Tere ishq main meri jaan hadh kar jaun ga
Tum nazar phero ge aur main mar jaun ga

Mera wajood jaise ujra hua ho khandar koi
Main aayena dekhun ga to darr jaun ga

Rag rag se lahu nichor rahi hai apki judai
Main agar aur jeeta raha to mar jaun ga

In kaanton bhari raahon ki ap fikar na kijiye
Phool ban k qadmon main bikhar jaun ga

Tere sab wadon k bawajood jaane kyu
Mujhe lagta hai main tere dil se utar jaun ga

Jo raste chor don palat k nahi dekhta
Kis ne kaha main kabhi lout k ghar jaun ga

Yu k koi mujhe be-yaar na samjh le Mansoor
Apni qabar pe khod hi phool dhar jaun ga