Hai ta eh copy paste aa nice laggya ta shyar kita :hehe:
Tere jaan magro mera supnya da sansaar :D:



Aman Mehra
--- ਮੇਰਾ ਲਵ ਲੈਟਰ ---
ਜੇ ਤੂੰ ਛੱਡ ਕੇ ਨਾ ਜਾਂਦੀ
ਹੁਣ ਤੱਕ ਸਾਡਾ ਵਿਆਹ ਹੁੰਦਾ,
ਚਾਰ ਲਾਵਾਂ ਲੈਂਦੇ ਆਪਾਂ ਵੀ
ਦੋਨਾਂ ਦੇ ਹੱਥੀਂ ਕੜਾਹ ਹੁੰਦਾ,
ਤੂੰ ਪਿੰਨੀ ਬਣਾ ਛੁਪਾ ਲੈਂਦੀ
ਤੈਥੋਂ ਤੱਤਾ ਤੱਤਾ ਨਾ ਖਾਹ ਹੁੰਦਾ,
ਘਰ ਆ ਦੁੱਧ ਦਾ ਗਲਾਸ ਫੜਦੇ
ਜੂਠਾ ਪੀਣ ਦਾ ਕਿੰਨਾ ਮਜ਼ਾ ਹੁੰਦਾ,
ਤੂੰ ਡਰਕੇ ਗਲ ਨਾਲ ਲੱਗ ਜਾਂਦੀ
ਕਿਸੇ ਛੱਡਿਆ ਪਟਾਕਾ ਠਾਹ ਹੁੰਦਾ,
ਫ਼ਿਰ ਅਸੀਂ ਵੀ ਭੰਗੜੇ ਪਾਉਣੇ ਸੀ
ਟਿੰਕੂ ਮਿੰਕੂ ਦਾ ਸਾਨੂੰ ਚਾਅ ਹੁੰਦਾ,
ਅਸੀਂ ਉਠ ਉਠ ਲੰਗੋਟ ਬਦਲਦੇ
ਜਵਾਕਾਂ ਦਾ ਰਾਤ ਨੂੰ ਕੀਤਾ ਸਤਾ ਹੁੰਦਾ,
ਤੂੰ ਕਹਿੰਦੀ ''ਸੁਣਦੇ ਹੋ ਜੀ, ਆਇਓ ਜ਼ਰਾ
ਛੋਟੇ ਦੇ ਮੈਥੋਂ ਨੀਂ ਕੱਛਾ ਚੜਾ ਹੁੰਦਾ''
ਮੈਂ ਵੀ ਸ਼ਿਮਲੇ ਮਨਾਲੀ ਵੱਲ ਲੈ ਜਾਂਦਾ
ਜੇ ਟੈਕਸੀਆਂ ਦਾ ਸਸਤਾ ਭਾਅ ਹੁੰਦਾ,
ਤੂੰ 'ਸਵਾਰਨ ਸਿਨਮੇ' ਨਾਲ ਮੰਨ ਜਾਂਦੀ,
ਬਹਾਨਾ ਘੜਦੀ ''ਦੂਰ ਨੀਂ ਜਾ ਹੁੰਦਾ''
ਟਿੰਕੂ ਤੋਂ ਓਹਲਾ ਕਰ ਪਾਰੀ ਕਰ ਲੈਂਦੇ
ਫ਼ਿਲਮ ਦੌਰਾਨ ਲੱਗਾ ਜਦ ਵੀ ਦਾਅ ਹੁੰਦਾ,
ਤੇਰੇ ਪੇਕਿਆਂ ਵੱਲ ਵੀ ਜਾਇਆ ਕਰਦੇ
ਮੇਰੀ ਸੱਸ ਦਾ ਔਖਾ ਜਦ ਸਾਹ ਹੁੰਦਾ,
ਮੈਂ ਕੋਲੋਂ ਖਾਣ ਨੂੰ ਪਨੀਰ ਪਕੋੜਾ ਲੈ ਜਾਂਦਾ
ਬਣਾਇਆ ਓਹਨਾਂ ਸਿਰਫ਼ ਘਾਹ ਹੁੰਦਾ,
ਫ਼ਿਰ ਬੁੱਢੀ ਹੋਈ ਦੇ ਤੇਰੇ ਹੱਥ ਕੰਬਦੇ
ਪਾਣੀ ਫੁਲਕਾ ਨਾ ਤੈਥੋਂ ਖਾਹ ਹੁੰਦਾ,
ਮੈਂ ਆ ਕੋਲ ਭੁੰਜੇ ਡੇਰੇ ਲਾਉਣੇ ਸੀ
ਮੰਜਾ ਮੁੰਜਾ ਸਾਥੋਂ ਵੀ ਨਾ ਡਾਹ ਹੁੰਦਾ,
ਤੂੰ ਜਵਾਨੀ ਵਾਲਾ ਗੁੱਸਾ ਕਰਿਆ ਕਰਦੀ
ਬੁੱਢ਼ਾਪੇ 'ਚ ਫੜਿਆ ਗੁੱਟ ਤੇਰਾ ਖਾਮਾਖਾ ਹੁੰਦਾ,
ਮੈਂ ਫੋਕੇ ਲਲਕਾਰੇ ਮਾਰਿਆ ਕਰਨੇ ਸੀ
ਨਕਲੀ ਦੰਦਾਂ ਬਿਨ ਪੱਲੇ ਨਾ ਭਾਵੇਂ ਸਵਾਹ ਹੁੰਦਾ,
ਆਪਾਂ ਅਖੀਰ ਤੱਕ ਇਦਾਂ ਰਿਸ਼ਤਾ ਰੱਖਦੇ
ਜਿਵੇਂ ਤੂੰ ਮੇਰੀ ਭਗਤਣ ਤੇ ਮੈਂ ਤੇਰਾ ਖ਼ੁਦਾ ਹੁੰਦਾ...
ਜੇ ਤੂੰ ਛੱਡ ਕੇ ਨਾ ਜਾਂਦੀ ਹੁਣ ਤੱਕ ਸਾਡਾ ਵਿਆਹ
ਹੁੰਦਾ... 8->