ਨੌਹਣ ਲੱਗਿਆ ਸਣੇ ਬਨੈਣ ਪਾਣੀ ਚ ਵੜ ਜਾਨਾਂ

ਜਾਂ ਗਲ ਵਿੱਚ ਨਾਲਾ ਪਾਕੇ ਮੈਂ ਗਲੀ ਚ ਖੜ ਜਾਨਾਂ

 ਸੱਪ ਓਏ ਕਹਿ ਛਾਲ ਮਾਰ ਪੇਟੀ ਤੇ ਚੜ ਜਾਨਾਂ

ਇੱਕੋ ਖਬਰ ਖਬਾਰ ਚੋਂ ਕਈ ਵਾਰੀ ਪੜ ਜਾਨਾਂ

ਬੂਟ ਜਰਾਬਾਂ ਲਾਹ ਕੇ ਫਰਿੱਜ ਚ ਧਰ ਦਿੰਨੈਂ

ਟੈਟ ਹੋਕੇ ਤਾਂ ਮੈਂ ਪਤਾ ਨੀ ਕੀ ਕੀ ਕਰ ਦਿੰਨੈ

*******************************

ਪੈਗ ਲਾਕੇ ਫੇਰ ਕਲਾ ਜਾਗਦੀ

 ਪੱਗ ਬੰਨਣ ਦੀ

ਆਪਣਾ ਉੱਲੂ ਸਿੱਧਾ ਰੱਖਣਾ

ਗੱਲ ਨਾ ਮੰਨਣ ਦੀ

ਛੋਟੇ ਨੂੰ ਆਖੀ ਜਾਣਾ ਮੇਰ ਵੱਡਾ ਭਾਈ ਤੂੰ

ਉਲਾਂਭਾ ਦੇਣਾ ਕਿਸੇ ਕੁੜੀ ਨਾਲ ਗੱਲ ਕਰਾਈ ਤੂੰ

ਗੁੱਸੇ ਵਿੱਚ ਆ ਕਈ ਵਾਰੀ ਲੱਫੜ ਵੀ ਜੜ ਦਿੰਨੈਂ

ਟੈਟ ਹੋਕੇ ਤਾਂ ਮੈਂ ਪਤਾ ਨੀ ਕੀ ਕੀ ਕਰ ਦਿੰਨੈ

*******************************

 ਕਲਾਕਾਰ ਅੰਦਰਲਾ ਜਾਗੇ

ਲਲਕ ਫਿਰ ਊੱਠੇ ਗਾਉਣ ਦੀ

ਰਾਗ ਭੜਾਸ ਅੱਧੀ ਰਾਤੀਂ

ਗਵਾਂਢੀ ਜਗਾਉਣ ਦੀ

ਇੱਕ ਵਾਰੀ ਤਾਂ ਗਲੀ ਚੋਂ ਕੁੱਤਾ ਬੰਨ ਲਿਆਇਆ ਮੈਂ

ਡੇਢ ਘੰਟਾ ਕੋਲ ਬਿਠਾ ਕੇ ਮਿਰਜ਼ਾ ਸੁਣਾਇਆ ਮੈਂ

ਜਾਂ ਅੜੇ ਗਰਾਰੀ ਲਿਖਣੇ ਦੀ

ਲਿਖ ਲਿਖ ਡੈਰੀ ਭਰ ਦਿੰਨੈਂ

ਟੈਟ ਹੋਕੇ ਤਾਂ ਮੈਂ ਪਤਾ ਨੀ ਕੀ ਕੀ ਕਰ ਦਿੰਨੈ

*******************************

ਬੈਲੈੰਸ ਤੜਕੇ ਦੇਖ ਮੁੱਕਿਆ

ਫੇਰ ਪਛਤਾਉਣਾ ਮੈਂ

ਨਾਲ ਦੀ ਜੰਤਾ ਨੂੰ

ਬੜੇ ਫੋਨ ਘਮਾਉਣਾ ਮੈਂ

ਕੇਰਾਂ ਖਾਧੀ ਪੀਤੀ ਵਿੱਚ ਢੋਲ ਲਿਆਇਆ ਮੈਂ

ਸਾਢੇ ਸੱਤ ਆਲੀਆਂ ਖਬਰਾਂ ਤੇ ਬੜਾ ਵਜਾਇਆ ਮੈਂ

ਨਾਲੇ ਪਾਈਆਂ ਲੁੱਡੀਆਂ ਛੇੜੇ ਰਾਗ ਗਰਾਟ ਜੀ

ਮੈਂ ਨੀ ਹੰਭਿਆ ਹਾਰ ਕੇ ਵਿਚਾਰਾ ਢੋਲ ਗਿਆ ਪਾਟ ਜੀ

ਹੱਥ ਦੇਖਣ ਆਏ ਡਾਂਗ ਬਾਬੇ ਦੇ

 ਮੌਰਾਂ ਵਿੱਚ ਧਰ ਦਿੰਨੈਂ

ਟੈਟ ਹੋਕੇ ਤਾਂ ਮੈਂ ਪਤਾ ਨੀ ਕੀ ਕੀ ਕਰ ਦਿੰਨੈ

*******************************

ਚਾਰ ਪੰਜ ਕੇਰਾਂ ਪੈਗ ਸ਼ੈਗ ਲਾ

 ਮੋਟਰ ਤੋਂ ਉੱਠੇ ਸੀ

ਪਿੰਡ ਆਕੇ ਸਾਰੇ ਪਿੰਡ ਦੇ ਕੁੱਤੇ ਕੁੱਟੇ ਸੀ

ਬੌਹੜੀ ਲੋਕੋ ਪਿੰਡ ਆਲੇ ਕਹਿੰਦੇ ਆਗੇ ਕਮਲੇ ਜੇ

ਕੱਢਣ ਲੱਗਿਆਂ ਟਰਾਲੀ ਠੋਕੀ ਵਿੱਚ ਥਮਲੇ ਦੇ
  :D: :D: :D: :D: :D:
 ਚੋਰ ਚੋਰ ਕੇਰਾਂ ਪਾਤਾ ਰੌਲਾ ਠੀਕਰੀ ਪਹਿਰੇ ਚ

ਨਾਲੇ ਨੱਚੀ ਜਾਂਵਾਂ ਪਿੰਡ ਵਿਚਾਲੇ ਕੱਲੇ ਕਛੈਹਰੇ ਚ

ਲੋਰ ਚ ਇੱਕ ਦੂਜੇ ਨੂੰ ਕਹਿਣਾ ਰਹੋ ਚੌਕੰਨੇ ਓਏ

ਮਾਰ ਕੇ ਰੋੜੇ ਮੋੜਾਂ ਦੇ ਬੜੇ ਬੱਲਭ ਭੰਨੇ ਓਏ

ਮਾੜਾ ਟੈਮ ਸੀ ਕੇਰਾਂ ਖੇਤ ਮੈਂ ਤੇ ਜੀਤਾ ਸੀ

ਇੱਕ ਅੰਬ ਦੀ ਫਾੜੀ ਨਾਲ ਅਧੀਆ ਖਾਲੀ ਕੀਤਾ ਸੀ

ਕਦੇ ਤੁਤਲਾ ਬੋਲਣ ਲੱਗਜੇ ਕਰੇ ਕੁਰਲੀਆਂ ਜੀ

 ਨੈਣਵਾਲੀਏ ਨੂੰ ਪੈਗ ਲਵਾਕੇ ਸੁਣੋ ਸ਼ੁਰਲੀਆਂ ਜੀ

ਮਾਰ ਮਾਰ ਕੇ ਯੱਕੜ ਕਰ ਦਿਮਾਗ ਮੈਂ ਤਰ ਦਿੰਨੈਂ

ਟੈਟ ਹੋਕੇ ਤਾਂ ਮੈਂ ਪਤਾ ਨੀ ਕੀ ਕੀ ਕਰ ਦਿੰਨੈ

ਟੈਟ ਹੋਕੇ ਤਾਂ ਮੈਂ ਪਤਾ ਨੀ ਕੀ ਕੀ ਕਰ ਦਿੰਨੈ -      ਨੈਣੈਵਾਲੀਆ

Haha  :D:

:D: :D: ...