November 23, 2014, 09:40:29 PM
Gujjar no1
May 04, 2011, 07:43:02 AM by Gujjar no1
Views: 34 | Comments: 390

Germi e hasrat e nakaam se jal jate hain
Hum charaagon ki tarah shaam se jal jate hain
Bach nikalte hain ager aatish e sayyaad se hum
Shulaa e aatish e gulfaam se jal jate hain
Khud numayi tou nahin sheyva e arbaab e wafa
Jin ko jalna ho woh araam se jal jate hain
Shamma jis aag mein jalti hay numa'ish k liye
Hum usi aag mein benaam se jal jate hain
Jab bhi ata hay mera naam tere naam k sath
Jane kyoun loog mere naam se jal jate hain
Raabta e baham pe phir kya kya na kahain gaye
Aashna jab tere paigham se jal jate hain

Pages: [1]