ਜਿਹਦੀਆਂ ਉਡੀਕਾਂ ਚ ਉਮਰ ਲੰਘ ਗਈ ,
ਉਹਨੂੰ ਵੇਖੇ ਬਿਨਾਂ ਨਹੀਂ ਮਰ ਸਕਦੇ..
ਕੱਲਾ-ਕੱਲਾ ਦਿਨ ਸਾਡਾ ਕਿਵੇਂ ਲੰਘਿਆ,
ਲਫਜ਼ੀ ਬਿਆਨ ਨਹਿਉਂ ਕਰ ਸਕਦੇ..
ਇਹਨਾਂ ਅੱਖਿਆਂ ਦੀ ਲੌਅ, ਰੱਬਾ ਲੈ ਨਾ ਜਾਵੀਂ ਖੋ,
ਇਹ ਅੱਖ ਉਹਦਾ ਰਾਹ ਤੱਕਦੀ ਏ,
ਮੇਰੇ ਚਲਦੇ ਰਹਿਣ ਦੀ ਸਾਹ, ਸਾਹਾਂ ਵਿਚ ਉਹ ਵੱਸਦੀ ਏ….੨

ਉਹਦੀ ਪਲਕ ਚੋਂ ਹੰਝੂ, ਅਸੀਂ ਡਿੱਗਣ ਨਾ ਦਿੱਤੇ,
ਪਰ ਜਦੋਂ ਅਸੀਂ ਰੋਏ, ਉਹਨੇ ਚੁੱਪ ਨਾ ਕਰਾਈਆ,
ਉਹਨੂੰ ਗਲੇ ਲਾ ਕੇ, ਉਹਦਾ ਹਰ ਦੁੱਖ ਸੁਣੀਆ
ਤੇ ਜਦੋਂ ਅਸੀਂ ਦੁੱਖੀ ਹੋਏ, ਉਹਨੇ ਪੱਲਾ ਨਾ ਫੜਾਈਆ,
ਇਥੇ ਵਿਕਦੇ ਸ਼ਰੀਰ, ਨਾਲੇ ਲੋਕਾਂ ਦੇ ਜ਼ਮੀਰ,
ਤੇ ਰੂਹ ਕਿਵੇਂ ਬੱਚ ਸਕਦੀ ਏ..
ਮੇਰੇ ਚਲਦੇ ਰਹਿਣ ਦੀ ਸਾਹ, ਸਾਹਾਂ ਵਿਚ ਉਹ ਵੱਸਦੀ ਏ….੨

ਬੁਰੇ ਵੇਲਿਆਂ ਚ ਉਹਨੇ ਸਾਡਾ ਸਾਥ ਛੱਡੀਆ,
ਕੱਲੇ ਹਿਜ਼ਰਾਂ ਦੀ ਅੱਗ ਵਿਚ ਬਲਦੇ ਰਹੇ,
ਉਤੋਂ ਤਿਖੱੜ ਜੁਦਾਈਆਂ ਦੀ, ਦੁਪਿਹਰ ਤੱਪਦੀ,
ਪੈਰ ਸੜ ਗਏ ਸੀ, ਤਾਂ ਵੀ ਅਸੀਂ ਚਲਦੇ ਰਹੇ..
ਕੱਟ ਲਵਾਂਗੇ ਸਫਰ, ਆਕੇ ਮੇਰਾ ਹੱਥ ਫੜ,
ਜੇ ਕੁੱਝ ਪਲ ਚਲ ਸਕਦੀ ਏ….
ਮੇਰੇ ਚਲਦੇ ਰਹਿਣ ਦੀ ਸਾਹ, ਸਾਹਾਂ ਵਿਚ ਉਹ ਵੱਸਦੀ ਏ….੨

ਸਾਡੀ ਸਾਰੀ- ਸਾਰੀ ਰਾਤ, ਕਦੇ ਅੱਖ ਨਾ ਲੱਗੀ,
ਉਹਨੂੰ ਕੱਲੇ-ਕੱਲੇ ਦਿਨ ਦਾ, ਹਿਸਾਬ ਪੁੱਛਣੈ,
ਸਾਰੀ ਜਿੰਦਗੀ ਗਈ ਐ, ਉਹਦੇ ਲਾਰਿਆਂ ਦੇ ਵਿਚ,
ਉਹਨੂੰ ਕੱਲੀ-ਕੱਲੀ ਗਲ ਦਾ, ਜਵਾਬ ਪੁੱਛਣੈ,
ਗਈਆਂ ਉਮਰਾਂ ਗੁਜ਼ਰ, ਪ੍ਰੀਤ ਵੇਖਿਆ ਨਾ ਮੁੜ,
ਕਦੇ ਜੇ ਉਹ ਮੁੜ ਸਕਦੀ ਏ,
ਮੇਰੇ ਚਲਦੇ ਰਹਿਣ ਦੀ ਸਾਹ, ਸਾਹਾਂ ਵਿਚ ਉਹ ਵੱਸਦੀ ਏ….੨
ਮੇਰੇ ਚਲਦੇ ਰਹਿਣ ਦੀ ਸਾਹ, ਸਾਹਾਂ ਵਿਚ ਉਹ ਵੱਸਦੀ ਏ….