ਕਮਲ ਨਾਥ ਦੀ ਬੈਲਜੀਅਮ ਫੇਰੀ 'ਤੇ ਹੋਵੇਗਾ ਜਬਰਦਸਤ ਰੋਸ ਪ੍ਰਦਰਸ਼ਨ
ਈਪਰ, ਬੈਲਜੀਅਮ ( ਪ੍ਰਗਟ ਸਿੰਘ ਜੋਧਪੁਰੀ ) ਨਵੰਬਰ 84 ਦੌਰਾਂਨ ਸਿੱਖ ਕੌਮ ਦੇ ਬਹੁਤ ਹੀ ਬੇਰਹਿਮੀ ਨਾਲ ਕੀਤੇ ਕਤਲੇਆਮ ਲਈ ਜਿਮੇਬਾਰ ਸਮਝੇ ਜਾਂਦੇ ਕਮਲ ਨਾਥ ਦੀ ਬੈਲਜੀਅਮ ਫੇਰੀ ਦਾ ਪਤਾ ਲਗਦਿਆਂ ਹੀ ਯੂਰਪ ਭਰ ਦੇ ਸਿੱਖਾਂ 'ਚ ਗੁੱਸੇ ਲਹਿਰ ਫੈਲ ਗਈ ।
ਤਕਰੀਬਨ ਤਿੰਨ ਦਹਾਕੇ ਬੀਤ ਜਾਣ ਦੇ ਬਾਵਜੂਦ ਵੀ ਅਖੌਤੀ ਮਹਾਨ ਭਾਰਤ ਦੀਆਂ ਵੱਖ-ਵੱਖ ਸਰਕਾਰਾਂ ਅਤੇ ਅਦਾਲਤਾਂ 'ਤੋ ਇੰਨਸ਼ਾਫ ਦੀ ਉਡੀਕ 'ਚ ਭਟਕਦਿਆਂ ਜਹਾਨੋ ਤੁਰ ਗਏ ਸੈਕੜੇ ਸਿੱਖਾਂ ਦੇ ਦਰਦ ਨੂੰ ਅੱਜ ਵੀ ਦਿਲਾਂ 'ਚ ਵਸਾਈ ਫਿਰਦੇ ਇਹਨਾਂ ਪ੍ਰਵਾਸੀ ਸਿੱਖਾਂ 'ਚ ਅੱਜ ਫਿਰ ਕਮਲ ਨਾਥ ਦੀ ਫੇਰੀ ਨੂੰ ਲੈ ਕੇ ਅੰਤਾਂ ਦਾ ਰੋਹ ਹੈ । ਭਾਰਤ ਸਰਕਾਰ 'ਚ ਸ਼ਹਿਰੀ ਵਿਕਾਸ ਮੰਤਰੀ ਸ੍ਰੀ ਕਮਲ ਨਾਥ ਜੋ ਯੂਰੋਇੰਡੀਆਂ ਸਿਖ਼ਰ ਸੰਮੇਲਨ ਨੂੰ ਸੰਬੋਧਨ ਕਰਨ ਲਿਊਵਨ ਆ ਰਿਹਾ ਹੈ ਅਤੇ ਜੋ ਇਸ 'ਤੋ ਪਹਿਲਾਂ ਵੀ ਇੱਕ ਅਮਰੀਕੀ ਅਦਾਲਤ 'ਚ ਅਜਿਹੇ ਕੇਸ ਦਾ ਸਾਹਮਣਾਂ ਕਰ ਰਿਹਾ । ਸ੍ਰੀ ਨਾਥ ਉਤੇ ਅਪਰਾਦਿਕ ਮੁਕੱਦਮਾਂ ਦਰਜ ਕਰਵਾਉਣ ਵਾਲੀ ਸਿੱਖ ਜਥੇਬੰਦੀ ਸਿੱਖਜ ਫਾਰ ਜਸਟਿਸ ਨੇ ਨਾਥ ਦਾ ਪਿੱਛਾ ਕਰਦਿਆਂ ਜਿਥੇ ਬੈਲਜੀਅਮ ਸਰਕਾਰ ਨੂੰ ਕਮਲ ਨਾਥ ਦੇ ਕਿਰਦਾਰ ਬਾਰੇ ਲਿਖਦਿਆਂ ਕੇਸ ਦਰਜ ਕਰਨ ਦੀ ਬੇਨਤੀ ਕੀਤੀ ਹੈ ਉਥੇ ਪੰਥਕ ਮਸਲਿਆਂ ਸਮੇਂ ਇੱਕਜੁਟਤਾ ਨਾਲ ਸੰਘਰਸ਼ ਕਰ ਰਹੀਆਂ ਯੂਰਪ ਭਰ ਦੀ ਸਿੱਖ ਜਥੇਬੰਦੀਆਂ ਅਤੇ ਗੁਰਦਵਾਰਾ ਪ੍ਰਬੰਧਕ ਕਮੇਟੀਆਂ ਵੀ ਕਮਲ ਨਾਥ ਦੇ ਦੌਰੇ ਨੂੰ ਰੱਦ ਕਰਵਾਉਣ ਜਾਂ ਉਸ ਉਪਰ ਮਨੁੱਖਤਾ ਦੇ ਕਾਤਲ ਵਜੋਂ ਕੇਸ ਦਰਜ ਕਰਵਾਉਣ ਨੂੰ ਲੈ ਕੇ ਸਰਗਰਮ ਹਨ । ਅੱਜ ਇਥੇ ਜਾਰੀ ਇੱਕ ਪ੍ਰੈਸ ਬਿਆਨ 'ਚ ਬੈਲਜੀਅਮ ਦੇ ਸਿੱਖ ਆਗੂਆਂ ਇੰਟਰਨੈਸ਼ਨਲ ਸਿੱਖ ਕੌਂਸ਼ਲ ਦੇ ਭਾਈ ਜਗਦੀਸ਼ ਸਿੰਘ ਭੂਰਾ, ਵਿਲਵੋਰਦੇ ਗੁਰੂਘਰ ਦੇ ਪ੍ਰਧਾਨ ਸ: ਜਰਨੈਲ ਸਿੰਘ, ਸਿੰਤਰੂਧਨ 'ਤੋ ਭਾਈ ਕਰਨੈਲ ਸਿੰਘ, ਉਪਰਤਿੰਗਨ ਦੇ ਪ੍ਰਧਾਨ ਭਾਈ ਪਰਸ਼ਨ ਸਿੰਘ ਅਤੇ ਸ੍ਰੋਮਣੀ ਅਕਾਲੀ ਦਲ ਅਮ੍ਰਿਤਸਰ ਦੇ ਕਰਮ ਸਿੰਘ ਔਲਖ, ਭਾਈ ਗੁਰਦਿਆਲ ਸਿੰਘ ਬੱਬਰ, ਭਾਈ ਜਸਮਿੰਦਰ ਸਿੰਘ, ਬਲਿਹਾਰ ਸਿੰਘ, ਭਾਈ ਮਹਿੰਦਰ ਸਿੰਘ ਸਿੱਖ ਮਿਸ਼ਨਰੀ ਹੋਰਾਂ ਨੇ 13 ਅਕਤੂਬਰ ਨੂੰ ਯੂਰਪ ਭਰ ਦੇ ਸਿੱਖਾਂ ਨੂੰ ਇਸ ਰੋਸ ਪ੍ਰਦਰਸ਼ਨ 'ਚ ਭਾਰੀ ਗਿਣਤੀ 'ਚ ਸਾਮਿਲ ਹੋਣ ਦੀ ਅਪੀਲ ਕੀਤੀ ਹੈ ।
ਵਧੇਰੇ ਜਾਣਕਾਰੀ ਲਈ : ਭਾਈ ਜਗਦੀਸ਼ ਸਿੰਘ ਭੂਰਾ ਅਤੇ ਭਾਈ ਕਰਨੈਲ ਸਿੰਘ ਫੋਨ ਨੰ: +32484552010