783
« on: November 08, 2011, 12:51:39 PM »
ਬੋਲ ਤੇਰਾ ਦੋਸਤਾ ਛੇਕ ਸੀਨੇ ਕਰ ਗਿਆ।
ਮਘਦਾ ਕੋਇਲਾ ਤਲੀ ਤੇ ਜਿੱਦਾਂ ਕੋਈ ਧਰ ਗਿਆ।
ਮੁਹੱਬਤਾਂ ਦਾ ਸੇਕ ਜਿੱਥੋਂ ਰਿਹਾ ਸਦਾ ਮੈਂ ਸੇਕਦਾ,
ਸੂਰਜ ਦੁਪਿਹਰੇ ਪਿਆਰ ਦਾ ਕਿਉਂ ਸੀ ਛੇਤੀ ਠਰ ਗਿਆ ?
ਬੁਲਬੁੱਲਾਂ ਦੇ ਖੰਭ ਖੋਹਣੇ, ਐਸੀ ਨਾ ਤੈਥੋਂ ਆਸ ਸੀ,
ਲੱਗਦਾ ਏ ਮੇਰੀ ਸੋਚ ਨੂੰ, ਜ਼ਮੀਰ ਤੇਰਾ ਮਰ ਗਿਆ।
ਬੋਲ ਦਿੱਤੇ ਪਾਲਣੇ ਤੁਰਨਾ ਹੈ ਨੰਗੀ ਤੇਗ਼ ‘ਤੇ,
ਖੇਡਣ ਤੋਂ ਪਹਿਲਾਂ ਖੇਡ ਨੂੰ, ਤੂੰ ਤਾਂ ਬਾਜ਼ੀ ਹਰ ਗਿਆ।
ਸਾਗ਼ਰਾਂ ਦੀ ਹਿੱਕ ‘ਚੋਂ ਮੋਤੀ ਰਿਹਾ ਜੋ ਭਾਲਦਾ,
ਆਪੇ ਦਾ ਮੰਥਨ ਕਰਨ ਤੋਂ, ਜ਼ਿਹਨ ਉਹਦਾ ਡਰ ਗਿਆ।
ਤੀਲਾ ਤੀਲਾ ਜੋੜ ਕੇ ਬਣਾਇਆ ਸੀ ਜੋ ਆਸ਼ੀਆਂ,
ਆਂਧੀਆਂ ਦਾ ਸਿਤਮ ਵੇਖੋ ਉਹੀ ਨਾ ਉਸ ਦਾ ਘਰ ਰਿਹਾ।
ਸਾਗਰਾਂ ਦੀ ਗਰਜ਼ ਤੋਂ ਭਲਾ ਕੀ ਏ ਦਰਕਣਾ,
ਬਣਿਆ ਜੋ ਸਾਥੀ ਲਹਿਰ ਦਾ, ਉਹੀਓ ਸਾਗ਼ਰ ਤਰ ਗਿਆ।
________________________________
Show Posts