Saamne manzil, awaaz unki, kidar jaata,
Rukta to safar jata, chalta to bicharr jata,

Manzil ki bhi hasrat thi aur us se mohabbat bhi,
Aye dil yeh bata mujhko, us waqt kidar jata,

Muddat ka saffar bhi tha aur barson ki shanasaayi,
Rukta to bikhar jata, jeene se mukar jata,

Lagi pyas ghazab ki thi, paani mein bhi zeher tha,
Peeta to main mar jata, na peeta to bhi mar jata..

Aap apna ghubaar they hum to,
Yaad they yaadgar they hum to,

Hum ko yaaron ne bhi yaad na rakha,
Jon yaaron ke yaar they hum to..

Ajab pagal si larki hai
mujhay har khat main likhti hai….
“Mujhay tum yaad kartay ho?
Tumhain main yaad aati hoon?
Mairi baatain satati hain?
Mairi neendain jagati hain?
Mairi aankhain rulati hain?
December ki sunehri dhoop main ab bhi tehaltay ho?
Kisi khamoosh rastay say,
koi awaaz aati hai?
Thatharti sard raatoon main,
tum ab bhi chut pay jatay ho?
Falak kay sab sitaroon ko,
mairi baatain sunatay ho?
Kitaboon say tumharay ishq main koi kami aai?
Ya mairi yaad ki shid’dat say aankhoon main nami aai?”

Ajab pagal si larki hai
mujhay har khat main likhti hai.

Jawabun usko likhta hoon….
“Mairi masroofiyat daikho, subah say shaam office main
chiraagh-e-umr jalta hai!
phir uskay baad duniya ki
kai majbooriyaan paoon main bairi daal rakhti hain,
mujhay bay-fikr, chahat say bharay sapnay nahi dikhtay
tehalnay, jagnay, ronay ki mohlat hi nahi milti,
sitaroon say milay arsa howa, naraz hoon shayad!
kitaboon say shaguf maira abhi waisay hi qaem hai
farq itna para hai, ab unhain arsay main parhta hoon.
tumhain kis nay kaha pagli, tumhain main yaad karta hoon?

Main khud ko bhoolnay ki musalsal justujoo main hoon
tumhain na yaad anay ki musalsal justujoo main hoon
magar yeh justujoo mairi bohut na-kaam rehti hai,
mairay din raat main ab bhi tumhari shaam rehti hai,
mairay lafzoon ki har ik maala tumharay naam rehti hai,
tumhain kis nay kaha pagli, tumhain main yaad karta hoon?

purani baat hai jo loog aksar gungunatay hain,
‘Unhain hum yaad kartay hain, jinhain hum bhool jatay hain!’
ajab pagal si larki ho,
mairi masroofiyat daikho!
tumahain dil say bhulaoon to, tumhari yaad aiy na
tumhain dil say bhulanay ki mujhay fursat nahi milti,
aur is masroof jeevan main
tumharay khat ka ik jumla,
“Tumhain main yaad aati hoon ?”
mairi chahat ki shid’dat main kami honay nahi daita
bohut raatain jagata hai, mujhay sonay nahi daita!
Suno, agli baar apnay khat main yeh jumla nahi likhna.”

Ajab pagal si larki hai mujhay phir bhi yeh likhti hai
“Mujhay tum yaad kartay ho? Tumhain main yaad aati hoon?”

vry good one Ashfaq 22..  :ok:

thanx bro

Iss sheher main aesi bhi qayamat na hui thi,
Tanha they magar khud se to wehshat na hui thi,


Yeh din hai ke yaron ka bharosa bhi nahi hai,
Woh din they ke dushman se bhi nafrat na hui thi,

Ab saans ka ehsaas bhi ek baar-e-giraan hai,
Khud apne khilaaf aesi baghavat na hui thi,

Ujrre huye iss dil ke har ik zakhm se pucho,
Iss sheher mein kis kis se mohabbat na hui thi,

Ab tere qareeb aa ke bhi kuch soch raha hoon,
Pehle tujhe kho kar bhi nadamat na hui thi,

Khawabon ke hawa raas thi jab tak mujhe Mohsin,
Yoon jaagte rehna meri aadat na hoi hui thi.

Haye Oye.. Ahmad Faraz!!! Bahla att likhda c banda..

hanji bro

nice poatry risky 22 :ok: