Fun Shun Junction > Shayari

Tere Naam

<< < (180/185) > >>

Gujjar NO1:
Mil kar Juda Huye to na Soya Karein gay hum
Ik Doosre ki Yaad mein Roya karein gay hum

Aansoo Chalak Chalak ke Satayein gay Raat bhar
Moti Palak Palak mein Piroya karein gay hum

Gujjar NO1:
Abhi dhundh hi rahi thi​
Tumeen yeh nazar hamari​
K tum aa gaye achanak​
Bari umr hay tumari​

Abhi kuch hi dair pahle​
Bara zikar tha tumara​
Kahi bar dharkanon ne​
Tumeen piyar se poukara​

Mit ta intezar dil ka​
Huy khatm bekarari​

Hameen piyar ki khushi se​
Kiya aashna tumhi ne​
Tumeen piyar ham woh deen ge​
Jo deya na ho kisi ne​

K tumari zindagi hay​
Hameen jaan se bhi piyari​

Gujjar NO1:
Tumhare sheher ka mausam barra suhaana lage,
Main ik shaam chura loon agar bura na lage,

Tumhare bas main agar ho to bhool jao humen,
Tumhen bhulaane main shayed mujhe zamaana lage,

Hamare pyar se jalne lagi hai ik duniya,
Dua karo kisi dushman ki baduaa na lage,

Na jane kya hai us ki be-baak ankhon main,
Woh mu chupaa ke jaye bhi to bewafa na lage,

Jo doobna hai to itne sakoon se doobo,
Ke aas paas ki lehron ko bhi pata na lage,

Ho jis ada se mere sath bewafayi kar,
Ke tere baad mujhe koi bewafa na lage,

Woh phool jo mere daaman se ho geya mansoob,
Khuda kare usay bazaar ki hawa na lage,

Tum aankh muund ke pe jao zindagi qaiser,
Ke aik ghoont main shaayed yeh bd-maza na lage..

Gujjar NO1:
koi ummid bar nahi ati
koi surat nazar nahi ati

maut ka ek din muayyan hai
nind kyon rat bhar nahi ati

age ati thi hal-e-dil pe hansi
ab kisi bat par nahi ati

janta hun sawab-e-tahat-o-zahad
par tabiyat idhar nahi ati

hai kuch aisi hi bat jo chup hun
warna kya bat kar nahi ati

kyon na chikhun k yad karte hain
meri awaz gar nahi ati

dag-e-dilgarnazar nahi ata
bu bhi ai charagar nahi ati

ham wahan hain jahan se ham ko bhi
kuch hamari khabar nahi ati

marte hain arzu mein marne ki
maut ati hai par nahi ati

kaba kis munh se jaoge 'Ghalib'
sharm tumko magar nahi ati

Noor Kaur:

Je mil jandi sab nu apne pyar de manzil,
Tan fir rattan de hanerya ch shyari koun likhda.

Navigation

[0] Message Index

[#] Next page

[*] Previous page