ਵਿਰਾਸਤ-ਏ-ਖਾਲਸਾ ਸੈਂਟਰ ’ਚੋਂ ਅਸਲ ਅਜੂਬਾ ਨਿਸ਼ਾਨ ਏ ਖਾਲਸਾ ਗਾਇਬ ਤੀਜੀ ਵਾਰ ਬਦਲਿਆ ਗਿਆ ਹੈ ਵਿਰਾਸਤ-ਏ-ਖਾਲਸਾ ਦਾ ਨਾਮ......


ਆਨੰਦਪੁਰ ਸਾਹਿਬ, (18 ਨਵੰਬਰ2011): ਬਾਦਲ ਸਰਕਾਰ ਵਲੋਂ ਸਿੱਖਾਂ ਨੂੰ ਰਿਝਾਉਣ ਲਈ ਆਪਣੀ ਵੱਡੀ ਪ੍ਰਾਪਤੀ ਦੇ ਰੂਪ ਵਿਚ ਖਾਲਸੇ ਦੀ ਜਨਮ ਭੂਮੀ ਸ਼੍ਰੀ ਆਨੰਦਪੁਰ ਸਾਹਿਬ ਵਿਖੇ ਉਸਾਰੇ ਗਏ ਵਿਰਾਸਤ-ਏ-ਖਾਲਸਾ ਦਾ ਉਦਘਾਟਨ ਬੜੀ ਧੂਮਧਾਮ ਨਾਲ ਕਰਨ ਦਾ ਪ੍ਰੋਗਰਾਮ ਉਲੀਕਿਆ ਗਿਆ ਹੈ,ਪਰੰਤੂਇਸ ਵਿਰਾਸਤ-ਏ-ਖਾਲਸਾ ਸੈਂਟਰ ‘ਚ ਸਿੱਖੀ ਦੀ ਅਸਲ ਨਿਸ਼ਾਨੀ ਨਿਸ਼ਾਨੇ-ਏ-ਖਾਲਸਾ, ਜਿਹੜਾ ਕਿ ਖੰਡੇ ਦੇ ਰੂਪ ਵਿਚ ਇਸ ਮਹਾਨ ਯਾਦਗਾਰ ਦੇ ਮੁਢਲੇ ਮਾਡਲ ‘ਚ ਸ਼ਾਮਲ ਸੀ, ਉਹ ਅਲੋਪ ਕਰ ਦਿੱਤਾ ਗਿਆ ਹੈ। ਨਿਸ਼ਾਨੇ ਏ ਖਾਲਸਾ ਤੋਂ ਅਧੂਰੀ ਇਹ ਯਾਦਗਾਰ ਸਿੱਖਾਂ ਨੂੰ ਉਨ੍ਹਾਂਦੀ ਵਿਰਾਸਤ ਨਾਲ ਕਿੰਨਾ ਕੁ ਜੋੜੇਗੀ ਅਤੇ ਇਸ ਬਵਾਲ ਦਾ ਸਿੱਖ ਸਿਆਸਤ ਤੇ ਕੀ ਪ੍ਰਭਾਵ ਪਵੇਗਾ ਇਹ ਤਾਂ ਭਾਵੇਂ ਸਮੇਂ ਦੀ ਬੁੱਕਰ ‘ਚ ਹੈ,ਪਰੰਤੂਜਾਪਦਾ ਹੈ ਕਿ ਇਸ ਮੁੱਦੇ ਤੇ ਪੰਥਕ ਸਿਆਸਤ ਇੱਕ ਵਾਰ ਫਿਰ ਜ਼ਰੂਰ ਗਰਮਾ ਜਾਵੇਗੀ। ਖਾਲਸੇ ਦੀ ਜਨਮ ਭੂਮੀ ਆਨੰਦਪੁਰ ਸਾਹਿਬ ਵਿਖੇ ਉਸਾਰਿਆ ਵਿਰਾਸਤ ਏ ਖਾਲਸਾ ਸੈਂਟਰ ਦਾ 25 ਨਵੰਬਰ ਨੂੰ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੁਆਰਾ ਉਦਘਾਟਨ ਕੀਤਾ ਜਾ ਰਿਹਾ ਹੈ,ਪਰੰਤੂਉਦਘਾਟਨ ਤੋਂ ਪਹਿਲਾ ਇਸ ਅਧੂਰੇ ਪ੍ਰੋਜੈਕਟ ਸਬੰਧੀ ਚਰਚਾਵਾਂ ਦਾ ਬਜ਼ਾਰ ਕਾਫੀ ਗਰਮ ਹੈ। ਜ਼ਿਕਰਯੋਗ ਹੈ ਕਿ 22 ਨਵੰਬਰ 1998 ਨੂੰ ਪੰਥਕ ਵਿਵਾਦ ਤੋਂ ਬਾਅਦ ਉਸ ਸਮੇਂ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਵਲੋਂ ਤਖਤ ਸਾਹਿਬ ਦੇ ਪੰਜ ਪਿਆਰਿਆਂ ਸਾਹਿਬਾਨ ਭਾਈ ਮੇਜਰ ਸਿੰਘ, ਭਾਈ ਅਜਾਇਬ ਸਿੰਘ, ਭਾਈ ਸਤਨਾਮ ਸਿੰਘ, ਭਾਈ ਹਰਬੰਸ ਸਿੰਘ ਤੇ ਭਾਈ ਦਰਸ਼ਨ ਸਿੰਘ ਕੋਲੋਂ ਇਸ ਬਹੁ ਕਰੋੜੀ ਪ੍ਰੋਜੈਕਟ ਦਾ ਨੀਂਹ ਪੱਥਰ ਰਖਵਾਇਆ ਗਿਆ ਸੀ ਤੇ ਦੇਸ਼ਾਂ ਵਿਦੇਸ਼ਾਂ ਵਿਚੋਂ ਖਾਲਸਾ ਪੰਥ ਦੀਆਂ ਮਹਾਨ ਸ਼ਖਸੀਅਤਾਂ ਅਨੰਦਪੁਰ ਸਾਹਿਬ ਪੁੱਜੀਆਂ ਹੋਈਆਂ ਸਨ। ਇਸ ਮੌਕੇ ਇਸ ਪ੍ਰੋਜੈਕਟ ਦੇ ਆਰਕੀਟੈਕਟ ਮੈਸ਼ੇ ਸੈਫਦੀ ਵਲੋਂ ਇਸ ਪ੍ਰੋਜੈਕਟ ਦਾ ਮੁਕੰਮਲ ਨਕਸ਼ਾ ਸ਼ੀਸ਼ੇ ਵਿਚ ਜੜਾ ਕੇ ਸੰਗਤਾਂ ਦੇ ਦਰਸ਼ਨਾਂ ਲਈ ਲਾਇਆ ਸੀ, ਜਿਸ ਵਿਚ ਨਿਸ਼ਾਨੇ ਏ ਖਾਲਸਾ ਰੂਪੀ ਖੰਡਾਂ ਜਿਸਦੀ ਉਚਾਈ 300 ਫੁੱਟ ਦਰਸਾਈ ਗਈ ਸੀ ਬਣਾਇਆ ਗਿਆ ਸੀ ਤੇ ਇਸ ਖੰਡੇ ਦੀ ਬਣਤਰ ਸਬੰਧੀ ਪੂਰੀ ਜਾਣਕਾਰੀ ਦਿੱਤੀ ਗਈ ਸੀ ਜਿਸ ‘ਚ 13 ਮੰਜਲਾਂ ਉਸਾਰੀਆਂ ਜਾਣੀਆਂ ਸਨ ਤੇ ਅਸਲ ਵਿਚ ਇਹ ਉਹ ਨਿਸ਼ਾਨ ਏ ਖਾਲਸਾ ਨੂੰ ਮੱਖਣ ਵਿਚੋਂ ਵਾਲ ਵਾਂਗ ਬਾਹਰ ਕਿਉਂ ਕਰ ਦਿੱਤਾ ਗਿਆ ਤੇ ਕਿਸ ਦੀ ਸਲਾਹ ਨਾਲ ਬਾਹਰ ਕਰ ਦਿੱਤਾ ਗਿਆ ਸਮਝ ਤੋਂ ਬਾਹਰ ਦੀ ਗੱਲ ਹੈ, ਹੋਰ ਤਾਂ ਹੋਰ ਪੰਜਾਂ ਪਿਆਰਿਆਂ ਵਲੋਂ ਰੱਖੇ ਨੀਂਹ ਪੱਥਰ ਦਾ ਵੀ ਨਾਮੋ ਨਿਸ਼ਾਨ ਮਿਟਾ ਦਿੱਤਾ ਗਿਆ, ਜਿਸਦੀ ਪੰਥਕ ਹਲਕਿਆਂ ‘ਚ ਸਖਤ ਅਲੋਚਨਾ ਹੋ ਰਹੀ ਹੈ ਤੇ ਇਸਨੂੰ ਸਿੱਖ ਧਰਮ ਦੇ ਸਰਵੋ ਸਰਵਾ ਪੰਜਾਂ ਪਿਆਰਿਆਂ ਦਾ ਘੋਰ ਅਪਮਾਨ ਸਮਝਿਆ ਜਾ ਰਿਹਾ ਹੈ। ਇਸ ਸਬੰਧੀ ਜਦੋਂ ਤਖਤ ਸ੍ਰੀ ਕੇਸਗੜ ਸਾਹਿਬ ਦੇ ਸਿੱਖ ਸਾਹਿਬ ਜਥੇਦਾਰ ਤਰਲੋਚਨ ਸਿੰਘ ਦੀ ਹਾਜ਼ਰੀ ‘ਚ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਜਥੇਦਾਰ ਅਵਤਾਰ ਸਿੰਘ ਮੱਕੜ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂਵਲੋਂ ਗੋਲ ਮੋਲ ਜਵਾਬ ਦਿੰਦਿਆਂ ਆਖਿਆ ਕਿ ਪੰਜਾਂ ਪਿਆਰਿਆਂ ਦਾ ਮਾਨ ਸਨਮਾਨ ਕਾਇਮ ਰੱਖਿਆ ਜਾਵੇਗਾ,ਪਰੰਤੂਨੀਂਹ ਪੱਥਰ ਸਬੰਧੀ ਉਨ੍ਹਾਂਕੋਈ ਸਪੱਸ਼ਟ ਉਤਰ ਨਾ ਦਿੱਤਾ। ਜ਼ਿਕਰਯੋਗ ਹੈ ਕਿ ਨਿਸ਼ਾਨ ਏ ਖਾਲਸਾ ਤੋਂ ਬਿਨ੍ਹਾਂਇਸ ਬਹੁਕਰੋੜੀ ਪ੍ਰੋਜੈਕਟ ਦੀ ਦਿੱਖ ਸਿੱਖ ਧਰਮ ਨਾਲ ਸਬੰਧਤ ਧਾਰਮਿਕ ਅਸਥਾਨਾਂ ਵਰਗੀ ਨਹੀਂ ਲੱਗੇਗੀ,ਪਰੰਤੂਖੰਡੇ ਦੇ ਨਿਸ਼ਾਨ ਵਾਲੇ ਮੀਨਾਰ ਏ ਖਾਲਸਾ ਦੇ ਬਣਨ ਨਾਲ ਇਸਦੀ ਸ਼ਾਨ ਵਿਚ ਬਹੁਤ ਵਾਧਾ ਹੋਣਾ ਸੀ, ਇਥੇ ਇਹ ਵੀ ਦੱਸਣਾ ਬਣਦਾ ਹੈ ਕਿ ਇਸ ਨਿਸ਼ਾਨੇ ਏ ਖਾਲਸਾ ਦਾ ਨਿਰਮਾਣ ਕਰਨ ਲਈ ਗੁਰੂ ਨਾਨਕ ਨਿਸ਼ਕਾਮ ਸੇਵਕ ਜੱਥਾ ਬਰਮਿੰਘਮ ਵਲੋਂ 35 ਕਰੋੜ ਦਾ ਐਸਟੀਮੇਟ ਤਿਆਰ ਕਰਵਾ ਕੇ, ਇਸਦੀ ਨਿਸ਼ਕਾਮ ਸੇਵਾ ਸਬੰਧੀ ਤਜ਼ਵੀਜ ਭੇਜੀ ਸੀ,ਪਰੰਤੂਸ਼੍ਰੋਮਣੀ ਕਮੇਟੀ ਵਲੋਂ ਉਸ ਤਜ਼ਵੀਜ ਤੇ ਗੌਰ ਕਿਉਂ ਨਾ ਕੀਤਾ ਗਿਆ, ਸੋਚਣ ਵਾਲੀ ਗੱਲ ਹੈ। ਇਸ ਪ੍ਰੋਜੈਕਟ ਦਾ ਵਾਰ ਵਾਰ ਬਦਲਿਆ ਜਾ ਰਿਹਾ ਨਾਮ ਵੀ ਕਈ ਖੁੰਢ ਚਰਚਾਵਾਂ ਨੂੰ ਜਨਮ ਦੇ ਰਿਹਾ ਹੈ, ਅੱਠਵੇਂ ਅਜੂਬੇ ਵਜੋਂ ਪ੍ਰਚਾਰੇ ਇਸ ਪ੍ਰੋਜੈਕਟ ਦੇ ਉਦਘਾਟਨ ਸਮੇਂ ਸਿੱਖ ਹੈਰੀਟੇਜ ਕੰਪਲੈਕਸ ਰੱਖਿਆ ਸੀ, ਬਾਅਦ ‘ਚ ਇਸਦਾ ਨਾਮ ਬਦਲਕੇ ਖਾਲਸਾ ਹੈਰੀਟੇਜ ਕੰਪਲੈਕਸ ਰੱਖ ਦਿੱਤਾ ਗਿਆ ਤੇ ਹੁਣ ਤੀਜੀ ਵਾਰ ਇਸਦਾ ਨਾਮ ਬਦਲਕੇ ਵਿਰਾਸਤ ਏ ਖਾਲਸਾ ਸੈਂਟਰ ਰੱਖ ਦਿੱਤਾ ਗਿਆ ਹੈ। ਪੰਥਕ ਹਲਕਿਆਂ ‘ਚ ਇਹ ਚਰਚਾ ਵੀ ਜ਼ੋਰਾਂ ਸ਼ੋਰਾਂ ਨਾਲ ਜਾਰੀ ਹੈ ਕਿ ਸਿੱਖ ਧਰਮ ਨਾਲ ਸਬੰਧਤ ਇਸ ਧਾਰਮਿਕ ਪ੍ਰੋਜੈਕਟ ਦਾ ਉਦਘਾਟਨ ਵੀ ਪੰਜਾਂ ਪਿਆਰਿਆਂ ਪਾਸੋਂ ਕਰਵਾਇਆ ਜਾਣਾ ਚਾਹੀਦਾ ਸੀ ਨਾਂ ਕਿ ਕਿਸੇ ਵਿਅਕਤੀ ਵਿਸ਼ੇਸ਼ ਵਲੋਂ। ਇਸ ਸਬੰਧੀ ਸ਼੍ਰੋ: ਕਮੇਟੀ ਦੇ ਪ੍ਰਧਾਨ ਜਥੇਦਾਰ ਮੱਕੜ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂਆਖਿਆ ਕਿ ਇਹ ਬਹੁਕਰੋੜੀ ਪ੍ਰੋਜੈਕਟ ਪ੍ਰਕਾਸ਼ ਸਿੰਘ ਬਾਦਲ ਦਾ ਸੁਪਨਾ ਸੀ ਤੇ ਇਹ ਉਨ੍ਹਾਂਦੀ ਹੀ ਦੇਣ ਹੈ ਤੇ ਇਸਦਾ ਉਦਘਾਟਨ ਪੰਜਾਂ ਪਿਆਰਿਆਂ ਦੀ ਮੌਜੂਦਗੀ ‘ਚ ਸਾਰੇ ਧਰਮਾਂ ਦੇ ਮੁਖੀਆ ਦੀ ਹਾਜ਼ਰੀ ‘ਚ ਬਾਦਲ ਦੁਆਰਾ ਹੀ ਕੀਤਾ ਜਾਵੇਗਾ ਤੇ ਉਦਘਾਟਨ ਮੌਕੇ ਪੰਜਾਂ ਪਿਆਰਿਆਂ ਦੀ ਮੌਜੂਦਗੀ ਉਨ੍ਹਾਂਦਾ ਮਾਣ ਸਨਮਾਨ ਪੂਰੀ ਤਰਾਂ ਬਹਾਲ ਰੱਖੇਹੀ। ਜ਼ਿਕਰਯੋਗ ਹੈ ਕਿ ਇਸ ਪ੍ਰੋਜੈਕਟ ਦਾ ਨੀਂਹ ਪੱਥਰ ਪ੍ਰਕਾਸ਼ ਸਿੰਘ ਬਾਦਲ ਉਸ ਵੇਲੇ ਦੇ ਪ੍ਰਧਾਨ ਮੰਤਰੀ ਅਟਲ ਬਿਹਾਰੀ ਵਾਜਪਈ ਕੋਲੋਂ ਰਖਵਾਉਣਾ ਚਾਹੁੰਦੇ ਸਨ,ਪਰੰਤੂਉਸ ਵੇਲੇ ਬਾਦਲ ਤੋਂ ਵੱਖ ਹੋਏ ਗੁਰਚਰਨ ਸਿੰਘ ਟੋਹੜਾ ਧੜੇ ਦੀ ਸਖਤ ਵਿਰੋਧਤਾ ਤੇ ਪੰਥਕ ਹਲਕਿਆਂ ਦੇ ਸਖਤ ਵਿਰੋਧ ਕਾਰਨ ਬਾਦਲ ਨੂੰ ਪੰਜ ਪਿਆਰਿਆਂ ਕੋਲੋਂ ਇਸਦਾ ਨੀਂਹ ਪੱਥਰ ਰਖਵਾਉਣ ਲਈ ਮਜ਼ਬੂਰ ਹੋਣਾ ਪਿਆ ਸੀਪਰੰਤੂਹੁਣ ਨਾਂ ਤਾਂ ਜਥੇਦਾਰ ਟੋਹੜਾ ਹਨ ਤੇ ਨਾਂ ਹੀ ਉਨ੍ਹਾਂਜਿਹੀ ਵਿਰੋਧਤਾ ਕਰਨ ਵਾਲਾ, ਕੋਈ ਨਰ ਆਗੂ ਤੇ ਹੁਣ ਰਾਣੀ ਨੂੰ ਕਿਹੜਾ ਕਹੇ, ਆਪਣਾ ਅੱਗਾ ਢੱਕ। :,,,,(http://www.punjabnewsnetwork.com/2011/11/virasat-a-khalsa-name-again-changed/)