Punjabi Janta Forums - Janta Di Pasand
Fun Shun Junction => Shayari => Topic started by: @@JeEt@@ on April 21, 2011, 07:18:05 AM
-
ਪੁੱਤਾਂ ਦੀਆਂ ਫੋਟੋਆਂ ਸਜਾ ਦਿਓ ਕੰਧੀ ਕਿਤੇ,
ਧੀਆਂ ਦੀਆਂ ਫੋਟੋਆਂ ਵੀ ਟੰਗਿਆ ਕਰੋ ।
ਮਾਪਿਓ ਵੇ ਗੁਰਾਂ ਦੇ ਪੰਜਾਬ ਦਿਓ ਵਾਸੀਓ,
ਧੀਆਂ ਦੀਆਂ ਲੋਹੜੀਆਂ ਵੀ ਵੰਡਿਆ ਕਰੋ ।
ਗੁਜਰੀ ਵੀ ਇੱਕ ਬੇਟੀ ਬਣਕੇ, ਮਾਪਿਆਂ ਦੇ ਘਰ ਜਾਈ ।
ਚਾਵਾਂ ਲਾਡਾਂ ਦੇ ਨਾਲ ਮਾਪਿਆਂ, ਗੋਦੀ ਚੁੱਕ ਖਿਡਾਈ ।
ਵੱਡੀ ਹੋਈ ਨਾਨਕ ਦੇ ਨੌਵੇ, ਘਰ ਗਈ ਵਿਆਹੀ ।
ਗੋਬਿੰਦ ਸਿੰਘ ਨੂੰ ਜਨਮਕੇ, ਜਗ ਦੀ ਮਾਂ ਗੁਜਰੀ ਅਖਵਾਈ ।
ਦਸਵੇ ਪਿਤਾ ਦਾ ਨਾਹਰਾ ਮਨ ‘ਚ ਵਸਾਕੇ ਕੁੜੀ
ਮਾਰਾਂ ਨਾਲ ਰਿਸ਼ਤੇ ਨਾ ਗੰਢਿਆ ਕਰੋ ।
ਮਾਪਿਓ ਵੇ ਗੁਰਾਂ ਦੇ ਪੰਜਾਬ ਦਿਓ ਵਾਸੀਓ………
ਸ੍ਰਿਸ਼ਟੀ ਦੇ ਪੈਦਾ ਹੁੰਦਿਆਂ ਹੀ, ਹੋਦ ‘ਚ ਆਈ ਨਾਰੀ ।
ਮੁੱਢਕਦੀਮੋ ਲੈਕੇ ਹੁਣ ਤੱਕ, ਜਾਂਦੀ ਰਹੀ ਨਿਕਾਰੀ ।
ਜਾਂ ਜਰਵਾਣਿਆਂ ਧਿੰਗੋਜ਼ੋਰੀ, ਕਰੀ ਗ਼ੁਲਾਮ ਵਿਚਾਰੀ ।
ਜਾਂ ਵਿਆਹ ਦੇ ਖ਼ਰਚੇ ਤੋ ਡਰਕੇ, ਜਨਮੋ ਪਹਿਲਾਂ ਮਾਰੀ ।
ਜਗ ਉੱਤੇ ਲਾਹਨਤਾਂ ਨੇ, ਪੁੱਤਾਂ ਦਾ ਮੰਗਣ ਵਾਲੇ,
ਦਾਜ ਲੈਣ ਵਾਲਿਆਂ ਨੂੰ ਭੰਡਿਆ ਕਰੋ ।
ਮਾਪਿਓ ਵੇ ਗੁਰਾਂ ਦੇ ਪੰਜਾਬ ਦਿਓ ਵਾਸੀਓ………
ਕਿਤਨੇ ਜਾਂਦੇ ਗੁਰੂਦੁਆਰੇ, ਕਿੰਨੇ ਮੰਦਰ ਜਾਕੇ ?
ਕਿੰਨੇ ਜਾਂਦੇ ਸੁੱਖਾਂ ਸੁੱਖਣ, ਪੀਰਾਂ ਦੀ ਦਰਗਾਹ ਤੇ ?
ਕਿੰਨੇ ਜਾਂਦੇ ਠਾਕਰਦੁਆਰੇ, ਮਨ ਵਿੱਚ ਆਸ਼ਾ ਲਾਕੇ ?
ਦੁੱਧ ਪੁੱਤਰ ਤੇ ਮਾਇਆ ਮੰਗਣ, ਸਭ ਮੱਥੇ ਰਗੜਾਕੇ ।
ਕਦੇ ਨਾ ਕਦਾਈ ਤੁਸੀ, ਭੁੱਲ ਕੇ ਵੀ ਰੱਬ ਕੋਲੋ,
ਪੁਤਰੀ ਦੀ ਦਾਤ ਵੀ ਤਾਂ ਮੰਗਿਆ ਕਰੋ ।
ਮਾਪਿਓ ਵੇ ਗੁਰਾਂ ਦੇ ਪੰਜਾਬ ਦਿਓ ਵਾਸੀਓ…….
ਵਿਆਹ ਪੁੱਤਰ ਦੇ ਵੇਲੇ ਸਭ ਨੂੰ, ਚਾਅ ਐਨਾ ਚੜ੍ਹ ਜਾਂਦਾ ।
ਮਾਂ ਸੁਹਾਗਣ ਪਾਣੀ ਵਾਰੇ, ਲੈ ਚਾਂਦੀ ਦਾ ਭਾਂਡਾ ।
ਚਲਦੇ ਦੌਰ ਸ਼ਰਾਬਾਂ ਦੇ ਵਿੱਚ, ਰੰਗ ਰਚਾਇਆ ਜਾਂਦਾ ।
ਪਰ ਧੀ ਦੇ ਪੇਕਿਆਂ ਦਾ ਚੁੱਲ੍ਹਾ, ਠੰਢਾ ਪਾਇਆ ਜਾਂਦਾ ।
ਧੀਆਂ ਵਾਲੇ ਹਿੱਸੇ ਦੀਆਂ, ਲੋਰੀਆਂ ਦੇ ਨਾਲ heer,
ਬੇਟੀਆਂ ਦੇ ਮਨਾਂ ਨੂੰ ਵੀ ਰੰਗਿਆ ਕਰੋ ।
ਮਾਪਿਓ ਵੇ ਗੁਰਾਂ ਦੇ ਪੰਜਾਬ ਦਿਓ ਵਾਸੀਓ……