Punjabi Janta Forums - Janta Di Pasand

Fun Shun Junction => Shayari => Topic started by: Arz Sra on October 22, 2011, 03:10:48 PM

Title: Kashmkash
Post by: Arz Sra on October 22, 2011, 03:10:48 PM

Kashmkash

Unka andaaz-e-guftgu' ameeron ki tarah,
mera andaze-e-khamoshi fakeeron ki tarah

jazbaat riste-riste raste mein hi ruk jaate
har waqyaat mulkon ki lakeeron ki tarah

'zahir karein, na karein' ki kashmkash ke beech
har pal guzarta jism se teeron ki tarah

Nigahon ka uthan... har baar jhuk jaana,
himmat se bandha khauf zanjeeron ki tarah

kuch dosh tere chehre ki masumiyat ka hai
kuch mijaz mera bhi hai peeron ki tarah

bechaini mein dhalti humsafar hone ki chah
din kat rahey anjaan rahgeeron ki tarah

Vasl' ho to dar-b-dar na aur ho shayad
zindagee rahe na bikhri tasveeron ki tarah

- Arz Sra

Guftgu - Conversation. 
Vasl- Milan

Title: Re: Kashmkash
Post by: Gujjar NO1 on October 22, 2011, 03:14:10 PM

'zahir karein, na karein' ki kashmkash ke beech
har pal guzarta jism se teeron ki tarah

very nice poatry