸਹਾਰੇ ਸੀ
464
« on: April 15, 2011, 06:13:45 AM »
ਜਦ ਆਸ਼ਕ ਦਾ ਦਿਲ ਸੜਦਾ ਏ
ਤਾਂ ਕਾਲਾ ਬੱਦਲ ਚੜਦਾ ਏ
ਕੋਈ ਹੰਝੂਆਂ ਦੇ ਹੜ ਵਿਚ ਹੜਦਾ ਏ
ਫਿਰ ਬਚਣਾ ਮੁਸ਼ਕਿਲ ਹੋ ਜਾਂਦਾ
ਜਦ ਨਾਗ ਇਸ਼ਕ ਦਾ ਲੜਦਾ ਏ
465
« on: April 15, 2011, 03:29:01 AM »
ਆ ਜੋ ਅੱਜ ਥੋਨੂੰ ਪੀ ਜੇ ਦੀ ਸੈਰ ਕਰਾਵਾਂ
ਕੁਝ ਝਲਕਾਂ ਪੀ ਜੇ ਦੀਆਂ ਦਿਖਾਵਾਂ
ਸੰਨ 2007 'ਚ ਪੀ ਜੇ ਨੇ ਅਵਤਾਰ ਧਾਰਿਆ
ਜਦ ਸਿਖਿਆ ਸੀ ਉਹਨੇ ਰੁੜਨਾ
ਕੁਝ ਧੋਖੇਬਾਜ਼ਾਂ ਪਿਛੋਂ ਸੀ ਧੱਕਾ ਮਾਰਿਆ
ਗਰਨੇਡ ਵੀਰ ਨੇ ਸਭ ਕੁਝ ਚੁਪ ਕਰਕੇ ਸਹਾਰਿਆ
ਅਮਨ ਪੰਨੂੰ ਨੇ ਦਿਤਾ ਹੌਂਸਲਾ
ਤੇ ਪੀ ਜੇ ਨੂੰ ਤੁਰਨਾ ਸਿਖਾਲਿਆ
ਹੱਥ ਫੜ ਕੇ ਤੁਰਨਾ ਸਿਖ ਲਿਆ
ਪੀ ਜੇ ਨੇ ਪੰਜਾਬੀਆਂ ਦਾ
ਛਡ ਦਿੱਤਾ ਦੁਖ ਮਨਾਉਣਾ ਫਿਰ
ਮੁਸ਼ਕਿਲਾਂ ਬੇ-ਹਿਸਾਬੀਆਂ ਦਾ
ਕੁਝ ਸੋਹਣੇ ਸੱਜਣ ਜੁੜ ਗਏ
ਪੀ ਜੇ ਨਾਲ ਸੀ ਆ ਕੇ
ਕੁਝ ਕੁੜੀਆਂ ਚਿੜੀਆਂ ਵੀ ਬਹਿ ਗਈਆਂ
Profile ਸਜਾ ਕੇ
ਉਦਾਸ ਜਿਹੀ ਹੋਈ ਬੈਠੀ ਪੀ ਜੇ ਨੂੰ
Sandhu_boyz ਨੇ ਆਣ ਹਸਾਇਆ
ਮੁਰਝਾ ਚੱਲਿਆ ਸੀ ਚਿਹਰਾ
ਉਹਨੇ ਆਣ ਖਿੜਾਇਆ
ਰਲ ਮਿਲ ਕੇ ਚਲਾਈ ਪੀ ਜੇ ਸਾਰਿਆਂ ਨੇ
ਗੁੱਡੀ ਅਰਸ਼ੀਂ ਚੜਾਈ ਦਿਲ ਦੇ ਸਹਾਰਿਆਂ ਨੇ
to be continue.....................................
Shaunki(Hitler) da idea c eho jiha topic likhn da ,meri nimaani jihi koshish ----
466
« on: April 14, 2011, 01:00:37 PM »
ਪਹਿਲੀ ਵਾਰੀ ਖੇਡੀ ਇਸ਼ਕੇ ਦੀ ਖੇਡ ਸੱਜਣਾ
ਦਿਲ ਵਿਚ ਆ ਗਈ ਤਰੇੜ ਸੱਜਣਾ
ਹੁਣ ਹੋਰ ਨਾ ਤੂੰ ਮੈਨੂੰ ਛੇੜ ਸੱਜਣਾ
ਬਸ ਰਹਿਣ ਦੇ ਤੂੰ
ਹੁਣ ਹੋ ਗਈ ਬੜੀ ਦੇਰ ਸੱਜਣਾ
ਰੁੱਸੇ ਚਾਨਣ ਹੋ ਗਿਆ ਹਨੇਰ ਸੱਜਣਾ
467
« on: April 14, 2011, 11:38:32 AM »
ਆਸ਼ਕਾਂ ਦੇ ਦਰਦਾਂ ਦੇ ਗੀਤ ਨਾ ਤੂੰ ਲਿਖ
ਪੀੜ ਨੀ ਤੂੰ ਝੱਲੀ, ਪੀੜ ਤੇ ਨਾ ਲਿਖ
ਵਿਛੋੜੇ ਵਿਚ ਹੋਇਆ ਨੀ ਤੂੰ ਝੱਲਾ
ਕਾਹਤੋਂ ਲਿਖਦਾਂ ਮੁੰਦਰੀ ਨਿਸ਼ਾਨੀ ਛੱਲਾ
ਵੇਖੀਆਂ ਨੀ ਤੂੰ ਝਨਾਬ ਦੀਆਂ ਛੱਲਾਂ
ਕੱਚੇ ਘੜੇ ਦੀਆਂ ਲਿਖਦਾਂ ਤੂੰ ਗੱਲਾਂ
ਖੁਆਬ ਵੀ ਨੀ ਆਇਆ ਤੈਨੂੰ ਵਿਛੜਨ ਦਾ
ਕਾਹਤੋਂ ਹੋਇਆ ਫਿਰਦਾਂ ਲਿਖ ਲਿਖ ਝੱਲਾ
468
« on: April 14, 2011, 10:58:11 AM »
ਤੇਰੇ ਇਸ਼ਕ ਵਿਚ ਤਾਂ ਮੱਚ ਲਾਂ
ਕਹੇਂ ਤਾਂ ਦਿਨ ਰਾਤ ਨੱਚ ਲਾਂ
ਜਿਹੜੇ ਰਾਹਾਂ ਨੂੰ ਤੂੰ ਪਾਵੇਂ
ਉਹਨਾਂ ਨੂੰ ਹੀ ਮੰਜ਼ਿਲਾਂ ਮੰਨ ਲਾਂ
469
« on: April 14, 2011, 02:16:26 AM »
ਕਾਹਦਾ ਸੰਧੂ ਸਾਡਾ ਦਬੰਗ ਹੋ ਗਿਆ
ਇਕ ਕੁੜੀ ਦੇ ਪਿਆਰ ਚ ਮਲੰਗ ਹੋ ਗਿਆ
ਸ਼ੌਪਿੰਗ ਕਰਾਉਂਦਾ ਨਾਲੇ ਗੇੜੀਆਂ ਲਵਾਉਂਦਾ
ਵਿਚਾਰਾ ਦਿਨਾ ਵਿਚ ਨੰਗ ਹੋ ਗਿਆ
ਸੱਚਾ ਪਿਆਰ ਲੱਭਦੇ ਤੋਂ
ਕੁੜੀ ਦੇਖ ਕੇ ਖੰਘ ਹੋ ਗਿਆ
ਲੱਗਾ ਸੀ ਆਸ਼ਕੀ ਜਿਹੀ ਝਾੜਨ
ਪਰ ਸੂਲੀ ਟੰਗ ਹੋ ਗਿਆ
ਗੱਭਰੂ ਸ਼ੌਕੀਨ ਪੀ ਜੇ ਦਾ
ਕਿਵੇਂ ਰੰਗੋ ਬਦਰੰਗ ਹੋ ਗਿਆ
ਕਾਹਦਾ ਸੰਧੂ ਸਾਡਾ ਦਬੰਗ ਹੋ ਗਿਆ
470
« on: April 13, 2011, 12:59:10 PM »
ਦੇਖੀ ਜਾ ਛੇੜੀਂ ਨਾ
ਛੇੜਿਆ ਤਾਂ ਖੇਡੀਂ ਨਾ
ਖੇਡਿਆ ਤਾਂ ਰੋਲੀਂ ਨਾ
ਰੋਲਿਆ ਤਾਂ ਗੌਲੀ ਨਾ
471
« on: April 13, 2011, 02:25:42 AM »
ਗੱਲ ਸੁਣ ਸੋਹਣਿਆ ਵੇ ਐਤਕੀਂ ਵਿਸਾਖੀ ਉਤੇ
ਚਾਂਦੀ ਦੀਆਂ ਝਾਂਜਰਾਂ ਘੜਾ ਦੇ
ਮਰ ਗਈ ਮੈਂ ਆਸਾਂ ਵਿਚ ਅੱਡੀਆਂ ਨੂੰ ਕੂਚਦੀ
ਐਤਕੀਂ ਇਹ ਰੀਝ ਪੁਗਾ ਦੇ
ਛਣ ਛਣ ਨੱਚਦੀ ਮੈਂ ਰਹੂੰ ਵਿਹੜੇ ਤੇਰੇ
ਨਾਲੇ ਜੁੱਤੀ ਨੂੰ ਵੀ ਘੁੰਗਰੂ ਲਵਾ ਦੇ
ਧੁੱਪ ਚ ਗੁਲਾਬੀ ਰੰਗ ਉਡ ਚੱਲਿਆ
ਵੇ ਮੈਨੂੰ ਲੰਡਨੋ ਤੂੰ ਛਤਰੀ ਮੰਗਾ ਦੇ
ਇਕ ਗੱਲ ਹੋਰ ਦੱਸਾਂ ਚਾਅ ਮੈਨੂੰ ਬੜਾ
ਅੱਜ ਮੇਲਿਓਂ ਤੂੰ ਚੂੜੀਆਂ ਚੜਾ ਦੇ
ਡਰਦੀ ਜਿਹੀ ਗੱਲ ਕਰਾਂ ਗੁੱਸਾ ਨਾ ਕਰੀਂ
ਵੇ ਮੈਨੂੰ ਚੰਡੋਲ ਉਤੇ ਝੂਟਾ ਵੀ ਦੁਆ ਦੇ
472
« on: April 13, 2011, 02:08:39 AM »
ਦਿਲ ਕਰਦਾ ਇਕ ਉਡਾਰੀ ਲਾਵਾਂ ਅੰਬਰਾਂ ਦੀ
ਪਰ ਟੁੱਟੇ ਹੋਏ ਪਰਾਂ ਦਾ ਚੇਤਾ ਆ ਜਾਂਦਾ
ਜਦ ਮੈਂ ਤੱਕਾਂ ਸਤਰੰਗੀਆਂ ਜਿਹੀਆ ਪੀਘਾਂ ਨੂੰ
ਕੋਈ ਦਰਦ ਦਾ ਕਾਲਾ ਬੱਦਲ ਦਿਲ ਤੇ ਛਾ ਜਾਂਦਾ
ਲੱਖ ਬਚਾਵਾਂ ਮਨ ਦੀ ਕੋਰੀ ਚਾਦਰ ਨੂੰ
ਇਕ ਅੱਧ ਹੰਝੂ-ਹੌਕਾ ਦਾਗ ਜਿਹੇ ਪਾ ਜਾਂਦਾ
ਹੱਸਦੇ ਚਿਹਰੇ ਅਕਸਰ ਧੋਖਾ ਦੇ ਜਾਂਦੇ
ਕੋਈ ਐਂਵੇਂ ਅਪਣੇਪਣ ਦਾ ਭੁਲੇਖਾ ਪਾ ਜਾਂਦਾ
473
« on: April 13, 2011, 01:58:42 AM »
ਨਵੀਆਂ ਗੁੱਡੀਆਂ ਨਵੇਂ ਪਟੋਲੇ
ਤੈਥੋਂ ਸੱਜਣਾ ਕਾਹਦੇ ਓਹਲੇ
ਹੁਣ ਨਾ ਮੌਜ ਬਹਾਰਾਂ ਰਹੀਆ
ਨਾ ਹੁਣ ਬਾਗੀਂ ਕੋਇਲ ਬੋਲੇ
ਮਾਰੇ ਲੋਕੀਂ ਪੀਜ਼ੇ ਬਰਗਰ
ਕਿਹੜਾ ਹੁਣ ਭੁਨਾਉਂਦਾ ਛੋਲੇ
ਹੁਣ ਤਾਂ ਮੇਰਾ ਦਿਲ ਨਹੀ ਲੱਗਦਾ
ਪਿਪਲੀ ਦੇ ਪੱਤੇ ਵਾਂਗ ਡੋਲੇ
ਮਾਂ ਪੰਜਾਬੀ ਦੇ ਸਿਰੋਂ ਲਾਹ ਕੇ
ਸੱਗੀ ਫੁੱਲ ਅਸੀਂ ਪੈਰੀਂ ਰੋਲੇ
ਗੈਰਾਂ ਦਾ ਦਮ ਭਰਦੇ ਭਰਦੇ
ਹੋ ਗਏ ਹਾਂ ਅੱਜ ਕੱਖੋਂ ਹੌਲੇ
ਹੁਣ ਤਾਂ ਰੈਪ ਮਿਊਜ਼ਿਕ ਚੱਲਦਾ
ਛੱਡ ਦਿਤੇ ਅਸੀਂ ਮਾਹੀਏ ਢੋਲੇ
ਆਪਣੇ ਘਰ ਦੇ ਰਾਜੇ ਸੀ ਅਸੀ
ਬਹਿ ਗਏ ਬਣ ਗੈਰਾਂ ਦੇ ਗੋਲੇ
474
« on: April 12, 2011, 12:42:06 PM »
ਮੇਰੇ ਯਾਰ ਦਾ ਇਸ਼ਕ ਅਵੱਲਾ ਏ
Yahoo chat ਤੇ ਚਲਦਾ ਏ
ਉਹ Voice mail ਤੇ ਗਾਉਦੀ ਏ
ਯਾਰ ਦੇ ਦਿਲ 'ਚ Music ਚਲਦਾ ਏ
475
« on: April 11, 2011, 05:21:17 AM »
ਮੰਗਦਾ ਨਾ ਮੁੰਦਰੀ ਨਾ ਨਿਸ਼ਾਨੀ ਕੋਈ ਛੱਲਾ
ਗੋਰੀਆਂ ਬਾਹਾਂ ਪਾ ਦੇ ਮੇਰੇ ਗਲ ਵਿਚ
ਹੋ ਜਾਣਾ ਚਾਹੁੰਦਾ ਤੇਰੇ ਪਿਆਰ ਵਿਚ ਝੱਲਾ
ਗੋਰਾ ਚਿੱਟਾ ਰੰਗ ਫਿਰੇ ਮੈਨੂੰ ਡੰਗਦਾ
ਜੋਗੀਆਂ ਦੇ ਕੋਲੋਂ ਫਿਰਾਂ ਮਣਕਾ ਮੈਂ ਮੰਗਦਾ
476
« on: April 11, 2011, 01:50:31 AM »
' ਮੈਂ ' ਨੂੰ ਮਾਰ ਤੇ ਮੁਰਸ਼ਦ ਆਪੇ ਮਿਲ ਜਾਣਾ
ਦਿਲ ਦੇ ਉਜੜੇ ਬਾਗੀਂ ਮਰੂਆ ਖਿਲ ਜਾਣਾ
ਕਿਓ ਭਟਕੇਂ ' ਕਸਤੂਰੀ ' ਤੇਰੇ ਅੰਦਰ ਹੈ
ਕਿਥੇ ਰੱਬ ਨੂੰ ਲੱਭਦਾ ਮਨ ਹੀ ਮੰਦਰ ਹੈ
ਅੰਭੇ ਹੋਂਠ ਛੁਹਾ ਲੈ ਮੋਹ ਦੀਆਂ ਕਣੀਆਂ ਨੂੰ
ਖੋਲ ਦੇ ਦਿਲ ਦਰਵਾਜੇ ਨਹੀ ਬੁੱਲੀਆਂ ਸਿਲ ਜਾਣਾ
477
« on: April 11, 2011, 01:12:23 AM »
ਪੁੱਤ ਜੱਟ ਦਾ ਆਸਟੇ੍ਲੀਆ ਚ ਜਾ ਕੇ 'ਨਟਖਟ' ਹੋ ਗਿਆ
ਸਿੱਧਾ ਸਾਦਾ ਮੁੰਡਾ ਵਿਗੜ ਗਿਆ, ਨਾਲੇ ਪੱਟ ਹੋ ਗਿਆ
ਦਿਨ ਰਾਤ ਮੇਮਾਂ ਰਹਿੰਦਾ ਤੱਕਦਾ,ਤੇ ਟੌਹਰ ਕੱਢੀ ਰੱਖਦਾ
ਪੜਦਾ ਤੇ ਸ਼ਿਫਟਾਂ ਵੀ ਲਾਉਦਾ ਹੁਣ ਸੌਣਾ ਉਹਦਾ ਘੱਟ ਹੋ ਗਿਆ
ਗਾਣੇ ਗਾਉਦਾ ਨਾਲੇ ਸ਼ਇਰੀ ਵੀ ਕਰਦਾ
ਪਿੰਡ ਚੇਤੇ ਕਰ ਹੌਕੇ ਰਹਿੰਦਾ ਭਰਦਾ
ਜਿਸ ਦੇਸ਼ ਪਿਛੇ ਬੋਹੜਾਂ ਦੀਆ ਛਾਂਵਾ ਛੱਡੀਆਂ
ਬੜਾ ਔਖਾ ਹੁਣ ਲੰਘਾਉਣਾ ਉਥੇ ਝੱਟ ਹੋ ਗਿਆ
ਪੁੱਤ ਜੱਟ ਦਾ ਆਸਟੇ੍ਲੀਆ ਚ ਜਾ ਕੇ 'ਨਟਖਟ' ਹੋ ਗਿਆ
ਸਿੱਧਾ ਸਾਦਾ ਮੁੰਡਾ ਵਿਗੜ ਗਿਆ, ਨਾਲੇ ਪੱਟ ਹੋ ਗਿਆ
478
« on: April 10, 2011, 11:02:05 AM »
ਅੱਜ ਕੱਲ ਜੇਬ ਗਾਲਿਬ ਦੀ ਹੈ ਤੰਗ
ਪੰਜਾਬੀ ਜਨਤਾ 'ਚ ਬੈਠਾ ਹੋਇਆ ਨੰਗ
ਕਿਹੜੀ ਗੱਲੋ ਮਾਰਦਾ ਫਿਰੇ ਤੜੀਆ
ਕਰਜੇ ਨੇ ਲਾ ਤੀਆਂ ਹੱਥੀ ਹੱਥਕੜੀਆਂ
ਅੱਜ ਕੱਲ ਪਾਉਦਾ ਨੀ ਸਾਨੂੰ ਕੋਈ ਘਾਹ
ਮੈ ਕਿਹੜਾ ਮੰਗਦਾ ਗਰਨੇਡ ਤੋ ਤਨਖਾਹ
479
« on: April 10, 2011, 09:15:46 AM »
ਨਖਰੋ ਦੇ ਹੱਥਾਂ ਉਤੇ ਮਹਿੰਦੀ ਚੜ ਗਈ
ਦਸੋ ਕੀਹਦੇ ਨਾਮ ਦੀ
ਅੱਜ ਕੱਲ ਲੱਗਦਾ ਨਾ ਧਰਤੀ ਤੇ ਪੈਰ
ਨੱਚਦੀ ਤੇ ਗਾਂਵਦੀ
ਕੀਹਦੀਆ ਪੰਜੇਬਾਂ ਪੈਰਾਂ ਵਿਚ ਪਾ ਲਈਆ
ਫਿਰੇ ਛਣਕਾਂਵਦੀ
ਕਿਹੜੇ ਗਭਰੂ ਦੀ ਨੀਦ ਲੁਟ ਪੁਟ ਕੇ
ਇਹ ਫਿਰੇ ਹੱਸਦੀ
ਕਿਹੜਾ ਇਹਦੇ ਹਾਸਿਆ ਦੇ ਵਿਚ ਹੱਸਦਾ
ਨਾ ਕਿਸੇ ਨੂੰ ਦੱਸਦੀ
ਕਿਹਦੇ ਨਾ ਦਾ ਬਾਹਾ ਵਿਚ ਚੂੜਾ ਪਾ ਲਿਆ
ਫਿਰੇ ਮੌਜਾ ਮਾਣਦੀ
ਨਖਰੋ ਦੇ ਹੱਥਾਂ ਉਤੇ ਮਹਿੰਦੀ ਚੜ ਗਈ
ਦਸੋ ਕੀਹਦੇ ਨਾਮ ਦੀ
480
« on: April 10, 2011, 07:03:30 AM »
ਤੁਰ ਗਏ ਵਲੈਤ ਦਿਲ ਪਿੰਡ ਛੱਡ ਕੇ
ਮੋਹ ਦੀਆ ਤੰਦਾ ਹੱਥੀ ਆਪੇ ਵੱਢ ਕੇ
ਚਾਂਦੀ ਦੇ ਛਿਲੜਾ ਨੇ ਕੈਸਾ ਭਰਮਾਇਆ
ਮਾਰ ਗਏ ਉਡਾਰੀ ਪਿਆਰ ਦਿਲੋ ਕੱਢ ਕੇ
ਨੈਣਾ ਵਿਚ ਸੁਪਨੇ ਰੰਗੀਲੇ ਭਰ ਕੇ
ਸੱਚੀਆਂ ਮੁਹੱਬਤਾ ਨੂੰ ਪਾਸੇ ਕਰ ਕੇ
ਤੋੜ ਗਏ ਸੀ ਮੋਹ ਜੋ ਬੇਗਾਨਿਆ ਦੇ ਵਾਂਗ
ਮੰਗਦੇ ਦੁਆਵਾ ਹੱਥ ਅੱਡ ਅੱਡ ਕੇ
Pages: 1 ... 19 20 21 22 23 [24] 25 26 27 28 29 ... 40
|
Show Posts