Author Topic: ਧਾਰਮਿਕ ਸੰਗੀਤ-ਗੁਰਮਤਿ ਅਨੁਸਾਰ 'ਨਸ਼ਾ ਕੀ ਹੈ' (Read 1593 times)

ਦਿਲਰਾਜ -ਕੌਰ · « **on:** November 06, 2011, 04:26:21 PM »

ਗੁਰਮਤਿ ਅਨੁਸਾਰ ਸ਼ਰਾਬ, ਤੰਬਾਕੂ ਅਤੇ ਹੋਰ ਸਾਰੇ ਮਾਰੂ ਨਸ਼ੇ ਵਰਜਿਤ ਹਨ। ਪੰਥ ਪ੍ਰਸਿੱਧ ਕੀਰਤਨੀਏ ਭਾਈ ਦਵਿੰਦਰ ਸਿੰਘ ਸੋਢੀ ਅਜਿਹੇ ਕੀਰਤਨੀਏ ਹਨ, ਜਿਨ੍ਹਾਂ ਆਪਣੇ ਵਿਲੱਖਣ ਅੰਦਾਜ਼ ਵਿਚ ਹਮੇਸ਼ਾ ਵਿਆਖਿਆ ਸਹਿਤ ਕੀਰਤਨ ਦੀ ਸੇਵਾ ਕਰਦਿਆਂ ਗੁਰਮਤਿ ਦਾ ਸੁਨੇਹਾ ਦੇਣ ਦਾ ਯਤਨ ਕੀਤਾ ਹੈ। ਉਨ੍ਹਾਂ ਅੱਜ ਤੋਂ ਕਾਫੀ ਸਮਾਂ ਪਹਿਲਾਂ ਨੌਜਵਾਨ ਬੱਚਿਆਂ ਵਿਚ ਆ ਰਹੀਆਂ ਇਨਸਾਨੀਅਤ ਲਈ ਮਾਰੂ ਲਾਹਣਤਾਂ ਦਾ ਜ਼ਿਕਰ ਕਰਦਿਆਂ ਬਹੁਤ ਸਾਰੀਆਂ ਐਲਬਮਾਂ ਸੰਗਤ ਦੇ ਸਨਮੁਖ ਪੇਸ਼ ਕਰਦਿਆਂ ਕੀਤਾ ਹੈ। ਸਮਾਜਿਕ ਵਰਤਾਰੇ ਵਿਚ ਅਤੇ ਰਿਸ਼ਤਿਆਂ ਵਿਚ ਆਈਆਂ ਤਰੇੜਾਂ ਦਾ ਜ਼ਿਕਰ ਵੀ ਉਹ ਅਕਸਰ ਆਪਣੇ ਕੀਰਤਨ ਦੌਰਾਨ ਕਰਦੇ ਰਹਿੰਦੇ ਹਨ। ਹਥਲੀ ਐਲਬਮ ਵਿਚ ਉਨ੍ਹਾਂ ਗੁਰਮਤਿ ਵਿੱਦਿਆ ਦੇ ਮਾਰਤੰਡ ਭਾਈ ਗੁਰਦਾਸ ਜੀ ਦੀ 39ਵੀਂ ਵਾਰ ਦੀ 16ਵੀਂ ਪਉੜੀ 'ਪੋਸਤ ਭੰਗ ਸ਼ਰਾਬ ਦਾ ਚਲੇ ਪਿਆਲਾ' ਅਤੇ ਦੋ ਹੋਰ ਸ਼ਬਦ 'ਰਾਮ ਰਸਾਇਣ ਜੋ ਰਤੇ ਨਾਨਕ ਸਚ ਅਮਲੀ', 'ਜਿਨਿ ਪੀਤੀ ਤਿਸੁ ਮੋਖ ਦੁਆਰ' ਦਾ ਗਾਇਨ ਕਰਦਿਆਂ ਇਸ ਦੀ ਵਿਆਖਿਆ ਕੀਤੀ ਹੈ। ਉਨ੍ਹਾਂ ਆਪਣੇ ਵਿਚਾਰਾਂ ਦੀ ਲੜੀ ਨੂੰ ਜਾਰੀ ਰੱਖਦਿਆਂ ਸਿੱਖ ਸਾਹਿਤ ਨਾਲ ਸੰਬੰਧਿਤ ਸਾਖੀਆਂ ਵਿਚੋਂ ਪ੍ਰਮਾਣ ਤੇ ਪ੍ਰਭਾਵਸ਼ਾਲੀ ਗਾਇਨ ਵਿਚ ਸੰਸਾਰ ਵਿਚ ਵਧ ਰਹੇ ਨਸ਼ੇ, ਜਿਨ੍ਹਾਂ ਦੀ ਪਕੜ ਵਿਚ ਸਾਡੀ ਜਵਾਨੀ ਵੀ ਰੁੜ੍ਹ ਰਹੀ ਏ, ਦਾ ਜ਼ਿਕਰ ਕਰਦਿਆਂ ਕਿਹਾ ਹੈ ਕਿ ਨਸ਼ੇ ਮਿੱਠੀ ਜ਼ਹਿਰ ਹੀ ਨਹੀਂ, ਸਗੋਂ ਇਨ੍ਹਾਂ ਦੀ ਆਖਰੀ ਮੰਜ਼ਿਲ ਮੌਤ ਹੈ। ਭਾਈ ਸੋਢੀ ਨੇ ਨਸ਼ਿਆਂ ਦੇ ਮਾਰੂ ਅਸਰ ਦਾ ਜ਼ਿਕਰ ਕਰਦਿਆਂ ਸਮਾਜਿਕ ਵਿਗਿਆਨੀਆਂ ਵੱਲੋਂ ਦਿੱਤੇ ਅੰਕੜੇ ਅਤੇ ਗਿਣਤੀਆਂ-ਮਿਣਤੀਆਂ ਦਿੰਦਿਆਂ ਇਕ ਡਰਾਉਣੇ ਅਤੇ ਡੂੰਘੀ ਸੋਚ ਵਾਲੇ ਵਿਸ਼ੇ ਨੂੰ ਛੂਹਿਆ ਹੈ। ਤੰਬਾਕੂ ਦੀ ਵਰਤੋਂ ਨਾਲ ਹੋਣ ਵਾਲੀਆਂ ਗੰਭੀਰ ਤੇ ਜਾਨਲੇਵਾ ਬਿਮਾਰੀਆਂ ਦਾ ਜ਼ਿਕਰ ਕੀਤਾ ਹੈ, ਜਿਸ ਨਾਲ ਲੱਖਾਂ ਲੋਕ ਮੌਤ ਦੇ ਮੂੰਹ ਵਿਚ ਜਾ ਰਹੇ ਹਨ। ਇਸੇ ਤਰ੍ਹਾਂ ਸ਼ਰਾਬ ਦੀ ਵਰਤੋਂ ਨਾਲ ਹੋਣ ਵਾਲੀਆਂ ਮੌਤਾਂ, ਕਲਾ ਕਲੇਸ਼, ਵਸਦੇ-ਰਸਦੇ ਪਰਿਵਾਰਾਂ ਵਿਚ ਰਾਤ-ਦਿਨ ਪੈਣ ਵਾਲੇ ਵੈਣ, ਸ਼ਰਾਬੀ ਡਰਾਈਵਰਾਂ ਵੱਲੋਂ ਹੋਣ ਵਾਲੀਆਂ ਦੁਰਘਟਨਾਵਾਂ ਵਿਚ ਹਰ ਸਾਲ ਹੋਣ ਵਾਲੀਆਂ ਮੌਤਾਂ ਦਾ ਜ਼ਿਕਰ ਵੀ ਅੰਕੜੇ ਦਿੰਦਿਆਂ ਕੀਤਾ ਹੈ। ਇਸ ਸਮੁੱਚੀ ਐਲਬਮ ਵਿਚ ਤਿੰਨਾਂ ਸ਼ਬਦਾਂ ਦੇ ਗਾਇਨ ਦੇ ਨਾਲ-ਨਾਲ ਨਸ਼ਿਆਂ ਦੇ ਮਾਰੂ ਅਸਰ ਨਾਲ ਸਮੁੱਚੇ ਸਮਾਜ ਨੂੰ ਚਿੰਬੜੀ ਇਸ ਲਾਹਣਤ ਤੋਂ ਛੁਟਕਾਰਾ ਕੇਵਲ ਪ੍ਰਭੂ ਨਾਮ ਅਤੇ ਗੁਰਬਾਣੀ ਤੋਂ ਸੇਧ ਪ੍ਰਾਪਤ ਕਰਕੇ ਹੀ ਹੋ ਸਕਦਾ ਹੈ। ਜਾਪਦਾ ਹੈ ਕਿ ਭਾਈ ਸੋਢੀ ਨੇ ਇਸ ਐਲਬਮ ਵਿਚ ਕੁੱਜੇ ਵਿਚ ਸਮੁੰਦਰ ਨੂੰ ਬੰਦ ਕਰਨ ਦਾ ਯਤਨ ਕੀਤਾ ਹੈ। ਇਸ ਐਲਬਮ ਦਾ ਸੰਗੀਤ ਕੰਵਲਜੀਤ ਬਬਲੂ ਨੇ ਦਿੱਤਾ ਹੈ। ਇਹ ਕੈਸਿਟ ਸਾਡੇ ਘਰਾਂ ਅਤੇ ਕੈਸਿਟ ਲਾਇਬ੍ਰੇਰੀਆਂ ਦਾ ਸ਼ਿੰਗਾਰ ਬਣੇਗੀ।

ਐਲਬਮ : ਗੁਰਮਤਿ ਅਨੁਸਾਰ 'ਨਸ਼ਾ ਕੀ ਹੈ'
ਰਾਗੀ : ਭਾਈ ਦਵਿੰਦਰ ਸਿੰਘ ਸੋਢੀ

Author Topic: ਧਾਰਮਿਕ ਸੰਗੀਤ-ਗੁਰਮਤਿ ਅਨੁਸਾਰ 'ਨਸ਼ਾ ਕੀ ਹੈ' (Read 1593 times)

ਦਿਲਰਾਜ -ਕੌਰ

ਧਾਰਮਿਕ ਸੰਗੀਤ-ਗੁਰਮਤਿ ਅਨੁਸਾਰ 'ਨਸ਼ਾ ਕੀ ਹੈ'

Database Error

Who's Online

Recent Posts