This section allows you to view all posts made by this member. Note that you can only see posts made in areas you currently have access to.
Topics - ਰਾਜ ਔਲਖ
Pages: 1 2 3 4 5 6 [7] 8 9 10 11 12 ... 40
121
« on: May 02, 2012, 08:13:26 PM »
ਇੱਥੇ ਲੋਕ ਬੜੇ ਪੁੰਨ ਕਰਦੇ,
ਪਰ ਕੁੱਖ ਚ ਮਾਰਨ ਧੀਆਂ|
ਧੀਆਂ ਕਰਕੇ ਹੋਂਦ ਦੇਸ ਦੀ,
ਇਹ ਵਤਨ ਮੇਰੇ ਦੀਆਂ ਨੀਹਾਂ|
ਭਗਤ ਫ਼ਕੀਰ ਸੂਰਮੇ
ਤੇ ਮੈਂ ਜੰਮੇ ਸਾਂਈ ਨੇ
ਮੇਰਾ ਨਿੱਤ ਕਤਲ ਨੇ ਕਰਦੇ
ਲੋਕੀ ਔਖੇ ਤਾਈਂ ਨੇ
ਮੇਰੇ ਵਾਰੇ ਖੁਦ ਨਾ ਥੋੜ੍ਹਾ ਕਰਕੇ ਦੇਖੋ ਵਿਚਾਰ
ਕੁੜੀਆਂ ਤੋਂ ਗਲਤੀ ਹੋ ਗਈ ਕੀ
ਦੇਵੋਂ ਜਨਮ ਤੋਂ ਪਹਿਲਾਂ ਮਾਰ
ਬਾਬੇ ਨਾਨਕ ਜਿਹੇ ਅਵਤਾਰਾਂ ਦੀ
ਮਾਂ , ਭੈਣ ਮੈਂ ਬਣਕੇ ਆਈ
ਝਾਂਸੀ ਦੀ ਰਾਣੀ ਬਣਕੇ ਮੈਂ
ਹੱਕ ਲਈ ਅਵਾਜ ਉਠਾਈ
ਵਿੱਚ ਮੈਦਾਨੇ ਗੱਜ਼ੀ ਬਣਕੇ
ਦੁਸਮਣ ਲਈ ਹਥਿਆਰ
ਕੁੜੀਆਂ,,,,,,,,,,,,,
ਕੁਝ ਮੇਰੇ ਜਾਏ ਸਰਹੱਦਾਂ ਦੀ
ਕਰਦੇ ਰਾਖੀ ਨੇ
ਕਈਆਂ ਹੋਰ ਪਿੜਾਂ ਵਿੱਚ ਮੱਲਾਂ ਮਾਰੀਆਂ
ਦੱਸਣੇ ਬਾਕੀ ਨੇ
ਧਰਮ ਲਈ ਲੜਗੇ ਛੋਟੇ ਛੋਟੇ ਪੁੱਤਰ ਮੇਰੇ ਚਾਰ
ਕੁੜੀਆਂ,,,,,,,,,,,,,,,
ਕਲਪਨਾਂ ਚਾਵਲਾ ਬਣਕੇ
ਮੈਂ ਅੰਬਰੀ ਲਾਈ ਉਡਾਰੀ
ਹੋਂਦ ਹੈ ਇਸ ਦੁਨੀਆਂ ਦੀ
ਲੋਕੋ ਮੇਰੇ ਕਰਕੇ ਸਾਰੀ
ਜੱਗ ਜਨਣੀ ਨੂੰ ਕਿਉਂ ਸਮਝਣ ਲੋਕੀ ਭਾਰ
ਕੁੜੀਆਂ ,,,,,,,,,,,
__________
122
« on: May 02, 2012, 11:25:58 AM »
ਗਾਇਕ ਦੋਸ਼ੀ ਜਾਂ ਫਿਰ ਦੋਸ਼ੀ ਗੀਤਕਾਰ ਨੇ,
ਜਾਂ ਸੁਣਨੇ ਵਾਲੇ ਸਰੋਤੇ ਹੀ ਜਿੰਮੇਵਾਰ ਨੇ।
ਲੱਚਰਤਾ ਭਰਪੂਰ ਜੋ
ਹੋ ਗਏ ਗੀਤ ਪੰਜਾਬ ਦੇ,
ਤਾਂਹੀਓ ਤਾਂ ਹਾਲਾਤ ਨਾ ਠੀਕ ਪੰਜਾਬ ਦੇ।
ਮਾਂ ਬੋਲੀ ਨੂੰ ਆਪਣੇ ਦਿਲ ਚੋ' ਕੱਢੀ ਬੈਠੇ ਨੇ,
ਸੱਭਿਆਚਾਰ ਦਾ ਲੜ੍ਹ ਵੀ ਉਹ ਛੱਡੀ ਬੈਠੇ ਨੇ।
ਵਿਦੇਸ਼ਾਂ ਵਿੱਚ ਜਾ ਵੱਸ ਗਏ ਜੋ ਵਸਨੀਕ ਪੰਜਾਬ ਦੇ,
ਤਾਂਹੀਓ ਤਾਂ ਹਾਲਾਤ ਨਾ ਠੀਕ ਪੰਜਾਬ ਦੇ।
ਰੱਜੇ ਦੇ ਮੂੰਹ ਵਿੱਚ ਹਰ ਕੋਈ ਪਾaੁਂਦਾ ਨਿਵਾਲੇ ਆ,
ਗਰੀਬ ਨੂੰ ਦੋ ਡੰਗ ਦੀ ਰੋਟੀ ਦੇ ਵੀ ਪਏ ਲਾਲੇ ਆ।
ਬੱਚੇ ਮੰਗਣ ਦੇ ਲਈ ਮਜਬੂਰ ਹੋਏ ਨੇ ਭੀਖ ਪੰਜਾਬ ਦੇ,
ਤਾਂਹੀਓ ਤਾਂ ਹਾਲਾਤ ਨਾ ਠੀਕ ਪੰਜਾਬ ਦੇ।
ਕਾਮ ਕਰੋਧ ਲੋਭ ਮੋਹ ਦੇ ਨਾ ਹੁਣ ਬਾਬੇ ਤਿਆਗੀ ਨੇ
ਰਾਜਨੀਤੀ ਵਿੱਚ ਵੀ ਉਹ ਬਣਨਾ ਚਾਹੁੰਦੇ ਭਾਗੀ ਨੇ।
ਖੁਦ ਨੂੰ ਗੁਰੁ ਕਹਾਂਉਦੇ ਹੁਣ ਗੁਰਮੀਤ ਪੰਜਾਬ ਦੇ,
ਤਾਂਹੀਓ ਤਾਂ ਹਾਲਾਤ ਨਾ ਠੀਕ ਪੰਜਾਬ ਦੇ।
ਧਰਤੀ ਉਪੱਰ ਜਨਮ ਲੈਣ ਲਈ ਮਾਸੂਮ ਹੈ ਜੂਝ ਰਹੀ,
ਆਪਣੀ ਮਾਂ ਦੀ ਕੁੱਖ ਵੀ ਨਾ ਉਹਦੇ ਲਈ ਮਹਿਫੂਜ਼ ਰਹੀ।
ਭਰੂਣ ਹੱਤਿਆ ਕੌਣ ਲਿਆਇਆ ਵਿੱਚ ਕੁਰੀਤ ਪੰਜਾਬ ਦੇ,
ਤਾਂਹੀਓ ਤਾਂ ਹਾਲਾਤ ਨਾ ਠੀਕ ਪੰਜਾਬ ਦੇ।
ਲੋਕਾਂ ਸਾਹਮਣੇ ਇੱਕ ਦੂਜੇ ਦੀ ਕਰਦੇ ਭੰਡੀ ਨੇ,
ਪਰ ਅਸਲ ਚ' ਇਹ ਇਕ ਦੂਜੇ ਦੇ ਸਕੇ ਸੰਬੰਧੀ ਨੇ।
ਨੇਤਾ ਪੱਗ ਨੀਲੀ ਚਿੱਟੀ ਵਾਲੇ ਬਹੁਤੇ ਪ੍ਰੀਤ ਪੰਜਾਬ ਦੇ,
ਤਾਂਹੀਓ ਤਾਂ ਹਾਲਾਤ ਨਾ ਠੀਕ ਪੰਜਾਬ ਦੇ।
_______________________
123
« on: May 02, 2012, 12:51:12 AM »
ਉਸਨੇ ਕਿਹਾ
ਤੇਰਾ ਸੁਪਨਾ ਕੀ ਏ ?
ਮੈਂ ਕਿਹਾ…..
ਮੇਰੇ ਬਹੁਤ ਸੁਪਨੇ ਨੇ
ਉਸਨੇ ਹੱਸ ਕੇ ਕਿਹਾ
ਮਤਲਬ ਤੇਰਾ ਕੋਈ ਸੁਪਨਾ ਈ ਨਹੀਂ ਏ
ਫਿਰ ਪਤਾ ਨਹੀਂ ਕਦੋਂ
ਓਹ ਮੇਰਾ ਸੁਪਨਾ ਬਣ ਗਈ
ਪਰ
ਨਾ ਉਸਨੇ ਫਿਰ ਕਦੇ ਪੁਛਿਆ
ਤੇ ਨਾ ਮੈਂ ਦੱਸਿਆ
ਕਿ ਮੇਰਾ ਸੁਪਨਾ ਕੀ ਏ
ਤੇ ਹੁਣ ਉਹ ਨਹੀਂ ਏ
ਮੇਰੇ ਕੋਲ
ਉਹਦਾ ਸੁਪਨਾ ਹਾਲੇ ਵੀ ਏ
ਤੇ ਓਹੀ ਸਵਾਲ
ਮੈਂ ਹਰ ਕਿਸੇ ਨੂੰ
ਪੁਛਦਾ ਰਹਿਨਾ
ਤੇਰਾ ਸੁਪਨਾ ਕੀ ਏ?
___________
124
« on: May 02, 2012, 12:31:25 AM »
ਬਹੁਤ ਚੁਪ ਰਹਿ ਲਿਆ
ਹੁਣ ਮੇਰਾ
ਮੇਰਾ ਕੁਝ ਕਹਿਣ ਨੂੰ ਜੀਅ ਕਰਦਾ ..
ਹਰ ਇੱਕ ਲਈ ਸੀ ਖੁਲਾ ਮੇਰੇ ਦਿਲ ਦਾ ਬੂਹਾ ,
ਪਰ ਕੁਝ ਹੋਏ ਹਾਦਸੇ ਇਸ ਤਰਾਂ ਦੇ ,
ਕਿ ਸਦਾ ਲਈ
ਇਹ ਬੂਹਾ ਢੋਂਣ ਦੀ ਜੀਅ ਕਰਦਾ ....
____________________
125
« on: May 01, 2012, 10:45:32 AM »
ਵੋਹ ਚਿਹਰਾ ਕਿਤਾਬੀ ਰਹਾ ਸਾਮਨੇ
ਬੜੀ ਖ਼ੂਬਸੂਰਤ ਪੜ੍ਹਾਈ ਰਹੀ।
ਮੇਰੇ ਸੀਨੇ ਪੇ ਖ਼ੁਸ਼ਬੂ ਨੇ ਸਰ ਰਖ ਦੀਆ
ਮੇਰੀ ਬਾਹੋਂ ਮੇਂ ਫੂਲੋਂ ਕੀ ਡਾਲੀ ਰਹੀ।
ਡਾਲੀ ਗੁਲਾਬ ਕੀ ਮੇਰੇ ਸੀਨੇ ਸੇ ਆ ਲਗੀ
ਝਟਕੇ ਕੇ ਸਾਥ ਕਾਰ ਕਾ ਰੁਕਨਾ ਗ਼ਜ਼ਬ ਹੂਆ।
ਚਾਂਦ ਨੇ ਰਾਤ ਮੁਝ ਕੋ ਜਗਾ ਕਰ ਕਹਾ
ਏਕ ਲੜਕੀ ਤੁਮਹਾਰਾ ਪਤਾ ਲੇ ਗਈ।
____________________
126
« on: April 30, 2012, 10:53:48 PM »
ਕਿ ਅੱਜ ਫਿਰ ਮੈਨੂ
ਮੇਰਾ ਬੱਚਾ-ਪਣ (ਬਚਪਨ) ਯਾਦ ਆ ਗਿਆ,,
ਯਾਦ ਕਾਹਦਾ ਆਯਾ,
ਅਖੀਂ ਪਾਣੀ ਵੀ ਸਮਾ ਗਿਆ,,
ਕਿ ਅੱਜ ਮੈਨੂ ਫਿਰ
ਮੇਰਾ ਬੱਚਾ-ਪਣ ਯਾਦ ਆ ਗਿਆ..
ਕਿਵੇ ਨਿਕੇ-ਨਿਕੇ ਹਥਾਂ ਨਾਲ,
ਫੜ ਤਿੱਤਲੀ ਉਡਾਉਂਦੇ ਸੀ,,
ਕਦੇ ਜੁਗਨੂ ਨੂੰ ਫੜ,
ਜੇਬ ਆਪਣੀ ਚ ਪਾਉਂਦੇ ਸੀ,,
ਸਾਂਭ ਕੇ ਜੋ ਰਖਿਆ,
ਮੋਰ ਵਾਲਾ ਖੰਭ ਚੇਤੇ ਆ ਗਿਆ,,
ਕਿ ਅੱਜ ਫਿਰ ਮੈਨੂ,,
ਮੇਰਾ ਬੱਚਾ-ਪਣ ਯਾਦ ਆ ਗਿਆ..
ਓਹੀ ਕੱਚਾ ਜਿਹਾ ਰਾਹ,
ਜੋ ਸਕੂਲ ਵੱਲ ਜਾਂਦਾ ਸੀ,,
ਬਾਰਿਸ਼ਾਂ ਚ ਜਿਥੇ
ਸਦਾ ਪਾਣੀ ਭਰ ਜਾਂਦਾ ਸੀ,,
ਪਾਣੀ ਵਿਚੋਂ ਪੈਰ ਨਾਲ
ਛਿਟੇ ਪਾਉਣਾ ਚੇਤੇ ਆ ਗਿਆ,,
ਕਿ ਅੱਜ ਫਿਰ ਮੈਨੂ
ਮੇਰਾ ਬੱਚਾ-ਪਣ ਯਾਦ ਆ ਗਿਆ..
ਦੂਜੇ ਦੇ ਬਸਤੇ ਚੋਂ ਰੋਟੀ
ਕੱਡ ਕੇ ਖਾ ਲੈਂਦੇ ਸੀ,,
ਆਪ ਵਾਲੀ ਵਿਚੋ ਓਹਨੂ
ਭੋਰਾ ਵੀ ਨਾ ਦਿੰਦੇ ਸੀ,,
ਅਧੀ ਛੁੱਟੀ ਵਿੱਚ ਘਰੇ
ਭੱਜ ਆਉਣਾ ਚੇਤੇ ਆ ਗਿਆ,,
ਕਿ ਅੱਜ ਫਿਰ ਮੈਨੂ
ਮੇਰਾ ਬੱਚਾ-ਪਣ ਯਾਦ ਆ ਗਿਆ..
ਨਾਲ ਦੇ ਦੀ ਕਾੱਪੀ ਵਿਚੋਂ
ਪੰਨੇ ਪੱਟ ਲੈਂਦੇ ਸੀ,,
ਓਹਨੁ ਪੈਂਦੀ ਕੁੱਟ
ਵੇਖ ਆਪ ਹੱਸ ਪੈਂਦੇ ਸੀ,,
ਫਿਰ ਗੁੱਸੇ ਨਾਲ ਮਾਸਟਰ ਦਾ
ਚਾੜਿਆ ਕੁਟਾਪਾ ਯਾਦ ਆ ਗਿਆ,,
ਕਿ ਅੱਜ ਫਿਰ ਮੈਨੂ
ਮੇਰਾ ਬੱਚਾ-ਪਣ ਯਾਦ ਆ ਗਿਆ..
ਰਿਓੜੀਆਂ ਤੇ ਗਚਕਾਂ ਨਾ
ਜੇਬ ਭਰੀ ਹੁੰਦੀ ਸੀ,,
੨ ਲੈਣ ਪਿਛੇ ਪੈਣਾ-ਭਾਈਆਂ ਨਾ
ਲੜਾਈ ਸਦਾ ਹੁੰਦੀ ਸੀ,,
ਫਿਰ ਵੰਡ ਆਯਾ ਹਿੱਸਾ ਖਾ
ਖੁਸ਼ ਹੋਣਾ ਚੇਤੇ ਆ ਗਿਆ,,
ਕਿ ਅੱਜ ਫਿਰ ਮੈਨੂ
ਮੇਰਾ ਬੱਚਾ-ਪਣ ਯਾਦ ਆ ਗਿਆ..
ਭਠੀ ਤੇ ਜਾ ਕੇ ਦਾਣੇ
ਭੁਜਦੇ ਹੋਏ ਵੇਖ ਕੇ,,
ਤਤੇ-ਤਤੇ ਰੇਤੇ ਉੱਤੇ ਦਾਣੇ
ਕੁਦ ਦੇ ਹੋਏ ਵੇਖ ਕੇ,,
ਵਖਰੀ ਜੀ ਖੁਸ਼ੀ ਨਾਲ
ਖਿੜਿਆ ਓਹ ਮੁਖ ਯਾਦ ਆ ਗਿਆ,,
ਕਿ ਅੱਜ ਫਿਰ ਮੈਨੂ
ਮੇਰਾ ਬੱਚਾ-ਪਣ ਯਾਦ ਆ ਗਿਆ..
ਛੁਟੀਆਂ ਚ ਕਦੇ ਜਦੋ
ਨਾਨਕੇ ਸੀ ਜਾਈ ਦਾ,,
ਖੇਡ ਦੇ ਸੀ ਖੇਡ,
ਪਿਠੂ, ਗੁਲੀ-ਡੰਡਾ,
ਅਤੇ ਚੋਰ-ਸਿਪਾਹੀ ਦਾ,,
ਚੁੱਪ ਕਰ ਪਿਛੋਂ ਆ ਕੇ
ਠੱਪਾ ਲਾਉਣਾ ਚੇਤੇ ਆ ਗਿਆ,,
ਕਿ ਅੱਜ ਫਿਰ ਮੈਨੂ
ਮੇਰਾ ਬੱਚਾ-ਪਣ ਯਾਦ ਆ ਗਿਆ..
ਮਾਮੇ ਨਾਲ ਜਿਦ ਕਰ
ਮੇਲੇ ਨੂੰ ਤੁਰ ਜਾਂਦੇ ਸੀ,,
ਮਾਮੇ ਨੇ ਦਵਾਈ ਡੱਕੇ ਵਾਲੀ
ਕੁਲਫੀ ਵੀ ਖਾਂਦੇ ਸੀ,,
ਗੋਦੀ ਚ ਬਿਠ੍ਹਾ ਕੇ ਚੰਡੋਲ ਸੀ
ਝੁਟਾਇਆ ਚੇਤੇ ਆ ਗਿਆ,,
ਕਿ ਅੱਜ ਫਿਰ ਮੈਨੂ
ਮੇਰਾ ਬੱਚਾ-ਪਣ ਯਾਦ ਆ ਗਿਆ..
ਸੋਣ ਵੇਲੇ ਸੱਤ ਤਾਰਿਆਂ
ਦਾ ਖਾਨਾ ਫਿਰੇ ਲਭਦੇ,,
ਪੋਉਂਦੇ ਸੀ ਬੁਝਾਰਤਾਂ ਤੇ
ਆਪੇ ਈ ਫਿਰ ਦਸਦੇ,,
ਦਾੱਦੀ ਅਤੇ ਨਾੰਨੀ ਦੀ ਕਹਾਣੀਆਂ ਦਾ
ਮਨਪ੍ਰ੍ਚਾਵਾ ਚੇਤੇ ਆ ਗਿਆ,,
ਕਿ ਅੱਜ ਫਿਰ ਮੈਨੂ
ਮੇਰਾ ਬੱਚਾ-ਪਣ ਯਾਦ ਆ ਗਿਆ..
ਯਾਦ ਕਾਹਦਾ ਆਯਾ,
ਅਖੀਂ ਪਾਣੀ ਵੀ ਸਮਾ ਗਿਆ,,
ਕਿ ਅੱਜ ਮੈਨੂ ਫਿਰ ਮੇਰਾ
ਬੱਚਾ-ਪਣ ਯਾਦ ਆ ਗਿਆ..
ਕਿ ਅੱਜ ਮੈਨੂ ਫਿਰ ਮੇਰਾ
ਬੱਚਾ-ਪਣ ਯਾਦ ਆ ਗਿਆ..
_______________
127
« on: April 30, 2012, 11:08:24 AM »
ਜੇ ਨਾ ਮਨ ਵਿਚ ਆਉਂਦੀ
ਮਾਇਆ
ਤੇ
ਸਰਦਾਰੀ
ਦੀ ਭੁੱਖ,
ਕਦੇ ਨਹੀਂ
ਬੇਵਤਨ ਸੀ ਹੋਣਾ
ਛੱਡ ਕੇ
ਵਤਨ ਦੇ
ਦੁੱਖ
ਸੁੱਖ
ਤੇ ਰੁੱਖ
____
128
« on: April 30, 2012, 10:46:53 AM »
ਕੀ ਖਾਈਏ ਕੀ ਛੱਡੀਏ
ਬਚ ਮੌਤੋਂ ਕਿੱਥੇ ਭੱਜੀਏ
ਕੁਝ ਬੰਦੇ ਰਿਜਕ ਕਮਾਉਂਦਿਆਂ
ਜਦੋਂ ਬਣ ਜਾਵਣ ਯਮਦੂਤ
ਲੋਕਾਂ ਨੂੰ ਧੱਕ ਮੌਤ ਦੇ ਮੂੰਹ ਵਿੱਚ
ਨੋਟਾਂ ਦੇ ਨਾਲ ਭਰਨ ਸੰਦੂਕ
ਪਸ਼ੂਆਂ ਨੂੰ ਪਸਮਾਉਣ ਵਾਲੇ
ਵੇਲਾਂ ਨੂੰ ਟੀਕੇ ਲਾੳਂੁਦੇ ਨੇ
ਭਿੰਡੀ ਬੈਂਗਣ ਗੋਭੀ ਨੂੰ
ਧੋ ਜਹਿਰਾਂ ਵਿੱਚ ਚਮਕਾੳਂੁਦੇ ਨੇ
ਕੇਲੇ, ਚੀਕੂ , ਅੰਬ, ਪਪੀਤੇ
ਖਾਣਯੋਗ ਨਾ ਛੱਡੇ ਫਰੂਟ
ਲੋਕਾਂ ਨੂੰ ਧੱਕ ਮੌਤ ਦੇ ਮੂੰਹ ਵਿੱਚ….
ਨਕਲੀ ਬੀਜ, ਦਵਾਈਆਂ ਨਕਲੀ
ਨਕਲੀ ਖੋਆ, ਦੁੱਧ, ਪਨੀਰ
ਨਕਲੀ ਚਟਨੀਆਂ, ਮਿਰਚ-ਮਸਾਲੇ
ਲਾਲਚ ਦਿੱਤੀ ਮਾਰ ਜ਼ਮੀਰ
ਬੜੀ ਤਰੱਕੀ ’ਤੇ ਨੇ ਸੱਜਣੋ
ਅੱਜ-ਕੱਲ੍ਹ ਇਹੋ ਜਿਹੇ ਕਪੂਤ
ਲੋਕਾਂ ਨੂੰ ਧੱਕ ਮੌਤ ਦੇ ਮੂੰਹ ਵਿੱਚ……
ਇਹ ਲੋਹਾ , ਸੀਮਿੰਟ , ਬੱਜਰੀ
ਹਰ ਸ਼ੈਅ ਜਾਂਦੇ ਛਕ
ਰਿਸ਼ਵਤ ਦੇ ਨਾਲ ਆਪਣੇ
ਪਾਪ ਲੈਂਦੇ ਨੇ ਢਕ
ਤਿੜੀਆਂ ਛੱਤਾਂ , ਟੁੱਟੀਆਂ ਸੜਕਾਂ
ਗੋਲ ਮਾਲ ਦਾ ਦੇਣ ਸਬੂਤ
ਲੋਕਾਂ ਨੂੰ ਧੱਕ ਮੌਤ ਦੇ ਮੂੰਹ ਵਿੱਚ…
ਡਰ ਵਿਖਾ ਕੇ ਮੌਤ ਦਾ
ਛਿੱਲ ਰਹੇ ਨੇ ਲਾਹ
ਬਿਨ੍ਹਾ ਲੋੜ ਤੋਂ ਕਰ ਅਪਰੇਸ਼ਨ
ਸਟਿੰਟ ਦੇਂਦੇ ਨੇ ਪਾ
ਗੁਰਦੇ ਕੱਢਕੇ ਵੇਚਣ ਦੀ
ਕੁਝ ਕਰਨ ਮਾੜੀ ਕਰਤੂਤ
ਲੋਕਾਂ ਨੂੰ ਧੱਕ ਮੌਤ ਦੇ ਮੂੰਹ ਵਿੱਚ……
ਜਹਿਰਾਂ ਭਰਿਆ ਗੰਦਾ ਪਾਣੀ
ਨਦੀਆਂ , ਨਹਿਰਾਂ ਵਿੱਚ ਵਹਾਉਂਦੇ
ਜਿਸ ਨੂੰ ਪੀ ਕੇ ਲੋਕ ਹਜ਼ਾਰਾਂ
ਰੋਗੀ ਹੋ ਕੇ ਜਾਨ ਗਵਾੳਂਦੇ
ਢੇਰੀ ਢਾਹ ਕੇ ਬੈਠਿਆਂ
ਇਹ ਭੂਤ ਨਾ ਆਉਣੇ ਸੂਤ
ਲੋਕਾਂ ਨੂੰ ਧੱਕ ਮੌਤ ਦੇ ਮੂੰਹ ਵਿੱਚ
ਨੋਟਾਂ ਦੇ ਨਾਲ ਭਰਨ ਸੰਦੂਕ
_______________
129
« on: April 30, 2012, 12:48:49 AM »
ਜੋ ਬੰਦਾ ਪਰਦੇਸੀਂ ਤੁਰਦਾ
ਕੁਝ ਸੁਪਨੇ ਅੱਖੀਂ ਲੈ ਤੁਰਦਾ
ਸਭ ਤੋਂ ਰੰਗਲਾ ਸੁਪਨਾ ਹੁੰਦਾ
ਰਹਿਣ ਲਈ ਕੁਝ
ਖਾਣ ਲਈ ਕੁਝ
ਜਿਉਣ ਲਈ ਕੁਝ
ਕਰ ਕੇ ਖੱਟੀ
ਸਾਂਭ ਕੇ ਹੱਟੀ
ਅਪਣੀ ਮਿੱਟੀ ਵੱਲ ਧਾਵਾਂਗਾ
ਵਾਪਸ ਘਰ ਨੂੰ ਮੁੜ ਆਵਾਂਗਾ
_______________
130
« on: April 28, 2012, 01:00:30 AM »
ਸੱਚੇ ਸੁੱਚੇ ਪਿਆਰ ਗੁਆਚੇ
ਫੁੱਲਾਂ ਵਰਗੇ ਯਾਰ ਗੁਆਚੇ
ਦਮ ਦੇ ਵਿੱਚ ਜੋ ਦਮ ਸੀ ਭਰਦੇ
ਸੱਜਣ ਬੜੇ ਦਮਦਾਰ ਗੁਆਚੇ
ਲਾਈਏ ਕਿਸ ਨੂੰ ਨਾਲ ਹਿੱਕ ਦੇ
ਸਾਡੇ ਗਲ ਦੇ ਹਾਰ ਗੁਆਚੇ
ਕਿਸ ਤੋਂ ਮੰਗੀਏ ਮਾਫੀ ਯਾਰੋ
ਮੁਰਸ਼ਦ ਬਖਸ਼ਣਹਾਰ ਗੁਆਚੇ
ਹਾਸਿਆਂ ਚੋਂ ਗਮ ਲਭ ਲੈਂਦੇ ਸੀ
ਰੱਬ ਵਰਗੇ ਗਮ ਖਾਰ ਗੁਆਚੇ
ਤੇਰੀ ਲਾਸ਼ ਨੂੰ ਕਿਸਨੇ ਢੋਣਾ
''ਰਾਜ'' ਮੋਢੇ ਚਾਰ ਗੁਆਚੇ
______________
131
« on: April 27, 2012, 07:58:45 PM »
ਚੱਲ ਦਿਲਾ ਕੁਝ ਵਿੱਸਰੀਆਂ ਯਾਦਾਂ ਨੂੰ ਕੋਲ ਬੁਲਾਈਏ ।
ਇਕਲਾਪੇ ਦੇ ਜੰਗਲ ਅੰਦਰ ਮਹਿਫ਼ਿਲ ਕੋਈ ਸਜਾਈਏ ।
ਮੇਰੇ ਇਸ ਵੀਰਾਨ ਸ਼ਹਿਰ ਵਿਚ ਤਨਹਾਈਆਂ ਦਾ ਪਹਿਰਾ,
ਜ਼ਖ਼ਮੀ ਦਿਲ ਦਾ ਹਾਲ ਅਵੱਲਾ ਕਿਸ ਨੂੰ ਬੈਠ ਸੁਣਾਈਏ ।
ਏਸ ਉਦਾਸੇ ਮੌਸਮ ਅੰਦਰ ਜੀਣਾ ਮੁਸ਼ਕਿਲ ਹੈ, ਪਰ
ਦੰਦਾਂ ਹੇਠਾਂ ਜੀਭ ਦਬਾ ਕੇ ਵਕ਼ਤ ਗੁਜ਼ਾਰੀ ਜਾਈਏ ।
ਲੜਦੇ ਲੜਦੇ ਪੀੜਾਂ ਨਾਲ ਗਵਾਚੀ ਰੂਹ ਦੀ ਸਰਗਮ ,
ਸਮਝ ਨਾ ਆਵੇ ਦਿਲ ਦੀ ਵੇਦਨ ਕਿਹੜੀ ਸੁਰ ਵਿਚ ਗਾਈਏ ।
ਸੂਰਜ ਬਣ ਕੇ ਨੇਰ੍ਹੇ ਨਾਲ ਗਿਆ ਨਾ ਸਾਥੋਂ ਲੜਿਆ ,
ਜੁਗਨੂੰ ਵਾਂਗਰ ਜੂਝਣ ਦਾ ਪਰ ਜੇਰਾ ਪਾਲੀ ਜਾਈਏ ।
ਜੋਗੀ ਵਾਲੀ ਫੇਰੀ ਜਗ 'ਤੇ ਅਲਖ ਜਗਾ ਤੁਰ ਜਾਣਾ ,
ਐਵੇਂ ਤੇਰੀ- ਮੇਰੀ ਦੇ ਵਿਚ ਹਉਮੈ ਨੂੰ ਭਰਮਾਈਏ ।
___________________________
132
« on: April 27, 2012, 12:34:38 AM »
ਜੇ ਤੁਸੀਂ ਚਾਹੁੰਦੇ ਹੋ ਪਾਓਣੀ ਹਰ ਖੁਸ਼ੀ ਮੇਰੀ ਤਰਾਂ
ਜੀ ਕੇ ਵੇਖੋ ਦੋਸਤੋ ਇਹ ਜਿੰਦਗੀ ਮੇਰੀ ਤਰਾਂ
ਮੁਸ਼ਕਿਲਾਂ ਦੇ ਦੌਰ ਵਿਚ ਵੀ ਮੁਸਕੁਰਾਓਣਾ ਸਿਖ ਲਓ
ਪਹਿਣ ਕੇ ਰਖੋ ਸਦਾ ਜਿੰਦਾ ਦਿਲੀ ਮੇਰੀ ਤਰਾਂ
ਆਪਣੇ ਹਿੱਸੇ ਦੇ ਦੁਖ ਰਖੋ ਲੁਕਾ ਕੇ ਦਿਲ ਦੇ ਵਿਚ
ਵੰਡ ਲਓ ਸਭ ਨਾਲ ਆਪਣੀ ਹਰ ਖੁਸ਼ੀ ਮੇਰੀ ਤਰਾਂ
ਸਬਰ ਦੇ ਨਾਲ ਜ਼ਿੰਦਗੀ ਨੂੰ ਜੀਣ ਦੀ ਸਿਖ ਜਾਚ ਤੂੰ
ਤੈਨੂੰ ਵੀ ਮੁਆਫਕ ਨਹੀਂ ਦੀਵਾਨਗੀ ਮੇਰੀ ਤਰਾਂ
ਇਹ ਜਦੋਂ ਵੀ ਆਓਣਗੇ ਦੇ ਜਾਣਗੇ ਖੁਸ਼ੀਆਂ ਹਜ਼ਾਰ
ਖੋਹਲ ਰਖ ਦਰ ਦੋਸਤਾਂ ਲਈ ਹਰ ਘੜੀ ਮੇਰੀ ਤਰਾਂ
___________________________
133
« on: April 25, 2012, 11:12:35 PM »
ਸੁਫ਼ਨਾ ਬਣ ਕੇ ਨੈਣਾਂ ਦੇ ਵਿਚ ਆਇਆ ਕਰ |
ਅੱਥਰੂ ਬਣ ਕੇ ਐਵੇਂ ਨਾ ਤਰਸਾਇਆ ਕਰ |
ਮੇਰੇ ਕਾਲੇ ਰਾਹਾਂ ਨੂੰ ਰੁਸ਼ਨਾਉਣ ਲਈ ,
ਚੰਨ ਨਹੀਂ ਤਾਂ ਜੁਗਨੂੰ ਹੀ ਬਣ ਜਾਇਆ ਕਰ |
ਘਰ ਦਾ ਭੇਤੀ ਕਹਿੰਦੇ ਲੰਕਾ ਢਾਹ ਦਿੰਦਾ ,
ਹਰ ਇਕ ਨੂੰ ਨਾ ਦਿਲ ਦਾ ਹਾਲ ਸੁਣਾਇਆ ਕਰ |
ਸਾਹਾਂ ਵਾਲੀ ਡੋਰ ਸਲਾਮਤ ਰੱਖਣ ਲਈ ,
ਰੋਜ਼ ਨਵਾਂ ਇਕ ਲਾਰਾ ਦਿਲ ਨੂੰ ਲਾਇਆ ਕਰ |
ਚਿਹਰੇ ਉੱਤੇ ਰੱਖਿਆ ਕਰ ਮੁਸਕਾਨ ਸਦਾ ,
ਦਿਲ ਦੇ ਅੰਦਰ ਅਪਣੇ ਦਰਦ ਛੁਪਾਇਆ ਕਰ |
ਰਾਤ ਗਵਾਇਆ ਸੁਫ਼ਨਾ ਜਿਹੜਾ ਅੱਖਾਂ ਨੇ ,
ਦਿਨ ਚੜ੍ਹਦੇ ਨਾ ਉਸਨੂੰ ਲੱਭਣ ਜਾਇਆ ਕਰ |
ਯਾਦਾਂ ਵਿਚ ਤਾਂ ਆ ਭਾਵੇਂ ਤੂੰ ਜੀ ਸਦਕੇ ,
ਖ਼ਾਬਾਂ ਵਿਚ ਵੀ ਸੱਜਣਾ ਆਇਆ ਜਾਇਆ ਕਰ ।
_________________________
134
« on: April 25, 2012, 09:22:37 PM »
ਪੱਤਾ -ਪੱਤਾ ਕਰਕੇ ਲੈ ਗਈ ਪੀਲੀ ਰੁੱਤ ਉੜਾ ਕੇ
ਖਾਬ ਅਸੀਂ ਰੱਖੇ ਸੀ ਜਿਹੜੇ ਨੈਣਾਂ ਵਿੱਚ ਸਜਾ ਕੇ
ਮੇਰੇ ਇਕਲਾਪੇ ਨੂੰ ਵੰਡਣ ਯਾਦ ਤੇਰੀ ਸੀ ਆਈ ,
ਚੁੱਪ-ਚੁੱਪੀਤੀ ਪਰਤ ਗਈ ਪਰ ਸੁੱਤੇ ਦਰਦ ਜਗਾ ਕੇ |
ਕੁਲ ਜੀਵਨ ਦਾ ਹਾਸਲ ਸਾਡਾ ਸੱਜਣਾ ਤੇਰਾ
ਬਿਰਹਾਰੌਣਕ ਵਿਚ ਵੀ ਰੱਖਿਆ ਇਸ ਨੂੰ ਸੀਨੇ ਨਾਲ ਲਗਾ ਕੇ
ਤਿਲ ਭਰ ਮੇਰਾ ਦਰਦ ਘਟੇ ਨਾ ,ਰੁੱਤ ਆਵੇ ਰੁੱਤ ਜਾਵੇ,
ਬਾਝ ਤੇਰੇ ਕੀ ਹਾਲਤ ਹੋਈ, ਵੇਖ ਕਦੀ ਤਾਂ ਆ ਕੇ |
ਹੰਝੂਆਂ ਚੋਂ ਨਾ ਮਾਪੀਂ ਮੇਰੇ ਜ਼ਖਮਾਂ ਦੀ ਗਹਿਰਾਈ
ਤੂੰ ਕੀ ਜਾਣੇ ਕਿੰਨੇ ਸਾਗਰ ਰੱਖੇ ਅਸੀਂ ਛੁਪਾ ਕੇ |
________________________
135
« on: April 25, 2012, 11:01:49 AM »
ਆਇਆ ਏ ਲਲਾਰੀ ਲੈ ਕੇ ਸੋਹਣੇ-ਸੋਹਣੇ ਰੰਗ ਨੀ, ਰੰਗਾ ਲੋ ਚੁੰਨੀਆਂ
ਕੁੜੀਉ ਪੰਜਾਬ ਦੀਓ, ਸ਼ੇਰ ਬੱਚੀਓ ਨੀ, ਸੰਭਾਲੋ ਚੁੰਨੀਆਂ
ਦੁਨੀਆ ਦੇ ਵਿਚ ਕਿੱਡੀ ਸੋਹਣੀ ਲੱਗਦੀ, ਪੱਗ ਸਰਦਾਰ ਦੀ
ਵੱਖਰਾ ਜਿਹਾ ਰੂਪ ਨਾਲ ਲੈ ਕੇ ਆਉਂਦੀ ਹੈ, ਚੁੰਨੀ ਮੁਟਿਆਰ ਦੀ
ਨਵੇਂ-ਨਵੇਂ ਸੂਟਾਂ ਨਾਲ, ਨਵੇਂ ਰੰਗ ਨੀ, ਆਹ ਮਿਲਾ ਲਉ ਚੁੰਨੀਆਂ
ਕੁੜੀਉ ਪੰਜਾਬ ਦੀਓ
ਬੇਬੇ ਰਹਿੰਦੀ ਨੰਗੇ ਸਿਰੋ ਨਿੱਤ ਘੂਰਦੀ, ਕਿੱਥੇ ਐ ਦੁਪੱਟੇ ਨੀ?
ਵਾਲ਼ ਤੇਰੇ ਕਾਲ਼ੀਆਂ ਘਟਾਵਾਂ ਵਰਗੇ, ਦੱਸ ਕਾਹਤੋਂ ਕੱਟੇ ਨੀ?
ਪੱਛਮੀ ਰਿਵਾਜਾਂ ਵਿਚ ਰੁਲ-ਖੁਲ ਕੇ, ਨਾ ਭੁਲਾਵੋ ਚੁੰਨੀਆਂæææ
ਕੁੜੀਉ ਪੰਜਾਬ ਦੀਓ
ਵੇਖਦਾ ਨਹੀਂ ਕੋਈ ਤੇਰੀ ਵਾਅ ਵੱਲ ਨੀ, ਬਣ ਜਾ ਦਲੇਰ ਤੂੰ
ਆਖਿਆ ਗੁਰਾਂ ਨੇ ਲੱਖਾਂ ਨਾਲ ਲੜੇਂਗਾ, ਕੱਲਾ ਸਿੰਘ ਸ਼ੇਰ ਤੂੰ
ਸਿੰਘਣੀ ਹੈਂ ਤੂੰ ਵੀ ਸ਼ੇਰ ਸਰਦਾਰ ਦੀ, ਨੀ ਸਜਾ ਲਉ ਚੁੰਨੀਆਂ
ਕੁੜੀਉ ਪੰਜਾਬ ਦੀਓ
ਫਤਹਿ ਕਹਿਣ ਲੱਗੇ ਨਾ ਸ਼ਰਮ ਮੰਨੀਏ, ਗੱਜ ਕੇ ਬੁਲਾਈਏ ਜ
ਧਾਲੀਵਾਲ ਕਹੇ ਮਨ ਭਾਉਂਦਾ ਖਾ ਲੀਏ, ਜੱਗ ਭਾਉਦਾ ਪਾਈਏ ਜੀ
ਸੈਦੋ ਪਿੰਡ ਸੂਟ ਮੈਂ ਪੰਜਾਬੀ ਪਹਿਨਣਾ, ਕਢਵਾ ਲੋ ਚੁੰਨੀਆਂ
ਕੁੜੀਉ ਪੰਜਾਬ ਦੀਓ
____________
136
« on: April 25, 2012, 12:18:07 AM »
ਜਦ ਵੀ ਤੇਰਾ ਚੇਤਾ ਆਵੇ |
ਅੱਖ ਦਾ ਹਰ ਹੰਝੂ ਮੁਸਕਾਵੇ |
ਘਰ ਆਪਣੇ ਨੂੰ ਜਦ ਵੀ ਪਰਤਾਂ ,
ਸਾਇਆ ਵੀ ਮੁੜ ਨਾਲ ਨਾ ਆਵੇ |
ਤੱਕ ਕੇ ਘੋਰ ਹਨੇਰਾ ਦਿਲ ਦਾ ,
ਸੂਰਜ ਵੀ ਰਸਤਾ ਛੱਡ ਜਾਵੇ |
ਰੂਹ ਨੇ ਏਨੇ ਦਰਦ ਸਹੇ ਨੇ ,
ਖੁਸ਼ੀਆਂ ਤੋਂ ਹੁਣ ਦਿਲ ਘਬਰਾਵੇ |
ਖੌਰੇ ਉਸਨੂੰ ਕੀ ਮਿਲਣਾ ,ਜੋ
ਦਿਲ ਚੋਂ ਮੇਰੀ ਯਾਦ ਮਿਟਾਵੇ |
ਪੁੱਛ ਲਿਆ ਕਰ ਹਾਲ ਕਦੇ ਤਾਂ,
ਚੰਦਰਾ ਮਨ ਬਸ ਏਨਾ ਚਾਹਵੇ |
ਮੋਹ ਨਾ ਰਹਿੰਦਾ ਨੀਂਦਾਂ ਤਾਈਂ ,
ਖਾਬਾਂ ਤੋਂ ਜਦ ਮਨ ਉਕਤਾਵੇ |
ਸ਼ਾਮ ਢਲੇ ਤਾਂ ਮਨ ਦੇ ਅੰਦਰ ,
ਯਾਦ ਤੇਰੀ ਆ ਖੌਰੂ ਪਾਵੇ |
ਟੁੱਟੇ ਤਾਰੇ ਢੂੰਢਣ ਜਾਂਦੈ ,
ਦਿਲ ਨੂੰ ਕੋਈ ਕੀ ਸਮਝਾਵੇ |
________________
137
« on: April 24, 2012, 10:32:24 PM »
ਸਾਹ ਵੀ ਚੱਲਣ ਕਿੰਜ ਵਿਚਾਰੇ ,ਕੀ ਦੱਸਾਂ |
ਅਪਣੇ ਦਿਲ ਦੀ ਹਾਲਤ ਬਾਰੇ ,ਕੀ ਦੱਸਾਂ |
ਨੈਣਾਂ ਵਿੱਚੋਂ ਹੰਝੂ ਬਰਸਣ ਲੱਗਦੇ ਨੇ ,
ਸ਼ਾਮ ਢਲੇ ਜਦ ਚਮਕਣ ਤਾਰੇ ,ਕੀ ਦੱਸਾਂ |
ਕੇਹਾ ਰੋਸ ਬੇਗਾਨੇ ਲੋਕਾਂ ਤਾਈਂ , ਜਦ ,
ਆਪਣਿਆਂ ਹੀ ਪੱਥਰ ਮਾਰੇ ,ਕੀ ਦੱਸਾਂ |
ਦਿਲ ਕੁਝ ਐਸਾ ਆਦੀ ਹੋਇਐ ਦਰਦਾਂ ਦਾ ,
ਲੈ ਲੈਂਦਾ ਹੈ ਜ਼ਖਮ ਉਧਾਰੇ ,ਕੀ ਦੱਸਾਂ |
ਖਿੜਿਆ ਚਿਹਰਾ ਮਿਲਿਆ ਨਾਹੀ ਕਿਧਰੇ ਵੀ ,
ਲੋਕ ਮਿਲੇ ਸਭ ਗ਼ਮ ਦੇ ਮਾਰੇ , ਕੀ ਦੱਸਾਂ |
ਮੈਨੂੰ ਅਕਸਰ ਤੇਰੇ ਵਰਗੇ ਲੱਗਦੇ ਨੇ ,
ਜੁਗਨੂੰ ,ਸੂਰਜ਼ ,ਚੰਨ ,ਸਿਤਾਰੇ ,ਕੀ ਦੱਸਾਂ |
ਵਿੱਸਰ ਜਾਵੇ ਮੌਸਮ ਦੀ ਵੀਰਾਨੀ ,ਜਦ ,
ਤਿਤਲੀ ਕੋਈ ਖੰਬ ਖਿਲਾਰੇ , ਕੀ ਦੱਸਾਂ |
ਚਾਨਣ ਲੈ ਕੇ ਜਦ ਚਿੱਟਾ ਦਿਨ ਉੱਗਦਾ ਹੈ ,
ਵਿੱਸਰ ਜਾਂਦੇ ਨੇਰ੍ਹੇ ਸਾਰੇ , ਕੀ ਦੱਸਾਂ
__________________
138
« on: April 24, 2012, 01:23:07 AM »
ਜਦ ਕਦੀ ਵੀ ਦਰਦ ਦਾ ਕਿੱਸਾ ਸੁਣਾਏਂਗਾ ਦਿਲਾ |
ਸਿਸਕਦੇ ਜ਼ਜ਼ਬਾਤ ਨੂੰ ਕਿੱਦਾਂ ਵਰਾਏਂਗਾ ਦਿਲਾ |
ਮੰਨਿਆਂ ਕਿ ਪੀੜ ਅੰਦਰ ਦੀ ਨਜ਼ਰ ਆਉਂਦੀ ਨਹੀਂ ,
ਅੱਖ ਵਿਚਲੀ ਪਰ ਨਮੀ ਕਿੱਦਾਂ ਛੁਪਾਏਂਗਾ ਦਿਲਾ |
ਖਾਏਂਗਾ ਜਦ ਚੂਰੀਆਂ ਤੂੰ ਪਿੰਜਰੇ ਵਿਚ ਬੈਠ ਕੇ ,
ਟੁੱਟਿਆਂ ਖੰਭਾਂ ਦਾ ਵੀ ਮਾਤਮ ਮਨਾਏਂਗਾ ਦਿਲਾ |
ਗ਼ਮ, ਉਦਾਸੀ, ਦਰਦ ਤੇ ਹੰਝੂ ਹੀ ਝੋਲੀ ਪੈਣਗੇ,
ਖ਼ਾਹਿਸ਼ਾਂ ਨੂੰ ਇਸ ਤਰ੍ਹਾਂ ਜੇ ਸਿਰ ਚੜ੍ਹਾਏਂਗਾ ਦਿਲਾ |
ਇਸ ਉਦਾਸੇ ਦੌਰ ਵਿਚ ਜੇ ਬਹਿ ਗਿਉਂ ਹੰਭ ਹਾਰ ਕੇ ,
ਕਿਸ ਤਰ੍ਹਾਂ ਫਿਰ ਭਾਰ ਫ਼ਰਜ਼ਾਂ ਦਾ ਉਠਾਏਂਗਾ ਦਿਲਾ |
____________________________
139
« on: April 24, 2012, 12:08:19 AM »
ਦੁੱਖਾਂ ਦਾ ਸਾਮਾਨ ਬੜਾ ਹੈ |
ਦਿਲ ਤਾਂਹੀ ਪਰੇਸ਼ਾਨ ਬੜਾ ਹੈ |
ਕਿੰਨਾ ਮੁਸ਼ਕਿਲ ਹੋਇਆ ਜੀਣਾ,
ਲਗਦਾ ਸੀ ਆਸਾਨ ਬੜਾ ਹੈ |
ਲੈ ਤੁਰਿਆ ਦਿਲ ਓਧਰ ਕਿਸ਼ਤੀ ,
ਜਿਸ ਪਾਸੇ ਤੂਫ਼ਾਨ ਬੜਾ ਹੈ |
ਮੈਂ ਤੇਰਾ ਸੁਫ਼ਨਾ ਬਣ ਜਾਵਾਂ ,
ਸੀਨੇ ਵਿਚ ਅਰਮਾਨ ਬੜਾ ਹੈ |
ਦਿਸਹੱਦੇ ਤੱਕ ਘੁੱਪ ਹਨੇਰਾ ,
ਰਸਤਾ ਵੀ ਵੀਰਾਨ ਬੜਾ ਹੈ |
ਚੰਨ ਤੇ ਕਬਜਾ ਕਰਨਾ ਚਾਹੇ ,
ਇਹ ਮਨ ਬੇਈਮਾਨ ਬੜਾ ਹੈ |
ਭਰਮ ਦੀ ਉਂਗਲ ਪਕੜੀ ਰੱਖੇ,
ਦਿਲ ਮੇਰਾ ਨਾਦਾਨ ਬੜਾ ਹੈ |
ਪੈਰੀਂ ਫ਼ਰਜ਼ਾਂ ਦੀ ਬੇੜੀ ,ਉਂਝ
ਉੱਡਣ ਲਈ ਅਸਮਾਨ ਬੜਾ ਹੈ |
ਮੇਰੀ ਅੱਖ ਜੇ ਨਮ ਹੈ ਇਸ ਵਿਚ ,
ਤੇਰਾ ਵੀ ਅਹਿਸਾਨ ਬੜਾ ਹੈ |
140
« on: April 23, 2012, 11:15:11 AM »
ਕਰਦੀ ਸੀ ਪਿਆਰ ਜਿੰਨਾ ਓਨਾਂ ਹੀ ਸੀ ਲੜਦੀ
ਸਾੜਦੀ ਸੀ ਮੈਨੂੰ ਨਾਲੇ ਆਪ ਖ਼ੁਦ ਸੜਦੀ ,
ਰੋ ਰੋ ਕੇ ਹਾਲੋਂ ਉਹ ਬੇਹਾਲ ਹੋ ਜਾਂਦੀ ਸੀ
ਸਾਂਵਲੀ ਜੀ ਕੁੜੀ ਯਾਰੋ ਲਾਲ ਹੋ ਜਾਂਦੀ ਸੀ ,
ਹਿੱਕ ਨਾਲ ਲਾ ਕੇ ਉਹਦਾ ਮੁੱਖ ਚੁੰਮ ਲੈਂਦਾ ਸੀ
ਉਹਦਾ ਦਿੱਤਾ ਹਰ ਇੱਕ ਦੁੱਖ ਚੁੰਮ ਲੈਂਦਾ ਸੀ ,
ਪਲ ਵਿੱਚ ਰੁੱਸਦੀ ਤੇ ਪਲ ਵਿੱਚ ਮੰਨਦੀ
ਦਿਲ ਵਾਲੇ ਬੂਹੇ ਉੱਤੇ ਨਿੰਮ ਰੋਜ਼ ਬੰਨਦੀ ,
ਆਖਦੀ ਸੀ ਏਨੇ ਆਪਾਂ ਸੁਪਨੇ ਸਜਾਈਏ ਨਾ ,
ਲਗਦਾ ਏ ਡਰ ਗੁੱਗੂ ਜੁਦਾ ਹੋ ਜਾਈਏ ਨਾ...!
ਹੋਇਆ ਇਹੋ ਫੇਰ ਉਹ ਜੁਦਾ ਹੋ ਗਈ
ਨਿੱਕੀ ਜਿਹੀ ਕੁੜੀ ਹੀ ਖੁਦਾ ਹੋ ਗਈ
ਅੰਤ ਸਾਡੇ ਪਿਆਰ ਦਾ ਜੁਦਾਈ ਹੋ ਗਿਆ
ਮੈਂ ਓਸ ਦਿਨ ਤੋਂ ਸ਼ੁਦਾਈ ਹੋ ਗਿਆ
ਕੱਟੇ ਨੰਹੁ ਕੰਘੀ ਵਾਹੇ ਵਾਲ ਸਾਂਭ ਲਏ ਮੈਂ
ਉਹਦੇ ਨਾਲ ਬੀਤੇ ਹੋਏ ਸਾਲ ਸਾਂਭ ਲਏ ਮੈਂ
ਹੁਣ ਕਿੱਥੇ ਵੱਸਦੀ ਏ ਕਿਹੜੇ ਹਾਲ ਰਹਿੰਦੀ ਏ..!
ਮੈਨੂੰ ਹਰ ਚਿਹਰੇ ਵਿੱਚ ਉਹਦੀ ਭਾਲ ਰਹਿੰਦੀ ਏ
ਦਿਲ ਹੈ ਕਿ ਭਾਵੇਂ ਹੁਣ ਪੱਥਰ ਜਾ ਹੋ ਗਿਆ
ਮੈ ਸਿਰੋਂ ਪੈਰਾਂ ਤੱਕ ਸੱਥਰ ਜਾ ਹੋ ਗਿਆ..!
ਏਨੀ ਹੈ ਕਹਾਣੀ ਮੇਰੀ ਏਨੀ ਮੇਰੀ ਬਾਤ ਏ
ਜਾਗਦੇ ਹੀ ਰਹਿਣਾ ਏ ਜ਼ਿੰਦਗੀ ਦੀ ਰਾਤ ਏ...!
_________________________
Pages: 1 2 3 4 5 6 [7] 8 9 10 11 12 ... 40
|
Show Posts