Abhi sooraj nee dooba zarha si shaam hone do..
Mein khud hi laut jaungi zarha nakaam hone do..

Mujhe badnaam karne ke bahaane dhoonte ho kyun?
Main khud ho jaungi badnaam, Pehle naam hone do..

Abhi mujhko nee karna hai aitraaf-e-shikast..
Main sab tasleem kar lon gi, Pehle ye harcha aam hone do..

Meri hasti nee anmol phir bhi bik nee sakti..
Wafa'ain baich lena par pehle zarha nilaam hone do..

Naye aghaaz main honsla kyun tor behte ho?
Tum sab kuch jeet jaoge zarha anjaam hone do..

very very nice :ok:

iss ki tashreeh kijiye plz

..........................
Aah Ko Chahiyay Ik Umr Asar Honay Tak
Kon Jeeta Hai Teri Zulf Keh Sar Honay Tak

Daam-E-Har Mauj Main Hai Halqa-E-Sad Kaam-E-Nehang
Dekhain Kya Guzray Hai Qatray Peh Gauhar Honay Tak

Aashiqee Sabr Talab Aur Tamanna Baitab
Dil Ka Kya Rang Karoon Khoon-E-Jigar Honay Tak

Hum Nay Mana Keh Taghaful Na Karo Gay Lekin
Khaak Ho Jaayen Gay Hum Tum Ko Khabar Honay Tak

Partau-E-Khoor Say Hai Shabnam Ko Fana Kee Taaleem
Main Bhee Hoon Aik Inayat Kee Nazr Honay Tak

Yak Nazr Baish Nahin Fursat-E-Hastee Ghafil
Garmi-E-Bazm Hai Ik Raqs-E-Sharar Honay Tak

Gham-E-Hastee Ka 'Asad' Phir Say Ho Juzmarg Ilaaj
Shamma Har Rang Main Jaltee Hai Sehar Honay Tak