Author Topic: ਚਾਚਾ ਮੁਰਲੀ( ਟੁੱਟ ਪੈਣਾ)ਬੱਸੇ ਚੜ੍ਹਿਆ (Read 981 times)

@@JeEt@@ · « **on:** August 19, 2011, 04:01:40 PM »

ਚਾਚਾ ਮੁਰਲੀ( ਟੁੱਟ ਪੈਣਾ)ਬੱਸੇ ਚੜ੍ਹਿਆ ,
ਭੀੜ ਬੜੀ ਸੀ ਬੱਸ ਵਿਚ ਖੜ੍ਹਿਆ ।

ਧੱਕਮ ਧੱਕਾ ਅੱਗੇ ਪਿੱਛੇ ,
ਸਮਝ ਨਾ ਆਏ ਖਲੋਵੇ ਕਿੱਥੇ ।

ਹਰ ਕੋਈ ਡਾਢੀ ਤੰਗ ਸੁਵਾਰੀ ,
ਗਰਮੀ ਨੇ ਮੱਤ ਸੱਭ ਦੀ ਮਾਰੀ ।

ਗਰਮੀ ਨਾਲ ਨਿਆਣੇ ਰੋਣ ,
ਔਖਾ ਹੋ ਗਿਆ ਬਹਿਣ ਖਲੋਣ ।

ਕਹੇ ਕੰਡਕਟਰ ਅੱਗੇ ਹੋਵੋ ,
ਰਸਤੇ ਨੂੰ ਨਾ ਰੋਕ ਖਲੋਵੋ ।

ਬੱਸ ਪਈ ਹੈ ਖਾਲੀ ਸਾਰੀ ,
ਐਵੇਂ ਰੋਂਦੀ ਪਈ ਸਵਾਰੀ ।

ਬੱਸ ਪਰਾਣੀ ਟੁੱਟੀ ਭੱਜੀ ,
ਸਾਰੀ ਤੂੜੀ ਵਾਂਗਰ ਲੱਦੀ ।

ਜਿਹੜਾ ਮਿਲੇ ਚੜ੍ਹਾਈ ਜਾਵੇ ,
ਪੈਰੋ ਪੈਰ ਖੜ੍ਹਾਈ ਜਾਵੇ ।

ਅੱਧੇ ਉੱਪਰ ਅੱਧੇ ਅੰਦਰ ,
ਲੱਗਦਾ ਜਾਪੇ ਕਲਾ ਕਲੰਦਰ ।

ਨਾਲ ਕੰਡਕਟਰ ਦਵੇ ਦੁਹਾਈ ,
ਟੁੱਟ ਪੈਣਾ ਨੇ ਫਿਰ ਟਿਕਟ ਕਟਾਈ ।

ਪੈਸੇ ਦੇ ਕੇ ਜਾਨ ਛਡਾਈ ।
ਨ੍ਹੇਰੀ ਵਾਂਗੋਂ ਜਾਏ ਭਜਾਈ ,

ਟੁੱਟ ਪੈਣਾ ਦੀ ਜਿੰਦ ਮੁੱਠੀ ਆਈ ।
ਜੱਦ ਇੱਸ ਬੱਸ ਨੇ ਸ਼ਹਿਰ ਪੁਚਾਇਆ ,

ਟੁੱਟ ਪੈਣਾ ਰੱਬ ਦਾ ਸ਼ੁਕਰ ਮਨਾਇਆ ।
ਆਖੇ ਐਵੇਂ ਲੈ ਲਿਆ ਪੰਗਾ ,

ਇੱਸ ਬੱਸ ਤੋਂ ਤਾਂਗਾਂ ਚੰਗਾ ।
ਐਵੇਂ ਕੇਹੜਾ ਮੌਤ ਸਹੇੜੇ ,
ਟੁੱਟ ਪੈਣਾ ਬਹਿਕੇ ਰੋਵੇ ਵੇਹੜੇ ।

Author Topic: ਚਾਚਾ ਮੁਰਲੀ( ਟੁੱਟ ਪੈਣਾ)ਬੱਸੇ ਚੜ੍ਹਿਆ (Read 981 times)

@@JeEt@@

ਚਾਚਾ ਮੁਰਲੀ( ਟੁੱਟ ਪੈਣਾ)ਬੱਸੇ ਚੜ੍ਹਿਆ

Database Error

Who's Online

Recent Posts