Author Topic: Tere Naam (Read 335189 times)

Gujjar NO1 · « **Reply #280 on:** October 16, 2014, 12:23:01 PM »

Hum hi thehre sazaa-vaar aur khata’aa kuch bhi nahin,
Tu kya samajhta hai tere baad hua kuch bhi nahin,

Yaad jab aayi teri yaad raha kuch bhi nahin,
Dil ne bass aaah bhari aur kaha kuch bhi nahin,

Waqt ki tarah yeh saansain bhi rawaa’n hain ab tak,
Ik bass ashhk tha main aur rukaa kuch bhi nahin,

Hath se hath churra kar gaye jab se tum,
Mene us waqt se in hathon se chhua kuch bhi nahin,

Kash tu mujhe keh de achaanak aa kar,
Ke tere mere jeevan main bacha kuch bhi nahin..

Punjabi Janta Forums - Janta Di Pasand · « **Reply #280 on:** October 16, 2014, 12:23:01 PM »

∂яεαмεя · « **Reply #281 on:** October 16, 2014, 12:29:18 PM »

bhout shonk se utare the ishq ke samundar mein

ek hi leher ne aisa duboiya ke ajj takk kinara na mila

JayP · « **Reply #282 on:** October 16, 2014, 12:33:55 PM »

Quote from: ღ נαѕѕу ღ on October 16, 2014, 12:29:18 PM

bhout shonk se utare the ishq ke samundar mein

ek hi leher ne aisa duboiya ke ajj takk kinara na mila

dekho kitte tusi supna tan nhi leh rhe :D:

Noor Kaur · « **Reply #283 on:** October 16, 2014, 11:57:51 PM »

Mehfil Mein Mere Zikar Ke Aate Hi Uthe Woh;
Ruswa-e-Mohabbat Ka Ye Ezaz To Dekho!

Gujjar NO1 · « **Reply #284 on:** October 17, 2014, 03:54:01 AM »

Gham-e-shaoor koi damm to mujh ko mohlat de,
Tamaam umar jalaya hai apna jee meine..

lion.of.punjab · « **Reply #285 on:** October 17, 2014, 05:52:28 AM »

Kale Raat d Syahi Utte,
Chand di gwahi utte,
Soch de kore kagaj te,
Ik akhar Main ban java,
Tu bhule ta teri marji,
Main bhula ta mar java

Gujjar NO1 · « **Reply #286 on:** October 17, 2014, 11:51:33 AM »

Hansi ki wajha ye nam nahi hota
Ishq mein to koi badnam nahi hota

Arey log to pagal hein jo samjhty nahi hein
Warna is mein to koi paap nahi hota

Is mein koi to aisi baat hai
Warna aisey hi koi kisi mein nahi khota

Kuch log guzar rahey hein zindagi aik nam key saharey
Mein ney to suna tha key koi kisi ka nahi hota

Tum kiun ungli’on ko gin rahey ho aaj ‘Gul’
Is ishq mein to koi hisab kitab nahi hota

Noor Kaur · « **Reply #287 on:** October 17, 2014, 12:25:52 PM »

Ek Ajeeb Dastan Hai, Mere Afsaane Kee;
Maine Pal Pal Kee Kosish, Uske Pass Jaane Kee;
Naseeb Tha mera Ya, Sazish Zamane Kee;
Door Hua Mujhse utna, Jitni Umeed Thi Kareeb Aane Kee!

Gujjar NO1 · « **Reply #288 on:** October 17, 2014, 12:37:27 PM »

Mere liye meri Duniya ho Tum,
Cho k jo Guzre wo Hawa ho Tum,

Maine jo Mangi wo Dua ho Tum,
Kya maine Mehsos wo Ehsas ho Tum,

Meri Nazar ki Talash ho Tum,
Meri Zindagi ka Qarar ho Tum,

Maine jo Chaha wo Pyar ho Tum,
Mere Intizar ki Rahat ho Tum,

Mere Dil ki Chahat ho Tum,
Tum ho tu Duniya hai Meri,

Kaise Kahun k Sirf Pyar Nahin,
Meri JAAN ho Tum.

Noor Kaur · « **Reply #289 on:** October 17, 2014, 12:49:14 PM »

Jeevan Mein Ek Baar Sabhi Ne Kiya Hai Pyaar;
Kuch Ne Darr Kar Kuch Ne Josh Mein Kiya Izhar;
Magar Bina Bole Jab Do Dil Keh Jayein Dil Kee Baat;
Wahi Hai Nazar Ka Nazar Se Saccha Iqraar!

Gujjar NO1 · « **Reply #290 on:** October 18, 2014, 11:21:24 PM »

Hum ne har saans mohabbat pe fidaa ki hai,
Har duaa main teri chahat ki iltijaa ki hai,

Tum kya karo ge mohabbat ki intihaa,
Hum ne to ibtidaa hi intihaa se ki hai..

Noor Kaur · « **Reply #291 on:** October 19, 2014, 12:29:21 AM »

Uski Yaadon Kee Barish Jab Bhi Barasti Hai Mujh Par;
Main Bheegta To Jarur Hun Lekin Palkon Kee Had Tak!

Gujjar NO1 · « **Reply #292 on:** October 19, 2014, 02:17:45 PM »

Koshish ke baawjood yeh ilzaam reh geya,
Har kaam main hamesha koi kaam reh geya,

Uth uth ke masjidon se nimaazi chale gaye,
Dehshat gardo’n ke hath mein Islam reh geya. :sad:

∂яεαмεя · « **Reply #293 on:** October 19, 2014, 02:21:54 PM »

Aj kiyun takleef hoti hai tumhain meri Be rukhi se

Tum se hi to Sikha hai kaisey dil Jalatey hain.

Gujjar NO1 · « **Reply #294 on:** October 19, 2014, 03:22:26 PM »

Kaha tha na ke
yoon sote huye mat chorr ke jana
Mujhe beshak jaga dena bata dena
Tumhain rasta badlna hai
Meri had se nikalna hai
To tumhain kis baat ka dar tha
Main tumhain jane nahi deta
kahin pe qaid kar leta
Arey pagal
mohabbat ki tabiyat me zabrdasti nahi hoti
Jise rasta badlna ho
usy rasta badlne se
Jise had se nikalna ho
usey had se nikalne se
Na koi rok paaya hai
Na koi rok paaye ga
To tumhain kis bat ka dar tha
Muje beshak jaga dete
Main tumhain dekh hi leta
Tumhain koi dua deta
kam’az kam yoon to na hota
Mere sathi ye haqiqat hai
tumhare bad khone ke liye kuch bhi nahi baki
Magar main khone se darta hon
Main ab sone se darta hon.

Noor Kaur · « **Reply #295 on:** October 19, 2014, 11:20:40 PM »

Aa Gaya Hai Farak Uss Ki Nazaron Mein Yakeenan;
Aab Woh Mujhe Andaaz Se Nahi, Andaaze Se Pehchante Hai!

Gujjar NO1 · « **Reply #296 on:** October 20, 2014, 06:44:47 AM »

Chalo tum sath mat dena?
Mujhy beshak bhula dena?

Naye sapne saja lena?
Naye rishte bana lena?

Bhula dena sabhi waday
Sabhi qasmen sabhi Naty?

Tmhen jana! ijazt hay?
Jo dil chahe wo sab karna..

Magar ab tum kisi se bhi..!
Adhora Pyar Mat Karna

Gujjar NO1 · « **Reply #297 on:** October 22, 2014, 04:47:53 AM »

Ab ke tajdeed-e-wafaa ke nahin imkaan jaana’n,
Yaad kya tujh ko dilaayen tera paimaan jaana’n,

Yoon hi mausam ki adaa dekh ke yaad aaya hai,
Kis qadar jald badal jaate hain insaan jaana’n,

Zindagi teri ataa thi, so tere naam ki hai,
Hum ne jese bhi bassar ki tera ehsaan jaana’n,

Dil yeh kehta hai ke shayed ho afsurda tu bhi,
Dil ki kya baat karen dil to hai nadaan jaana’n,

Awal awal ki mohabbat ke nashe yaad to kar,
Be piye bhi tera chehra tha gulistaan jaana’n,

Aakhir aakhir to yeh aalam hai ke ab hosh nahin,
Rag-e-beena sulagg uthi hai rag-e-jaan jaana’n,

Muddaton se yeh aalam na tawaqoh na umeed,
Dil pukaare hi chala jaata hai jaanan jaana’n,

Hum bhi kya saada they hum ne bhi samajh rakha tha,
Gham-e-doraan se juda hai gham-e-jaana’n jaana’n,

Ab tera naam bhi shayed hi ghazal mein aaye,
Aur se aur huye dard ke unwaan jaana’n,

Hum ke roothi hui rut ko bhi manaa lete they,
Hum ne dekha hi na tha mausam-e-hijraan jaana’n,

Hosh aaya to sabhi khawb they raiza raiza,
Jese urrte huye auraaq-e-pareshaan jaana’n.

LoSt-SoUl · « **Reply #298 on:** October 22, 2014, 05:36:39 AM »

Tere naam har din har sham

Gujjar NO1 · « **Reply #299 on:** October 22, 2014, 05:38:03 AM »

Quote from: Rάήјħά јόģi on October 22, 2014, 05:36:39 AM

Tere naam har din har sham

aap ka andaze biyan pasand aya 22 :he:

Author Topic: Tere Naam (Read 335189 times)

Punjabi Janta Forums - Janta Di Pasand

Related Topics

Who's Online

Recent Posts