Author Topic: Tere Naam (Read 338737 times)

♥ Ǻk47 jǺттi ♥ · « **Reply #640 on:** July 08, 2015, 02:00:26 PM »

niceee

Punjabi Janta Forums - Janta Di Pasand · « **Reply #640 on:** July 08, 2015, 02:00:26 PM »

Gujjar NO1 · « **Reply #641 on:** July 08, 2015, 04:08:46 PM »

Hai Duaa Yaad Magar Harf-E-Duaa Yaad Nahii.N
Mere Nagmaat Ko A.Ndaaz-E-Navaa Yaad Nahii.N

Mai.N Ne Palako.N Se Dar-E-Yaar Pe Dastak Dii Hai
Mai.N Vo Saahil Huu.N Jise Ko_Ii Sadaa Yaad Nahii.N

Mai.N Ne Jin Ke Liye Raaho.N Me.N Bichhayaa Thaa Lahuu
Ham Se Kahate Hai.N Vahii Ahad-E-Vafaa Yaad Nahii.N

Kaise Bhar Aa_Ii.N Sar-E-Shaam Kisii Kii Aa.Nkhe.N
Kaise Tharraa_E Charaago.N Kii Ziyaa Yaad Nahii.N

Sirf Dhu.Ndhalaa_Ii Sitaaro.N Kii Chamak Dekhii Hai
Kab Huaa Kaun Huaa Kis Se Khafaa Yaad Nahii.N

Zindagii Jabr-E-Musalasal Kii Tarah Katatii Hai
Jaane Kis Jurm Kii Paa_Ii Hai Sazaa Yaad Nahii.N

Aao Ik Sajdaa Kare.N Aalam-E-Madhahoshii Me.N
Kahate Hai.N Ke "Sagar" Ko Khudaa Yaad Nahii.N

Gujjar NO1 · « **Reply #642 on:** July 10, 2015, 09:03:07 AM »

Ansu’oon ! Shaam Ki Palkon Pe Larazty Rehna
Dob Jaye Jo Ye Manzar To Barastay Rehna

Us Ki Aadat Wohi Her Baat Adhori Karna
Or Phir Baat Ka Mafhom Badaltay Rehna

Aaj Se Seekh Lia Hai Ye Qareena Hum Ne
Bujh Bhi Jana To Bari Dair Tak Sulagtay Rehna

Jany Kis Umer Main Jaye Gi Ye Aadat Us Ki
Rothna Khud Se To Auron Se Ulajhtay Rehna

Gujjar NO1 · « **Reply #643 on:** July 12, 2015, 04:56:43 PM »

Aankh Se Door Na Ho, Dil Se Utar Jaye Ga
Waqt Ka Kia Hai Guzarta Hai Guzar Jaye Ga

Itna Manoos Na Ho Khilwat-e-Gham Se Apni
TU Kubhi Khud Ko Bhi Dekhay Ga Tou Dar Jaye Ga

Tum Sar-e-Raah Wafa Dekhtay Reh Jao Ge
Aur Wo Baam-e-Rafaqat Se Utar Jaye Ga

Zindagi Teri Ata Hai Tou Ye Jaanay Wala
Teri Bakhshish Teri Dehleez Pe Dhar Jaye Ga

Doobtay Doobtay Kishti Ko Uchaala De Dun
Mein Nahi Koi TU Saahil Pe Utar Jaye Ga

Zabt Laazim Hai Magar Dukh Hai Qayamat Ka “Faraz”
Zaalim Ab Ke Bhi Na Roye Ga Tou Mar Jaye Ga

Gujjar NO1 · « **Reply #644 on:** July 20, 2015, 09:51:59 AM »

Hijar Ka Taara Doob Chala Hai Dhalne Lagi Hai Raat Wasi
Qatra Qatra Baras Rahi Hai Ashkon Ki Barsaat Wasi

Tere Bad Ye Duniya Wale Mujh Ko Pagal Kar Den Gay
Khushbo K Dais Men Mujh Ko Le Chal Apne Sath Wasi

Yun Hi Chup Ki Mohar Laga Kar Kb Tak Ghum Sum Betho Gay
Khamoshi Se Dam Ghut_Ta Hai Cherro Koi Bat Wasi

Aj To Us Ka Chehra Bhi Kuch Badla Badla Lagta Hai
Mosam Badla, Duniya Badli, Badl Gay Haalat Wasi

Mere Ghar Khushiyon Ka Ye Raqs Usi K Dam Se Hai
Us K Sath Chali Jay Gi Pholoon Ki Baraat Wasi

Chor Wasi Ab Us Ki Yaden Tujh Ko Pagal Kar Den Gi
Tu Qatra Hai Wo Darya Hai Dekh Apni Auqaat Wasi

Gujjar NO1 · « **Reply #645 on:** July 25, 2015, 04:27:26 PM »

e Khushiyan To Akher Loat Ain
Jo Bichar Gaye Kab Loatain Gay

Wo Kasy Hum Say Door Howey
Yhe Hum Tum Beth Kay Sochain Gaye

Wo Jin Sy Ghar Ki Ronaq The
wo Jin Ka Roshan Chehra Tha

Ain Gay Jab Wo Yad Hamain
Hum Kasy Ansoo Ko Rokain Gay

Yhe Khushiyan To Akher Loat Ain,
Jo Bichar Gay Kab Lotain Gaye

Gujjar NO1 · « **Reply #646 on:** July 27, 2015, 11:49:51 AM »

Naam Meri Zindagi Tere Naam Ki
Par Iss Kay Tootney Ki Parwaha Naa Ki

Sulagte Jazbaato Ko Mitne Na De
Pyaar Meri Zindagi Tere Naam Ki

💖Selfie_queen💖 · « **Reply #647 on:** July 27, 2015, 02:21:38 PM »

Quote from: Gujjar no1 on July 27, 2015, 11:49:51 AM

Naam Meri Zindagi Tere Naam Ki
Par Iss Kay Tootney Ki Parwaha Naa Ki

Sulagte Jazbaato Ko Mitne Na De
Pyaar Meri Zindagi Tere Naam Ki

wah wah wah kiya baat.. :balle:

Gujjar NO1 · « **Reply #648 on:** July 30, 2015, 10:54:53 AM »

Kuch Majbooryan Thi Meri, Main Bewafa Nahi,
Shayad Ho Lehja Talakh Par Main Bura Nahi,

Ye Zindagi Meri Kuch Is Tarha Hai Guzri,
Jeeny Ka Mujh Main Baqi Ab Hosla Nahi,

Gardish-e-zindagi Main Paya To Bhot Kuch,
Lekin Jo Dil Se Chaha Wo Hum Ko Mila Nahi,

Kuch Rishton Ki Majbooryan Kuch Rasmon Ki Deewar Thi,
Taqdeer Se Hum Ko To Koi Gila Nahi,

Ik Shakhs Ki Mangi Thi Ham Ne Dua,
Hath Us K Bad Ab Tk Pihr Utha Nahi…

Gujjar NO1 · « **Reply #649 on:** August 02, 2015, 05:33:13 AM »

Na Usey Rab Ne Haseeno'n Sa Banaya Hota
Meri Halat Pe Bura Waqt Na Aya Hota

Ye Bhi Kiya Kam Thi Qayamat Mere Sheher Pe
Aur Kehta Hai Tu Wo Laut Ke Aya Hota

...

Quote from: Stylish_kaur💓 on July 27, 2015, 02:21:38 PM

wah wah wah kiya baat.. :balle:

shukriya ji

Gujjar NO1 · « **Reply #650 on:** August 05, 2015, 11:24:08 AM »

Na Milta Gham to barbadi k afsanay kahan jaty
Agar dunya chaman hoti to veeranay kahan jaty

Chalo acha huwa Apno main koi ghair to nikla
Sabhi hoty agar Apny to begany kahan jaty

Tumhi ne gham ki Dolat di bara ehsan farmaya
Warna hum zamany bhar k aagay hath phelany kahan jaty

Jioavtar · « **Reply #651 on:** August 05, 2015, 11:31:21 AM »

chaki tao fatte :D:

Gujjar NO1 · « **Reply #652 on:** August 07, 2015, 01:03:26 PM »

meri afsurdagi se pareshan na ho
tu meri talkhioon ka sabab to nahi

teri aankhian to meri hi damsaaz hian
kabhi ajnabi lekin ab to nahi

tujh ko meri musarat muqadam sahi
tera ghum mujhe ko waja e tarb to nahi

Gujjar NO1 · « **Reply #653 on:** August 09, 2015, 01:08:13 PM »

Aye dil-e-beqaraar chup ho ja,
Jaa chuki hai bahaar chup ho ja,

Ab na aayen ge roothne wale,
Deeda-e-ashk-baar chup ho ja,

Jaa chuka karvaan e laal-o-gul,
Urr raha hai ghubaar chup ho ja,

Chhuut jaati hai phool se khushbuu,
Rooth jaate hain yaar chup ho ja,

Hum faqiron ka iss zamaane mei,
Kaun hai gham-gusaar chup ho ja,

Haadson ki na aankh khul jaaye,
Hasrat-e-sogvaar chup ho ja,

Geet ki zarb se bhi ae Saghar,
Toot jaate hain taar chup ho ja..

Gujjar NO1 · « **Reply #654 on:** August 11, 2015, 01:45:07 PM »

Bass ek bar kisi ne gale lagaaya tha,
Phir us ke baad na main tha na mera saya tha,

Gali me log bhi the mere us ke dushman log,
Woh sab pe hansta hua mee dil me aaya tha,

Uss ek dasht me sau sheher ho gaye abaad,
Jahaan kissi ne kabhi kaarvaan luttaaya tha,

Woh mujh se apnaa pata puchne ko aa nikle,
Ke jin se main ne khud apnaa suraagh paaya tha,

Mere wajood se gulzaar ho ke niklii hai,
Woh aag jis ne tera pairahann jalaaya tha,

Mujhi ko taana-e-ghairat-garii na de pyare,
Yeh naqsh main ne tere haath se mitaaya tha,

Ussi ne ruup badal kar jagaa diya aakhir,
Jo zeher mujh pe kabhi neend ban ke chhaaya tha,

“zafar” ki khaak me hai kis ki hasrat-e-tameer,
Khayal-o-khawb me kis ne yeh ghar banaaya tha..

Gujjar NO1 · « **Reply #655 on:** August 14, 2015, 12:39:26 AM »

Kacchi deewar hoon thokar na lagana mujh ko,
Apnni nazron main basaa kar na giraana mujh ko,

Tum ko aankhon main tasawwur ki tarah rakhta hon,
Dil main dharrkan ki tarah tum bhi basaana mujh ko,

Baat karne mein jo mushkil ho tumhe mehfil main,
Main samajh jaaon ga aankhon se batana mujh ko,

Vaada utna hi karo jitna nibhaa sakte ho,
Khawb poora jo na ho woh na dikhaana mujh ko,

Apne rishte ki nazaakat ka bharam rakh lena,
Main to aashiq hoon, deewana na banana mujh ko..

Gujjar NO1 · « **Reply #656 on:** August 23, 2015, 12:43:54 AM »

Likh kar saari raam kahani bhejoon ga,
Kaaghaz per paani hi paani bhejoon ga,

Shayed ab woh mujh ko na pehchaan sake,
Main apni tasveer purani bhejoon ga,

Khul jayen ge saare raste mehlon ke,
Ab ke aesi aik nishaani bhejoon ga,

Bhejoon ga main yaad ki chitthi tohfe main,
Aankhen, baarish, aur jawaani bhejoon ga,

Kesi kesi kasme khaayi thieen us ne,
Agle khat main yaad’dihaani bhejoon ga.

Gujjar NO1 · « **Reply #657 on:** August 25, 2015, 04:21:34 PM »

kabhi kitabon mein phul rakhna
kabhi darakhton pe nam likhna
hamein bhi hai yad aj tak wo
nazar se harf-e-salam likhna

wo chand chehre wo behki baten
sulagte din the mehakti raten
wo chote-chote se kagzon par
muhabbaton k payam likhna

gulab chehron se dil lagana
wo chupke chupke nazar milana
wo arzuon k khwab bunna
wo qissa-e-natamam likhna

mere nagar ki hasin fizao
kahin jo un k nishan pao
to puchna ye kahan base ho
kahan hain un ka qayam likhna

gai ruton mein ?Hassan? hamara
bas ek hi to ye mashgala tha
kisi k chehre ko subah kahna
kisi ki zulfon ko sham likhna

Gujjar NO1 · « **Reply #658 on:** August 28, 2015, 11:50:20 AM »

Alfaz kay jhootay bandhan mein
Aghraz kay gehray pardon mein
Har shakhs muhabbat kerta hai
Hala kay muhabbat kuch bhi nahi
Sab jhotay rishtay naatay hain
Sab dil rakhnay ke batain hain
Sab asli roop chupatay hain
Ehsas se khali loog yahan
Lafzon kay teer chalatay hain
Ik bar nazar mein aa kar wo
Phir sari umar rulatay hain
Ye ishq-o-muhabbat mehr-o-wafa
Sab jhooti suchi batain hain
Her shakhs khudi ke masti mein
Bas apni khatir jeeta hai

Gujjar NO1 · « **Reply #659 on:** August 30, 2015, 06:24:53 AM »

suna hai log use ankh bhar ke dekhte hain
so us ke shahar main kuch din thahar ke dekhte hain

suna hai rabt hai us ko kharab halon se
so apane ap ko barbad karake dekhte hain

suna hai dard ki gahak hai chashm-e-nazuk us ki
so ham bhi us ki gali se guzar kar dekhte hain

suna hai us ko bhi hai sher-o-shayari se shagaf
so ham bhi mojaze apane hunar ke dekhte hain

suna hai bole to baton se phuul jharate hain
ye bat hai to chalo bat kar ke dekhte hain

suna hai rat use chand takata rahata hai
sitare bam-e-falak se utar kar dekhte hain

suna hai hashr hain us ki gazal si ankhain
suna hai us ko hiran dasht bhar ke dekhte hain

suna hai din ko use titaliyan satati hain
suna hai rat ko jugnuu thahar ke dekhte hain

suna hai rat se barh kar hain kakulain us ki
suna hai sham ko saye guzar ke dekhte hain

suna hai us ki siyah chashmagi qayamat hai
so us ko surmafarosh ankh bhar ke dekhte hain

suna hai us ke labon se gulab jalate hain
so ham bahar par ilzam dhar ke dekhte hain

suna hai aina tamasal hai jabin us ka
jo sada dil hain ban sanvar ke dekhte hain

suna hai jab se hamail hain us ki gardan main
mizaj aur hi lal-o-gauhar ke dekhte hain

suna hai chashm-e-tasavvur se dasht-e-imkan main
palang zave us ki kamar ke dekhte hain

suna hai us ke badan ke tarash aise hain
ke phuul apani qabayain katar ke dekhte hain

wo sarv-qad hai magar be-gul-e-murad nahin
ke us shajar pe shaguufe samar ke dekhte hain

bas ek nigah se lutata hai qafila dil ka
so rahravan-e-tamanna bhi dar ke dekhte hain

suna hai us ke shabistan se muttasil hai bahisht
makin udhar ke bhi jalve idhar ke dekhte hain

ruke to gardishain us ka tavaf karati hain
chale to us ko zamane thahar ke dekhte hain

kise nasib ke be-pairahan use dekhe
kabhi kabhi dar-o-divar ghar ke dekhte hain

kahaniyan hin sahi sab mubalage hi sahi
agar wo khvab hai tabir kar ke dekhte hain

ab us ke shahar main thaharain ki kuuch kar jayain
'Faraz' ao sitare safar ke dekhte hain

Author Topic: Tere Naam (Read 338737 times)

Punjabi Janta Forums - Janta Di Pasand

Related Topics

Who's Online

Recent Posts