Author Topic: ਦਕਸ਼ ਯੱਗ ਅਤੇ ਸਤੀ ਦਾ ਆਤਮਦਾਹ (Read 1639 times)

Pj Sarpanch · « **on:** September 03, 2011, 06:03:55 AM »

ਸਤੀ ਦੇ ਪਿਤਾ ਮਹਾਰਾਜ ਦਕਸ਼ ਨੂੰ ਬ੍ਰਹਮਾ ਜੀ ਨੇ ਪਰਜਾਪਤੀ-ਨਾਇਕ ਦੇ ਪਦ ‘ਤੇ ਬਿਠਾਇਆ। ਮਹਾਨ ਅਧਿਕਾਰ ਦੀ ਪ੍ਰਾਪਤੀ ਨਾਲ ਦਕਸ਼ ਦੇ ਮਨ ‘ਚ ਹੰਕਾਰ ਪੈਦਾ ਹੋ ਗਿਆ। ਸੰਸਾਰ ‘ਚ ਅਜਿਹਾ ਕੌਣ ਹੈ, ਜਿਸ ਨੂੰ ਪ੍ਰਭੂਤਾ ਮਿਲਣ ‘ਤੇ ਉਹ ਮਾਣ ਨਾ ਕਰੇ। ਇਕ ਵਾਰ ਬ੍ਰਹਮਾ ਦੀ ਸਭਾ ‘ਚ ਵੱਡੇ-ਵੱਡੇ ਰਿਸ਼ੀ, ਦੇਵਤੇ ਮੁਨੀ ਹਾਜ਼ਰ ਹੋਏ। ਉਸ ਸਭਾ ‘ਚ ਭਗਵਾਨ ਸ਼ੰਕਰ ਵੀ ਬਿਰਾਜਮਾਨ ਸਨ। ਉਸੇ ਵੇਲੇ ਦਕਸ਼ ਪਰਜਾਪਤੀ ਵੀ ਉਥੇ ਪਧਾਰੇ। ਸਭਾ ‘ਚ ਹਾਜ਼ਰ ਸਾਰੇ ਲੋਕ ਉਨ੍ਹਾਂ ਦੇ ਸਵਾਗਤ ਲਈ ਖੜ੍ਹੇ ਹੋ ਗਏ। ਸਿਰਫ ਬ੍ਰਹਮਾ ਜੀ ਅਤੇ ਭਗਵਾਨ ਸ਼ਿਵ ਆਪਣੇ ਸਥਾਨ ‘ਤੇ ਬੈਠੇ ਰਹੇ। ਦਕਸ਼ ਨੇ ਬ੍ਰਹਮਾ ਜੀ ਨੂੰ ਪ੍ਰਣਾਮ ਕੀਤਾ ਪਰ ਸ਼ੰਕਰ ਜੀ ਦਾ ਬੈਠੇ ਰਹਿਣਾ ਉਨ੍ਹਾਂ ਨੂੰ ਬਹੁਤ ਬੁਰਾ ਲੱਗਿਆ। ਉਨ੍ਹਾਂ ਨੂੰ ਇਸ ਗੱਲ ਤੋਂ ਖਾਸ ਦੁੱਖ ਹੋਇਆ ਕਿ ਬ੍ਰਹਮਾ ਜੀ ਤਾਂ ਉਨ੍ਹਾਂ ਦੇ ਪਿਤਾ ਸਨ ਪਰ ਸ਼ੰਕਰ ਜੀ ਤਾਂ ਉਨ੍ਹਾਂ ਦੇ ਜਵਾਈ ਸਨ। ਉਨ੍ਹਾਂ ਨੇ ਉੱਠ ਕੇ ਉਨ੍ਹਾਂ ਨੂੰ ਪ੍ਰਣਾਮ ਕਿਉਂ ਨਹੀਂ ਕੀਤਾ? ਇਸ ਲਈ ਉਨ੍ਹਾਂ ਨੇ ਭਰੀ ਸਭਾ ‘ਚ ਸ਼ੰਕਰ ਜੀ ਦੀ ਬੜੀ ਨਿੰਦਿਆ ਕੀਤੀ ਅਤੇ ਸਰਾਪ ਤਕ ਦੇ ਦਿੱਤਾ। ਫਿਰ ਵੀ ਉਨ੍ਹਾਂ ਦਾ ਗੁੱਸਾ ਸ਼ਾਂਤ ਨਾ ਹੋਇਆ ਅਤੇ ਭਗਵਾਨ ਸ਼ਿਵ ਨੂੰ ਅਪਮਾਨਿਤ ਕਰਨ ਦੇ ਉਦੇਸ਼ ਨਾਲ ਇਕ ਵਿਸ਼ਾਲ ਯੱਗ ਦਾ ਆਯੋਜਨ ਕੀਤਾ, ਜਿਸ ‘ਚ ਸ਼ਿਵ ਜੀ ਨਾਲ ਵੈਰ-ਬੁੱਧੀ ਕਾਰਨ ਆਪਣੀ ਧੀ ਸਤੀ ਨੂੰ ਵੀ ਨਹੀਂ ਬੁਲਾਇਆ। ਅਸਮਾਨ ਤੋਂ ਵਿਮਾਨਾਂ ‘ਚ ਬੈਠ ਕੇ ਸਾਰੇ ਦੇਵਤਿਆਂ, ਵਿੱਦਿਆਧਰਾਂ ਅਤੇ ਕਿੰਨਰੀਆਂ ਨੂੰ ਜਾਂਦਿਆਂ ਦੇਖ ਕੇ ਸਤੀ ਨੇ ਭਗਵਾਨ ਸ਼ੰਕਰ ਨੂੰ ਪੁੱਛਿਆ- ‘ਭਗਵਾਨ! ਇਹ ਸਾਰੇ ਕਿੱਥੇ ਜਾ ਰਹੇ ਹਨ?’ ਭਗਵਾਨ ਸ਼ਿਵ ਨੇ ਕਿਹਾ- ‘ਤੇਰੇ ਪਿਤਾ ਨੇ ਬਹੁਤ ਵੱਡੇ ਯੱਗ ਦਾ ਆਯੋਜਨ ਕੀਤਾ ਹੈ। ਇਹ ਸਾਰੇ ਉਸੇ ‘ਚ ਸ਼ਾਮਲ ਹੋਣ ਲਈ ਜਾ ਰਹੇ ਹਨ।’ ਸਤੀ ਜੀ ਨੇ ਕਿਹਾ- ‘ਪ੍ਰਭੂ! ਪਿਤਾ ਜੀ ਨੇ ਯੱਗ ਕਰਵਾਇਆ ਹੈ ਤਾਂ ਉਥੇ ਮੇਰੀਆਂ ਬਾਕੀ ਭੈਣਾਂ ਵੀ ਪਧਾਰਣਗੀਆਂ। ਮਾਤਾ-ਪਿਤਾ ਨੂੰ ਮਿਲਿਆਂ ਨੂੰ ਮੈਨੂੰ ਬਹੁਤ ਸਮਾਂ ਹੋ ਗਿਆ ਹੈ। ਜੇਕਰ ਤੁਹਾਡੀ ਆਗਿਆ ਹੋਵੇ ਤਾਂ ਸਾਨੂੰ ਦੋਹਾਂ ਨੂੰ ਵੀ ਉਥੇ ਚਲਣਾ ਚਾਹੀਦੈ। ਇਹ ਠੀਕ ਹੈ ਕਿ ਉਨ੍ਹਾਂ ਨੇ ਸਾਨੂੰ ਸੱਦਾ ਨਹੀਂ ਦਿੱਤਾ ਪਰ ਮਾਤਾ-ਪਿਤਾ ਅਤੇ ਗੁਰੂ ਦੇ ਘਰ ਬਿਨਾਂ ਬੁਲਾਏ ਜਾਣ ‘ਚ ਕੋਈ ਗਲਤ ਗੱਲ ਨਹੀਂ ਹੈ।’ ਸ਼ਿਵ ਜੀ ਨੇ ਕਿਹਾ- ‘ਇਸ ‘ਚ ਕੋਈ ਸ਼ੱਕ ਨਹੀਂ ਕਿ ਮਾਤਾ-ਪਿਤਾ ਅਤੇ ਗੁਰੂਆਂ ਆਦਿ ਦੇ ਘਰ ਬਿਨਾਂ ਬੁਲਾਇਆਂ ਵੀ ਜਾਇਆ ਜਾ ਸਕਦੈ ਪਰ ਜਿੱਥੇ ਕੋਈ ਵਿਰੋਧ ਮੰਨਦਾ ਹੋਵੇ, ਉਥੇ ਬਿਲਕੁਲ ਕਲਿਆਣ ਨਹੀਂ ਹੁੰਦਾ। ਇਸ ਲਈ ਤੈਨੂੰ ਉਥੇ ਜਾਣ ਦਾ ਵਿਚਾਰ ਤਿਆਗ ਦੇਣਾ ਚਾਹੀਦੈ।’ ਭਗਵਾਨ ਸ਼ੰਕਰ ਦੇ ਸਮਝਾਉਣ ‘ਤੇ ਵੀ ਸਤੀ ਨਹੀਂ ਮੰਨੀ ਅਤੇ ਅੱਖਾਂ ‘ਚ ਹੰਝੂ ਭਰ ਕੇ ਰੋਣ ਲੱਗੀ। ਉਦੋਂ ਭਗਵਾਨ ਸ਼ਿਵ ਨੇ ਆਪਣੇ ਪ੍ਰਮੁੱਖ ਲੋਕਾਂ ਨਾਲ ਉਨ੍ਹਾਂ ਨੂੰ ਵਿਦਾ ਕਰ ਦਿੱਤਾ। ਦਕਸ਼ ਯੱਗ ‘ਚ ਪਹੁੰਚਣ ‘ਤੇ ਸਤੀ ਨੂੰ ਉਥੇ ਭਗਵਾਨ ਸ਼ਿਵ ਦਾ ਕੋਈ ਹਿੱਸਾ ਨਜ਼ਰ ਨਾ ਆਇਆ। ਦਕਸ਼ ਨੇ ਵੀ ਸਤੀ ਦਾ ਕੋਈ ਸਤਿਕਾਰ ਨਾ ਕੀਤਾ। ਉਨ੍ਹਾਂ ਦੀਆਂ ਭੈਣਾਂ ਨੇ ਵੀ ਉਨ੍ਹਾਂ ਨੂੰ ਦੇਖ ਕੇ ਵਿਅੰਗਪੂਰਨ ਮੁਸਕਰਾ ਦਿੱਤਾ। ਸਿਰਫ ਉਨ੍ਹਾਂ ਦੀ ਮਾਤਾ ਹੀ ਬੜੇ ਪਿਆਰ ਨਾਲ ਮਿਲੀ। ਭਗਵਾਨ ਸ਼ਿਵ ਦਾ ਅਪਮਾਨ ਦੇਖ ਕੇ ਸਤੀ ਨੂੰ ਬੜਾ ਗੁੱਸਾ ਆਇਆ। ਉਨ੍ਹਾਂ ਨੇ ਦਕਸ਼ ਨੂੰ ਕਿਹਾ- ‘ਪਿਤਾ ਜੀ, ਜਿਹੜੇ ਭਗਵਾਨ ਸ਼ਿਵ ਦਾ ਦੋ ਅੱਖਰਾਂ ਦਾ ਨਾਂ ਗੱਲਬਾਤ ਦੇ ਪ੍ਰਸੰਗ ‘ਚ ਚਾਣਚੱਕ ਦਿਮਾਗ ‘ਚ ਆ ਜਾਣ ‘ਤੇ ਨਾਂ ਲੈਣ ਵਾਲੇ ਦੇ ਸਾਰੇ ਪਾਪਾਂ ਦਾ ਵਿਨਾਸ਼ ਕਰ ਦਿੰਦਾ ਹੈ, ਤੁਸੀਂ ਉਸੇ ਭਗਵਾਨ ਸ਼ਿਵ ਨਾਲ ਈਰਖਾ ਕਰਦੇ ਹੋ। ਇਸ ਲਈ ਤੁਹਾਡੇ ਅੰਗ ਦੇ ਮੇਲ ਤੋਂ ਪੈਦਾ ਹੋਏ ਇਸ ਸਰੀਰ ਨੂੰ ਮੈਂ ਤੁਰੰਤ ਤਿਆਗ ਦਿਆਂਗੀ ਕਿਉਂਕਿ ਇਹ ਮੇਰੇ ਲਈ ਕਲੰਕ ਰੂਪ ਹੈ।’ ਇਹ ਕਹਿ ਕੇ ਸਤੀ ਨੇ ਭਗਵਾਨ ਸ਼ਿਵ ਦਾ ਧਿਆਨ ਕਰਕੇ ਆਪਣੇ ਸਰੀਰ ਨੂੰ ਯੱਗ ਅਗਨੀ ‘ਚ ਭਸਮ ਕਰ ਦਿੱਤਾ। ਸਤੀ ਦਾ ਦੈਵੀ ਪਤੀ ਪ੍ਰੇਮ ਅੱਜ ਵੀ ਭਾਰਤੀ ਔਰਤਾਂ ਲਈ ਮਹਾਨ ਆਦਰਸ਼ ਹੈ।

Punjabi Janta Forums - Janta Di Pasand · « **on:** September 03, 2011, 06:03:55 AM »

^_^ ωαнℓα ^_^ · « **Reply #1 on:** September 03, 2011, 06:36:42 AM »

hmmmm aaj mainu pta laggea k ਸਤੀ kaun san........

Pj Sarpanch · « **Reply #2 on:** September 03, 2011, 07:12:42 AM »

Quote from: ਵੇਹਲਾ ਸਿੰਘ on September 03, 2011, 06:36:42 AM

hmmmm aaj mainu pta laggea k ਸਤੀ kaun san........

o ok chalo ji mere pj te post karn da mull py gya

thnx thnx lai

^_^ ωαнℓα ^_^ · « **Reply #3 on:** September 03, 2011, 07:22:19 AM »

hanji veere aaj diyan post jo tusi payain ohna baare mainu pta ni c ta thnx ta banta hai boss :happy: nyc c...eda ee punjabi ch paunde raho ta jo mera varga padda rahe :happy:

Pj Sarpanch · « **Reply #4 on:** September 03, 2011, 07:28:01 AM »

Quote from: ਵੇਹਲਾ ਸਿੰਘ on September 03, 2011, 07:22:19 AM

hanji veere aaj diyan post jo tusi payain ohna baare mainu pta ni c ta thnx ta banta hai boss :happy: nyc c...eda ee punjabi ch paunde raho ta jo mera varga padda rahe :happy:

jarur veer ji jenna vi ho sakeaa kara ge

Author Topic: ਦਕਸ਼ ਯੱਗ ਅਤੇ ਸਤੀ ਦਾ ਆਤਮਦਾਹ (Read 1639 times)

Pj Sarpanch

ਦਕਸ਼ ਯੱਗ ਅਤੇ ਸਤੀ ਦਾ ਆਤਮਦਾਹ

Punjabi Janta Forums - Janta Di Pasand

ਦਕਸ਼ ਯੱਗ ਅਤੇ ਸਤੀ ਦਾ ਆਤਮਦਾਹ

^_^ ωαнℓα ^_^

Re: ਦਕਸ਼ ਯੱਗ ਅਤੇ ਸਤੀ ਦਾ ਆਤਮਦਾਹ

Pj Sarpanch

Re: ਦਕਸ਼ ਯੱਗ ਅਤੇ ਸਤੀ ਦਾ ਆਤਮਦਾਹ

^_^ ωαнℓα ^_^

Re: ਦਕਸ਼ ਯੱਗ ਅਤੇ ਸਤੀ ਦਾ ਆਤਮਦਾਹ

Pj Sarpanch

Re: ਦਕਸ਼ ਯੱਗ ਅਤੇ ਸਤੀ ਦਾ ਆਤਮਦਾਹ

Who's Online

Recent Posts