ਯਾਰੀ ਵਾਲੇ ਖਾਤੇ ਵਿੱਚੋਂ ਸ਼ਿਕਵੇ ਲੜਾਈਆਂ ਦਾ
ਹਿਸਾਬ ਕੱਢ ਦੇਈਏ, ਪਿੱਛੇ ਕੀ ਬੱਚਦਾ ,
ਪਿਆਰ ਦੀ ਕਹਾਣੀ ਵਿੱਚੋਂ ਸੱਜਣਾਂ ਦਾ ਦਿੱਤਾ
ਜੇ ਜਵਾਬ ਕੱਢ ਦੇਈਏ, ਪਿੱਛੇ ਕੀ ਬੱਚਦਾ,
ਬਾਕੀ ਜ਼ਿੰਦਗੀ ਤਾਂ ਐਵੇਂ ਬੋਝ ਜਿਹਾ ਢੋਣਾ ਏ ,
ਸੋਲ੍ਹਵੇਂ ਤੋਂ ਵੀਹਵੇਂ ਤੱਕ ਹੋ ਲੈਂਦਾ ਹੋ ਹੋਣਾ ਏ ,
ਕੀਮਤੀ ਵਰੇਸ ਇਹਨੂੰ ਯਾਦਾਂ ਵਿੱਚੋਂ ਆਖ ਕੇ ,
ਖਰਾਬ ਕੱਢ ਦੇਈਏ, ਪਿੱਛੇ ਕੀ ਬੱਚਦਾ ,
ਪਿਆਰ ਦੀ ਕਹਾਣੀ ਵਿੱਚੋਂ ਸੱਜਣਾਂ ਦਾ ਦਿੱਤਾ
ਜੇ ਜਵਾਬ ਕੱਢ ਦੇਈਏ, ਪਿੱਛੇ ਕੀ ਬੱਚਦਾ,
ਸੋਹਣੇ ਚਿਹਰੇ ਖਿੜੇ ਹੋਏ , ਹਾਸਿਆਂ ਦਾ ਮੁੱਲ ਏ ,
ਬੁੱਲ੍ਹਾਂ ਉੱਤੇ ਨੱਚਦੇ, ਦਿਦਾਸਿਆਂ ਦਾ ਮੁੱਲ ਏ ,
ਆਸ਼ਕਾਂ ਦੀ ਅੱਖ ਵਿੱਚ , ਰਹਿਣ ਵਾਲੇ ਸੋਹਣਿਆਂ ਦੇ,
ਖਾਬ ਕੱਢ ਦੇਈਏ , ਪਿੱਛੇ ਕੀ ਬੱਚਦਾ ,
ਪਿਆਰ ਦੀ ਕਹਾਣੀ ਵਿੱਚੋਂ ਸੱਜਣਾਂ ਦਾ ਦਿੱਤਾ
ਜੇ ਜਵਾਬ ਕੱਢ ਦੇਈਏ, ਪਿੱਛੇ ਕੀ ਬੱਚਦਾ,
ਗੱਲ ਕਰੋ ਉਨ੍ਹਾਂ ਦੀ ਜੋ ਦਿੰਦੀਆਂ ਸਰੂਰ ਨੇ ,
ਕਈ ਥਾਵਾਂ ਕੁੱਝ ਗੱਲਾਂ ਨਾਲ ਮਸ਼ਹੂਰ ਨੇ,
ਸ਼ਹਿਰ ਲਖ਼ਨਊ ਵਿੱਚੋਂ ਸ਼ਾਇਰੀ, ਸ਼ਰਾਬ ਤੇ
ਨਵਾਬ ਕੱਢ ਦੇਈਏ ਪਿੱਛੇਂ ਕੀ ਬੱਚਦਾ,
ਪਿਆਰ ਦੀ ਕਹਾਣੀ ਵਿੱਚੋਂ ਸੱਜਣਾਂ ਦਾ ਦਿੱਤਾ
ਜੇ ਜਵਾਬ ਕੱਢ ਦੇਈਏ, ਪਿੱਛੇ ਕੀ ਬੱਚਦਾ,
Guests: 3756