ਇਹ ਜਾਣਦਿਆ ਇਸ ਦੁਨਿਆ ਨੂੰ ਇੱਕ ਤੂੰ ਹੀ ਰਿਹਾ ਚਲਾ ਰੱਬਾ
ਅਸੀਂ ਕਿੰਨੇ ਦੇਖ ਨਾ ਸ਼ੁਕਰੇ ਹਾਂ ਤੈਨੂੰ ਛੱਡਿਆ ਦਿਲੋਂ ਭੁੱਲਾ ਰੱਬਾ,
ਧਰਤੀ ਦੇ ਚੱਪੇ ਚੱਪੇ ਤੇ ਖੰਡੀ ਬਹਮੰਡੀ ਰਾਜ ਤੇਰਾ*****
ਤੇਰੇ ਹੁਕਮ ਤੇ ਦੁਨਿਆ ਵਸਦੀ ਏ ਸਾਹ ਇੱਕ ਇੱਕ ਹੈ ਮੁਹਤਾਜ਼ ਤੇਰਾ,
ਕਾਇਨਾਤ ਦਾ ਮਾਲਕ ਤੂੰ ਇਕੋ ਉਝਂ ਰੱਖੇ ਤੇਰੇ ਨਾਮ ਬੜੇ
ਤੂੰ ਪਾਕ ਹੈਂ ਆਦਿ ਜੁਗਾਦੋਂ ਹੀ ਤੇਰੇ ਬੰਦਿਆਂ ਤੇ ਇਲਜਾਮ ਬੜੇ,
ਤੇਰੇ ਤੱਕ ਇੱਕੋ ਜਾਦਾਂ ਏ ਅਸਾਂ ਕਈ ਬਣਾ ਲਏ ਰਾਹ ਰੱਬਾ
ਅਸੀਂ ਕਿੰਨੇ ਦੇਖ ਨਾ ਸ਼ੁਕਰੇ ਹਾਂ ਤੈਨੂੰ ਛੱਡਿਆ ਦਿਲੋਂ ਭੁੱਲਾ ਰੱਬਾ,
ਸਾਨੂੰ ਸਾਰਾ ਕੁੱਝ ਹੀ ਮਿਲ ਜਾਵੇ ਅਸੀਂ ਫੜੇ ਹੋਏ ਹਾਂ ਗਰਜਾਂ ਦੇ
ਹਉਮੈਂ ਅਹਿਸਾਨ ਫਰਾਮੋਸ਼ੀ ਸਾਨੂੰ ਕਈ ਤਰਾਂ ਦੀ ਮਰਜਾਂ ਨੇ,
ਜੋ ਚੰਗਾ ਕੀਤਾ ਮੈਂ ਕੀਤਾ ਜੋ ਮਾੜਾ ਹੁੰਦਾ ਰੱਬ ਕਰਦਾ
ਕਰੇ ਕਾਣੀ ਵੰਡ ਹਮੇਸ਼ਾ ਹੀ ਮੇਰੇ ਨਾਲ ਸਾਰਾ ਰੱਬ ਕਰਦਾ,
ਸਾਨੂੰ ਮੰਗਦਿਆਂ ਨੂੰ ਸ਼ਰਮ ਨਹੀਂ,ਨਹੀਂ ਰੰਹਿਦੇ ਵਿੱਚ ਰਜਾ ਰੱਬਾ,
ਅਸੀਂ ਕਿੰਨੇ ਦੇਖ ਨਾ ਸ਼ੁਕਰੇ ਹਾਂ ਤੈਨੂੰ ਛੱਡਿਆ ਦਿਲੋਂ ਭੁੱਲਾ ਰੱਬਾ,
ਸਾਡੇ ਚਿਹਰੇ ਨੇ ਇਨਸਾਨਾਂ ਦੇ ਪਰ ਇਨਸਾਨਾਂ ਵਾਲੀ ਬਾਤ ਨਹੀਂ
ਇੱਕ ਪੈਸਾ ਚੌਧਰ ਯਾਦ ਹੈ ਬਸ ਚੇਤੇ ਆਪਣੀ ਔਕਾਤ ਨਹੀਂ,
ਕੱਚਿਆ ਮਹਿਬੂਬਾਂ ਵਾਂਗ ਕੌਲ ਭੁੱਲ ਬੇਵਫਾ ਬਣ ਬੈਠੇ ਹਾਂ
ਨਾਂ ਤੇਰਾ ਕਿਸ ਨੇ ਲੈਣਾ ਏ ਅਸੀਂ ਆਪ ਖੁਦਾ ਬਣ ਬੈਠੇ ਹਾਂ,
ਨੇਕੀ ਤਾਂ ਭੁੱਲ ਕੇ ਹੋ ਜਾਵੇ ਕੋਈ ਛੱਡਦੇ ਨੀ ਗੁਨਾਹ ਰੱਬਾ
ਅਸੀਂ ਕਿੰਨੇ ਦੇਖ ਨਾ ਸ਼ੁਕਰੇ ਹਾਂ ਤੈਨੂੰ ਛੱਡਿਆ ਦਿਲੋਂ ਭੁੱਲਾ ਰੱਬਾ,
ਮੰਨਦੇ ਹਾਂ ਤੈਨੂੰ ਮਤਲਬ ਲਈ ਕਈ ਤਰਾਂ ਦਾ ਭੇਖ ਬਣਾਉਦੇਂ ਹਾਂ
ਤੇਰੀ ਓਟ 'ਚ' ਆਪਣੀਆਂ ਅਸੀਂ ਹਟੀਆਂ ਪਏ ਚਲਾਉਦੇਂ ਹਾਂ
ਤੇਰੇ ਨਾਂ ਤੇ ਲੋਕਾਂ ਨੂੰ ਅਸੀਂ ਆਪਣੇ ਪਿੱਛੇ ਲਾ ਛੱਡਿਆ
ਲੋਕਾਂ ਦੇ ਪੈਸੇ ਨਾਲ ਅਸੀਂ ਇਮਾਨ ਵੀ ਆਪਣਾ ਖਾ ਛੱਡਿਆ,
ਤੂੰ ਓਹਲੇ ਕਰਕੇ ਬਚਿਆ ਏ ਨਹੀਂ ਵੇਚ ਕੇ ਜਾਦੇਂ ਖਾ ਰੱਬਾ
ਅਸੀਂ ਕਿੰਨੇ ਦੇਖ ਨਾ ਸ਼ੁਕਰੇ ਹਾਂ ਤੈਨੂੰ ਛੱਡਿਆ ਦਿਲੋਂ ਭੁੱਲਾ ਰੱਬਾ,
ਨਹੀਂ ਇੱਛਾ ਤੈਨੂੰ ਪਾਉਣੇ ਦੀ ਅਸੀਂ ਤਲਬਗਾਰ ਹਾਂ ਕੁਰਸੀ ਦੇ
ਅਸੀਂ ਉਪਰੋਂ ਉਪਰੋਂ ਤੇਰੇ ਹਾਂ ਪਰ ਵਿਚੌ ਯਾਰ ਹਾਂ ਕੁਰਸੀ ਦੇ,
ਇੱਜ਼ਤ ਭਾਵੇਂ ਰਹੇ ਨਾ ਕੋਈ ਪਰ ਕੁਰਸੀ ਸਾਡੀ ਰਹਿ ਜਾਵੇ
ਕੁਰਸੀ ਸਣੇ ਕਿਤੇ ਜੇ ਰੱਬਾ ਸਾਡੀ ਨਜ਼ਰੀਂ ਪੈਂ ਜਾਵੇ
ਓ ਮਿੰਟ 'ਚ' ਤੈਨੂੰ ਲਾਹ ਕੇ ਦੇਈਏ ਆਪਣਾ ਕੌਈ ਬਿਠਾ ਰੱਬਾ,
ਖੁਦ ਬਣੇ ਪਵਿਤੱਰ ਹੋਰਾਂ ਨੂੰ ਦੂਰੋਂ ਦੁਰਕਾਰਨ ਲੱਗ ਪਏ ਹਾਂ
ਡਰ ਭੁੱਲ ਕੇ ਤੇਰਾ ਤੈਨੂੰ ਵੀ ਹੋਛੇ ਵੰਗਾਰਨ ਲੱਗ ਪਏ ਹਾਂ,
ਮਖਸੂਸਪੁਰੀ ਹੰਕਾਰਿਆਂ ਨੂੰ ਅੱਜ ਤਾਹੀਓਂ ਹਾਰਾਂ ਪੈ ਰਹੀਆਂ
ਤੇਰੇ ਸੱਚੇ ਦਰ ਤੋਂ ਟੁੱਟਿਆਂ ਨੂੰ ਹਰ ਪਾਸੌ ਮਾਰਾਂ ਪੈ ਰਹੀਆਂ,
ਤੇਰਾ ਦੋਸ਼ ਨਹੀਂ 'ਦੇਬੀ' ਵਰਗੇ ਕੀਤੀਆਂ ਰਹੇ ਨੇ ਪਾ ਰੱਬਾ
ਅਸੀਂ ਕਿੰਨੇ ਦੇਖ ਨਾ ਸ਼ੁਕਰੇ ਹਾਂ ਤੈਨੂੰ ਛੱਡਿਆ ਦਿਲੋਂ ਭੁੱਲਾ ਰੱਬਾ,
__________________

JI  HANJI