Author Topic: ਗ਼ਜ਼ਲ,,, (Read 252 times)

ਰਾਜ ਔਲਖ · « **on:** December 04, 2011, 09:48:08 PM »

ਹਰ ਕਿਸੇ ਦਾ ਖ਼ਾਬ ਹੁੰਦੈ, ਪਿਆਰ ਪੀਘਾਂ ਪਾਉਣ ਦਾ ।
ਮੈਂ ਕਿਵੇਂ ਨਾ ਸੋਚਦਾ ਫਿਰ, ਦਿਲ ਕਿਸੇ ਸੰਗ ਲਾਉਣ ਦਾ ।

ਫੈਸਲਾ ਹੀ ਕਰ ਲਿਆ , ਤੈਨੂੰ ਜਦੋਂ ਅਪਨਾਉਣ ਦਾ ।
ਹੱਕ ਹੈ ਤੈਨੂੰ ਹਰ ਤਰ੍ਹਾਂ , ਮੇਰੀ ਵਫ਼ਾ ਅਜ਼ਮਾਉਣ ਦਾ ।

ਇਸ ਜ਼ਮਾਨੇ ਦਾ ਪਤਾ ਨਈਂ, ਇਸ਼ਕ ਸੰਗ ਕੀ ਵੈਰ ਹੈ,
ਹਰ ਕਦਮ ਤੇ ਜ਼ੋਰ ਲਾਉਂਦੈ, ਹਰ ਖੁਸ਼ੀ ਝਟਕਾਉਣ ਦਾ ।

ਰੁਖ ਹਵਾ ਦਾ ਮੋਡ਼ ਸਕਦੈ ਹਾਂ ਅਗਰ ਤੂੰ ਮੇਰੇ ਨਾਲ ਏਂ,
ਸ਼ੌਕ ਮੈਨੂੰ ਹੈ ਬਡ਼ਾ ਗਲ਼ ਨੇਰ੍ਹੀਆਂ ਨੂੰ ਲਾਉਣ ਦਾ ।

ਜ਼ਿੰਦਗੀ ਵਿਚ ਆ ਹੀ ਜਾਂਦੇ ਨੇ ਅਜਿਹੇ ਮੋਡ਼ ਵੀ,
ਵਕਤ ਮਿਲਦੈ ਆਪਣੇ ਹਰ ਜ਼ੁਰਮ ਤੇ ਪਛਤਾਉਣ ਦਾ ।

ਐ ਜ਼ਮਾਨੇ 1 ਇਹ ਨਹੀਂ ਰੁਕਦੇ ਕਿਸੇ ਦੇ ਰੋਕਿਆਂ,
ਆਸ਼ਕਾਂ ਨੂੰ ਕਰ ਨਾ ਐਵੇਂ, ਤੂੰ ਯਤਨ ਸਮਝਾਉਣ ਦਾ ।

ਵਕਤ ਕਰਦਾ ਜੇ ਵਫ਼ਾ, ਤਾਂ ਪਾਂਦੀਆਂ ਨਾ ਦੂਰੀਆਂ ,
ਦੋਸਤਾ 1 ਕੁਝ ਨਈਂ ਪਤਾ ਲਗਦਾ ਬੁਰੇ ਦਿਨ ਆਉਣ ਦਾ ।

ਸਭ ਗਿਲੇ ਸ਼ਿਕਵੇ ਭੁਲਾ ਕੇ , ਭੇਜਦਾ ਤੂੰ ਖ਼ਤ ਅਗਰ ,
ਮੈਂ ਵੀ ਹੀਲਾ ਕਰ ਹੀ ਲੈਣਾ ਸੀ ਤੇਰੇ ਤਕ ਆਉਣ ਦਾ ।

ਬੈਠ ਮੇਰੇ ਕੋਲ, ਗੱਲਾਂ ਕਰ ਜ਼ਰਾ ਦਿਲ ਖੋਲ੍ਹ ਕੇ,
ਵਕਤ ਨੇ ਦਿੱਤੈ ਅਸਾਨੂੰ ਫਿਰ ਸਮਾਂ ਮੁਸਕਾਉਣ ਦਾ ।

ਨਾਮ ਤੇਰੇ ਮੈਂ ਹੈ ਕੀਤੀ ਇਹ ਗ਼ਜ਼ਲ , ਮਨਜ਼ੂਰ ਕਰ ,
ਸ਼ੁਕਰੀਆ 1 ਤੇਰਾ ਮੇਰੇ ਤੋਂ ਕੁਝ ਨਾ ਕੁਝ ਲਿਖਵਾਉਣ ਦਾ ।

ਕਰ ਲਿਆ ਕਰ ਦਿਲ-ਲਗੀ ਬੇਸ਼ੱਕ ਤੂੰ ਮਹਿਰਮ ਨਾਲ ਵੀ,
ਸ਼ੌਕ ਹੈ ਤੈਨੂੰ ਜੇ ਉਸਨੂੰ ਬੇਵਜ੍ਹਾ ਤਡ਼ਫਾਉਣ ਦਾ ।
______________________________

Author Topic: ਗ਼ਜ਼ਲ,,, (Read 252 times)

ਰਾਜ ਔਲਖ

ਗ਼ਜ਼ਲ,,,

Database Error

Who's Online

Recent Posts