Youn hi sochta hoon main aksar, Tujhey kis tarhaan saza doun main.
Teri arzoo karun aur phir, tera khayal tak bhulla doun main .
 Tujh ko khuwaboun main apney bula kar, apni raatein sabhi jala doun main .
Teri manzil ko fulon sey saja kar, rah main kaantey bicha doun main .
Ya teri zeest ka har ik pehloo, bhooli hui dastaan bana doun main.
 Tu jo chahey ussey main pa loun, tu jo paa ley ussey mita doun main .
 Ya tujhey iss tarhaan sey chahoun key, tujh ko teri nazroun main hi gira doun main.