Tumse milkar tabiyat apni,ab ghabrati hai,
Aaj fir meri baaton se,meri dhadkan ladkhadati hai.

Adhuri si zindagi se,do pal tum chura lo,
Mere khayalon ki aaj dulhan tum ban jao,
Aaj dil ki zameen par,khamoshi si lahrati hai,
Aaj fir meri baaton se,meri dhadkan ladkhadati hai.

Hosh kahta hai takalluf hai, eahsaas nahi,
Tu kareeb hai lekin,mere dil ke paas nahi,
Sunsaan galiyon se raaton ko,teri aawaz aati hai,
Aaj fir meri baaton se,meri dhadkan ladkhadati hai.

Lagta hai dar,hai aaj koi baat hone ko,
Hai fir se mere paas,aaj kuch khone ko,
Teri judai ke dar se,meri rooh thartharati hai,
Aaj fir meri baaton se,meri dhadkan ladkhadati hai.

Meri fikar me tum,aansu bahaya na karo,
Mujhe khayalon me la,khud ko sataya na karo,
Mujhe aaj fir se,meri Mout bulati hai,
Aaj fir meri baaton se,meri dhadkan ladkhadati hai.